أطلقنا مجرّة 🚀 أول منصة عربية للمطوّرين لمتابعة أخبار البرمجة والتقنية من المصادر العربية والعالمية! الفكرة ببساطة إننا نستحق إن يكون عندنا منصة عربية مبنية خصيصًا لاحتياجتنا وبتسهل علينا الوصول للمستجدات اللي بتطرأ في المجال بشكل سريع وبسهولة، خصوصًا إن البدايل المتاحة غير مرغوبة بالمرة! مجرّة بتجمع أخبار وأدوات ومقالات من +30 مصدر عربي وعالمي في خلاصة يومية مخصّصة لاهتماماتك. ومدعومة بأدوات الذكاء الاصطناعي علشان تساعدك تطلع بأكبر استفادة ممكنة ⚡ طب ايه اللي بيميّزها؟ 🎯 تقدر تبني مجرتك بالشكل اللي يناسبك وتشوف المقالات اللي تهمّك فعلاً من المصادر المتاحة والوسوم 🤖 أوامر مدعومة بالذكاء الاصطناعي بالعربي — تلخيص، وتبسيط، وأمثلة عملية وتطبيقية من أي مقال، ونقد بنّاء بضغطة واحدة 🌟 الكوكبات — مجتمعات متخصّصة للمطوّرين (تقدر تفكر فيها كـ subreddits للمطوّرين العرب) 🔥 سلسلة القراءة — حافظ على عادة القراءة اليومية وهيكون فيه نظام Gamification للتحفيز جاي قريب 🏆 لوحة الصدارة والإنجازات 💳 بطاقتك المجرّية — بطاقة هويتك كمطوّر ، وتقدر تشاركها على GitHub و 💎 تجربة استخدام مميزة للمطورين وآخيرًا تقدروا تحولوا كل tap في المتصفح بتاعكوا لصفحة مليانة بآخر المستجدات من خلال Chrome Extension 🎁 المنصة مبنية لدعم المجتمع التقني العربي وإن شاء الله فيه أفكار كتير للتطوير ، هستنى أعرف رأيكوا بعد ما تجربوها ، وباذن الله ناوي يكون فيها جزء مفتوح المصدر قدام .. وكأي مبادرة بتبدأ طبيعي يكون فيه مشاكل واخطاء تقنية .. فمساهتمكم باننا نحسن منها للأفضل 💪 تقدروا تجربوها دلوقتي 👇 majara.dev ومتنسوش تشاركوها مع الجميع 💜