ایک دوست نے توجہ دلائی کہ یوں تو آپ بڑے الطافی فوجدار بنے پھرتے ہیں لیکن اس انٹرویو پر آپ نے کچھ نہیں لکھا خیر جو جواب انہیں خلوت میں دیا وہ یہاں جلوت میں نہیں دے سکتا لیکن ان کی خواہش کا احترام سر آنکھوں پر۔ یہ انٹرویو بتاتا ہے کہ الطاف حسین بھائی آج سے 36 برس پہلے اس قوم کو مرض بتا رہے تھے اور ساتھ ساتھ نسخہ بھی بتا رہے تھے لیکن اس قوم نے نفرت، تعصب میں قریبا چار دہائیاں برباد کر دیں لیکن الطاف بھائی کو نہیں سنا۔ 1990 میں الطاف حسین نے جو کہا تھا، آج پاکستان کا تقریباً ہر عام آدمی سمجھ رہا ہے۔ اس انٹرویو میں وہ واضح طور پر کہہ رہے ہیں کہ پاکستان چند خاندانوں کی میراث نہیں۔ چاہے مارشل لا ہو یا جمہوری حکومت، چند چہرے اور چند خاندان اقتدار میں آتے رہتے ہیں، اور جب وہ ریٹائر ہوتے ہیں تو ان کی اولادیں ان کی جگہ لے لیتی ہیں۔ غریب غریب تر ہوتا جا رہا ہے اور وہ طبقہ جو اقتدار پر قابض ہے، امیر سے امیر تر۔ یہ باتیں آج صرف MQM کے حامی نہیں، بلکہ عام پاکستانی بھی دہراتے ہیں۔ اس کے علاوہ اس انٹرویو کے دیگر اہم پہلو یہ تھے MQM کا فلسفہ نہ کمیونزم، نہ سوشلزم اور نہ بے لگام کیپٹلزم تھا۔ وہ حقیقت پسندی (Realism) اور عملیت پسندی (Practicalism) کی بات کر رہے تھے۔ یعنی صرف مسائل کا اعتراف کافی نہیں، ان پر عمل بھی ہونا چاہیے۔ جیسے پچھلی چار دہائیوں میں تمام جماعتیں غریبوں کی باتیں کرتی ہیں، مگر عملی طور پر انہیں آگے نہیں بڑھاتیں۔ MQM نے غریب بستیوں اور متوسط طبقے سے لوگوں کو منتخب کر کے اسمبلیوں میں بھیجا۔ الیکشن کے موسم میں لیڈر نظر آتے ہیں، دعوے کرتے ہیں، پھر پانچ سال غائب ہو جاتے ہیں۔ اصل ضرورت یہ ہے کہ امیدوار اسی حلقے کا ہو یا کم از کم وہاں کے لوگوں جیسا معاشی پس منظر رکھتا ہو، تاکہ مسائل کو خود محسوس کر سکے۔ مثال دی کہ مریض ہی اپنا درد صحیح بتاتا ہے، باہر والا نہیں۔ کروڑوں روپے خرچ کر کے منتخب ہونے والا شخص پہلے اپنے اخراجات واپس لینے کی کوشش کرتا ہے، جائز یا ناجائز طریقے سے۔ اس لیے غریبوں کو انتظار نہیں کرنا چاہیے کہ کوئی فرشتہ آ کر مسئلہ حل کرے گا۔ اللہ نے عقل، آنکھیں اور ہاتھ دیے ہیں، انہیں خود میدان میں آنا ہوگا۔ MQM نے اس وقت کی مثال دی کہ غریب بستیوں سے لوگ منتخب ہوئے جن کے پاس بینر بنانے کی استطاعت تک نہیں تھی، اخراجات عوام نے برداشت کیے۔ اگر پنجاب، سرحد، بلوچستان اور سندھ کے غریب و مظلوم طبقے متحد ہو کر یہی سوچ اپنائیں تو وہ بھی اپنے نمائندے اسمبلیوں میں بھیج سکتے ہیں۔ یہ انٹرویو آج بھی اس لیے سنا جاتا ہے کیونکہ اس میں جو بنیادی نکتہ (موروثی سیاست اور عام آدمی کی نمائندگی) اٹھایا گیا تھا، وہ وقت کے ساتھ زیادہ واضح ہو گیا ہے۔ باقی باتیں بحث طلب رہیں، مگر یہ نکتہ اب تقریباً ہر پاکستانی کی سمجھ میں آ چکا ہے۔ #AltafHussain #MQM #PakistanPolitics #خاندانی_سیاست کیا ایم کیو ایم ناکام ہوئی ؟ کیا الطاف حسین کی یہ کامیابی نہیں کے آج طاقتور لوگوں کے اندر یہ سوچ راسخ ہو چکی ہے کہ اگر ان خاندانی راجدھانیاں جو مسلم لیگ ن، پیپلز پارٹی تحریک انصاف اور جمعیت علمائے اسلام کے نام پر بن چکی ہیں ان کو ختم ہونا چاہئے اور ملک میں چھوٹے انتظامی یونٹ بننے چاہئیں۔ یہ بلاگ ان کے نام جو اکثر کہتے پائے جاتے ہیں کہ ایم کیو ایم سے مہاجروں کو کچھ نہیں ملا۔

Can anyone explain how and why Mayor Murtaza Wahab is bad but CM Murtaza Wahab would be good for Karachi? Thanks