Acaba de saír á venda “A maldición de Hill House” de Shirley Jackson. Así que abrimos a sección de terror traducido cunha das obras deste xénero mellor valoradas do século XX. Vinde descubrir o que lles acontece aos catro protagonistas nesta casa con carácter de seu, Hill House

Sae á venda “Tehanu. Historias de Terramar IV”, de Ursula K. Le Guin. Hai anos, escaparon xuntos das Tumbas de Atuan. Agora Tenar é a viúva dun labrego e Ged un vello quebrado sen poderes. Mais deben unir forzas para protexer a Therru, unha meniña cun destino sen revelar.

“Niño maldito” de Roberto A. Rodrigues é unha antoloxía de catro relatos xurdidos das tebras, dese arrepiante e húmido lugar que é o inferno da mente. Unha arrepiante obra ambientada tanto na Galiza actual como en realidades semellantes e que non deixará a ninguén indiferente!