💚 ДУША МОЯ 💚

. Энэ номонд нэгэн айхтар зүйл бичиж. “Хүний бие бол матери болон оюун санаа, цаг хугацаа гурвын маш олон зүй тогтлуудын нэгдэл юм. Амиа хорлох нь урт удаан хугацааны үр дүнд бий болсон нарийн зүй тогтлыг хүчээр эвдлээ гэсэн үг. Тиймээс амиа хорлосны үйлийн үр дараа хэдэн зуун живаа төрөл авсан ч арилдаггүй аж. Түүнээс гадна үхсэний дараа сүнсийг нь хэчнээн номтой лам байгаад ч сайн төрөлд хөтлөх бараг л боломжгүй гэдэг. Тиймээс амиа хорлож үхсэн хүний сүнс дахиад төрөл авч чадалгүй зуурдын ертөнцөд “гацдаг” гэдэг нь ортой байх. Өөр номноос уншиж байсан бас нэгэн сонирхолтой зүйл байдаг. Хүн хоолойгоо боомилж үхэх нь хамгийн адгийн үхэл гэдэг. Тийм үхлээс ч хүн амьтан цэрвэж ойртдоггүй. Ил тавьж оршуулвал хорхой шавж ч хүрэхгүй цэрвэж, нутаг ус бузарладаг хэмээн хууччуул ярьдаг байсан. Учир нь хүн нас барах үедээ 4 мөчнөөсөө эхлэн 4 мах бодио хурааж голын хий судлаар сүнс нь дээшилж зулайгаараа гардаг хэмээн буддын ухаанд өгүүлдэг. Гэтэл хоолойгоо боомилчихоор хүзүүнээсээ дээш сүнс нь амирладаггүй юм гэнэ лээ. Насаараа цагдаагийн байгуулагад ажиллаж нэлээн юм үзсэн ах хүү нэг удаа надад “Пүү боож үхсэн хүн дээр л очилтгүй. Хүзүү нь сунаад, хамаг өтгөн шингэнээ өмдөндөө гаргачихсан байдаг юм билээ, ёстой хамгийн адгийн үхэл” гэж ярьж байсан. Амьд явах, тэр дундаа “Атга шар будаа асгахад нэг нь зүүний үзүүр дээр тогтож үлдэх мэт заяагдсан” энэхэн ариун биеэ биеэ хайрлаж явууштай. Монголчууд “Амьсгалын тоо” гэж ярьдаг. Бүх юм хэмжээтэй, тоотой, учир шалтгаантай, бүх зүйл нь харилцан шүтэлцээтэй, нарийн зарчмаар ажилладаг орчлон ертөмцөд бид амьдардаг. Тиймдээ ч бясалгал хийхдээ гол төлөв амьсгалдаа анхаардаг. “Хүний нас уртсаж биш, богиносож байдаг. Бид төрсөн өдрөө тэмдэглэхдээ нас нэмлээ гэж ярьдаг ч үнэндээ амьдраад өнгөрсөн жилийн тоо нэмэгдэх биш цааш амьдрах хугацаа хорогдож байгаа хэрэг” хэмээн өгүүлжээ. Хүн сэтгэл тайван байвал амьдрал тэр чигтээ сайхан байдаг. Би “Хүнийг бүү гомдоо, муу үг битгий хэл, битгий уурлуул. Сэтгэлээр нь оролдоно гэдэг сүнсээр нь оролдож буй хэрэг. Тэр хүн хожмоо нас барахад сэтгэл нь сүнс болон оддог. Гомдсон сүнс эргээд чамд сайн зүйл хийхгүй. Харин түүний оронд хүнийг сэтгэлийг нь баясгаж, хөгжөөж инээлгэж, өглөг өгч тусалж, баярлуулж бай. Сүнс нь мартдаггүй юм. Чамд сайн үйлийн үр нь аль нэг төрөлд чинь ирнэ” гэж хэлдэг юм. Хэдэн жилийн өмнө бидний хэдэн найзууд өвөл Хөвсгөл аялсан юм. Тэгэхэд бидэнтэй хамт нэгэн уран дархан хотоос ирж нэгдсэн юм л даа. Тэр ёстой мундаг залуу. Надад мартагдахааргүй нэг үг хэлж билээ. “Хүний сүнс биедээ гомдчихоор л явчихдаг байх. Тиймээс биеэ баялуулж байгаарай. Сайхан эдлэл, бөгж зүүж, сайхан эрүүл саруул, өнгө зүстэй байлгаж, биеийн тамираар хичээллэж, сайхан үнэтэй торго дурдам өмсөж, усанд орж, ариун цэвэр байлгаж, сайхан үнэртэн хэрэглэж, заримдаа дуртай амттанаа идэж биеэ баярлуулж байвал урт насалдаг” гэж ярьж байсан. Үнэн байх... Эх сурвалж: Насны бурхан