سہیل آفریدی کہاں ہیں؟ انہیں عدالت میں پیش کیوں نہیں کیا گیا؟ پی ٹی آئی کی لیڈر شپ کہاں ہے؟

پاکستان میں مارشل لائی جمہوریت نافذ ہے ————— میں نے کل بھی یہ سوال کیاتھاکہ ملک کی فوج ہوتی ہے یا فوج کا ملک ہوتا ہے؟ اگر کسی ملک میں آمریت، بادشاہت یا مارشل لاء ہوتو وہاں ہم کہہ سکتے ہیں کہ فوج کا ملک ہے، بادشاہ کا ملک ہے، وہاں بادشاہ کی فوج کی حکمرانی چلتی ہے اور بادشاہ کی اپنی عدالت ہوتی ہے۔دنیا میں لگ بھگ 200ممالک ہیں، ماسوائے چند ممالک کے ہرملک میں جمہوری حکومتیں قائم ہیں، جہاں جمہوری حکومت ہوتی ہے وہاں جمہوریعنی عوام اپنی پسند کی جماعت کے نامزد امیدواروں کو ووٹ دیکر قومی اسمبلی اورصوبائی اسمبلی میں بھیجتے ہیں جو پارلیمنٹ ہاؤس میں ووٹ دیکر وزیراعظم، وزیراعلیٰ، اسپیکروڈپٹی اسپیکرکومنتخب کرتے ہیں۔ جب ہم اپنے ملک کی سیاسی تاریخ دیکھتے ہیں تو ہمیں صرف اورصرف دو جماعتیں پیپلزپارٹی اور مسلم لیگ (ن) حکومتوں میں نظرآتی ہیں، ان جماعتوں کے خاندان نسل درنسل ملک پر حکمرانی کرتے چلے آرہے ہیں ، انہیں حکومت میں لانے میں فوجی اسٹیبلشمنٹ معاون ومددگار بنتی ہے، اسٹیبلشمنٹ پہلے سے ہی طے کرلیتی ہے کہ کس جماعت کے نمائندے کو وزیراعظم بنانا ہے۔  پاکستان میں اسکندرمرزا نے آئین توڑا اور جنرل ایوب خان کو چیف آف آرمی اسٹاف بناکر ملک میں پہلا مارشل لاء نافذ لگایا، اس کےبعد جتنے بھی مارشل لا لگے انہیں سپریم کورٹ نے جائز قراردیا۔قائداعظم محمد علی جناح نے فرمایا تھاکہ پاکستان جمہوری ملک ہوگا، لیکن اگرایک جمہوری ملک میں فوجی مارشل لاء لگتے رہے تو اس ملک کوجمہوری ملک کہیں یا مارشل لائی جمہوریت کہیں یا اسلامی جمہوریہ پاکستان کے بجائے اسلامی فوجیائی پاکستان کہیں؟ دنیا میں کسی بھی جمہوری ملک میں مارشل لاء لگانے والے جرنیلوں پر غداری کا مقدمہ چلایا جاتا ہے جبکہ پاکستان میں جتنی بھی جمہوری حکومتیں بنیں وہ جی ایچ کیو اورآبپارہ کی حمایت سے بنیں تو ان حکومتوں کو آپ نوازشریف کی مارشل لائی حکومت اورپیپلزپارٹی کی مارشل لائی حکومت کہہ سکتے ہیں۔ موجودہ حکومت میں مسلم لیگ (ن) کے پاس وزارت عظمیٰ کامنصب ہے جبکہ پیپلز پارٹی کے پاس صدارت کا منصب ہے تواب یہ بھی کہا جاسکتا ہےکہ مارشل لائی وزیراعظم میاں شہباز شریف اور مارشل لائی صدر آصف علی زرداری۔ ملک میں فرسودہ جاگیردارانہ نظام قائم ہے اور سیاست میں فوجی جرنیلوں کی مداخلت کا عمل بھی جاری ہے۔  ہمیں طعنے دیئے جاتے ہیں کہ آپ جنرل پرویز مشرف کی حکومت میں شامل تھے لیکن کوئی بھی ذی شعوراس حقیقت سے انکارنہیں کرسکتا کہ پاکستان میں فرسودہ جاگیردارانہ اوروڈیرانہ نظام اور جرنیلوں کی سیاست میں مداخلت کے خلاف اگر سب سے پہلے کسی نے آواز اٹھائی ہے تو وہ الطاف حسین نے ہی اٹھائی ہے۔ میں نے فوج کی سیاست میں مداخلت پرتنقید کی تومجھ پر ملک دشمنی، فوج مخالف، دہشت گرد اورطرح طرح کے الزامات لگائے گئے، جب یہی باتیں عمران خان نے کیں تو ان پر بھی یہی الزامات لگائے گئے۔ عمران خان کوکرکٹ کے تو تمام قوانین معلوم تھے لیکن انہیں یہ نہیں معلوم تھا کہ فوج کے جرنیل دنیا کودکھانے کے لئے وزیراعظم کوسیلوٹ کرتے ہیں لیکن جب سازشوں کے ذریعے وزیراعظم کو کرسی سے اتار دیں توکیا سلوک کرتے ہیں۔جب عمران خان کومعلوم ہوا کہ ان کے خلاف سازشیں شروع کردی گئی ہیں تو انہوں نے اپنے تمام ارکان قومی اسمبلی اور سینیٹرز کااجلاس بلاکران سے قرآن مجید پر حلف لیا کہ اگرانہیں غیرآئینی وغیرجمہوری طریقے سےہٹانے کی کوشش کی جائے تو آپ میں سے کوئی بے وفائی نہیں کرے گا۔ جنہوں نے حلف لیاان میں سے بہت سے تو جیل میں ہیں، کچھ ملک سے باہر اورکچھ روپوش ہیں، کچھ ساتھ چھوڑ گئے۔عمران خان نے معلوم کیاکہ آخرفوج ان کے خلاف کیوں ہوگئی ہے توانہیں بتایاگیاکہ اس کی وجہ یہ ہے کہ انہوں نے اقوام متحدہ میں اسلامو فوبیامیں کھل کرتقریر کی ہے اور فلسطین کی بات کی ہے۔ اسی طرح عمران خان نے ایک امریکی صحافی کو انٹرویو میں پاکستان میں امریکہ کوڈرون حملوں کے لئے اڈے دینے کے سوال کے جواب میں جب Absolutely not کہا توامریکہ میں زلزلہ آگیا، جس کی لہریں اسلام آباد اور راولپنڈی تک گئیں۔اس کے بعد امریکہ سے ایک سائفر آگیااورعمران خان کی حکومت ختم کردی گئی اور عمران خان کو گرفتارکرکے قید کردیاگیا۔ پی ٹی آئی نے احتجاج کیاتو26نومبر کو ان پر گولیاں چلائی گئیں اورپی ٹی آئی کے لیڈرآدھے راستے سے بھاگ گئے۔ اب جب منتخب وزیراعلیٰ سہیل آفریدی کی قیادت میں لانگ مارچ نکلا توپیپلزپارٹی اورمسلم لیگ ن کے رہنما بشمول بلاول زرداری،سب نے دھمکیاں دیں کہ اگرلانگ مارچ ختم نہیں کیا گیا توہم گورنرراج نافذ کردیں گے اور انہوں نے ایسا ہی کیا۔صوبے کی منتخب حکومت ختم کردی گئی، گورنر راج نافذ کردیاگیا، سہیل آفریدی اورخیبرپختونخوا اسمبلی کے اسپیکرکوگرفتارکرکے غائب کردیا گیا، اگروہ گرفتارہیں توحکومت کو بتانا چاہیے کہ وہ کس تھانے یاجیل میں ہیں ۔ 1/2

مطالعہ پاکستان اورپاکستان کی اصل تاریخ  (الطاف حسین) —————- پاکستان کے عوام کو اب تک مطالعہ پاکستان کے ذریعے جوتاریخ پڑھائی گئی ہے وہ حقائق پر مبنی نہیں ہے۔  کیاپاکستان اسلام کے لئے بناتھا؟ ——— پاکستان کے طلبہ کوآج تک یہ پڑھایاجاتا ہےکہ پاکستان اسلام کےلئے بناتھا، اگر واقعی ایسا تھا توکیا قیام پاکستان سے قبل ہندوستان میں آبادمسلمان کافرتھے؟ یا جو کروڑوں مسلمان آج بھی ہندوستان میں رہتے ہیں، کیا وہ مسلمان نہیں ہیں؟  برصغیرپر سلطنت برطانیہ کاقبضہ: ————— ہمیں اصل تاریخ کوجاننےکےلئے مطالعہ کرناچاہیے۔برصغیرکی تاریخ یہ ہے کہ سلطنت برطانیہ نے دنیامیں مختلف ممالک کواپنی کالونی بنایا تھا وہاں کی قوموں کی تاریخ، ان کی ثقافت، تہذیب، مذہب، روایات اوراقدارکابھی تجزیہ کیا اوران کی کمزوریوں سے فائدہ اٹھاکر اور اپنی طاقت کے ذریعے انہیں اپنا غلام بنایا۔ انگریزوں نے برصغیرپرقبضہ کرنے کے لئے پہلے ایسٹ انڈیا کمپنی کی فوج بنائی،وہاں کی ریاستوں پر قبضہ کیا اس کےلئے انگریزوں نے نوابوں اورراجاؤں کے قریبی لوگوں کوبھی خریدا،جنہوں نے مزاحمت کی، انہیں طاقت کےذریعے شکست دی، جن نوابین اور راجاؤں نے سلطنت برطانیہ کی اطاعت قبول کرلی انہیں جاگیریں عطا کیں،ان کواپنی ریاستوں پرحکمرانی کی اجازت دی،ان سےکہا کہ وہ سلطنت برطانیہ کے وفاداربن کررہیں،انگریزوں نے تمام وارلارڈز سے دوستیاں کیں، انہیں اپنے قریب کیا۔ہندوستان کےلوگوں کواپنی فوج میں بھرتی کیا، آہستہ آہستہ انگریز ہندوستان کے علاقوں پر قبضے کرتے رہے۔ اس وقت ہندوستان پر آخری مغل بادشاہ بہادر شاہ ظفر کی حکمرانی تھی۔انگریزوں کے قبضے کےخلاف 1857ء میں جنگ آزادی ہوئی جس میں ہندوؤں، مسلمانوں، سکھوں اوردیگر مذاہب کے ماننے والے ہندوستانیوں نے حصہ لیا۔ 1857کی جنگ آزادی کی ناکامی کے بعد ہندوستان پر انگریزوں کامکمل قبضہ ہوگیا۔انگریزوں نے ہندوستان پرقبضہ کے لئے اپنی فوج میں ہندوستان کے لوگوں کوبڑی تعدادمیں بھرتی کیا،ان میں سب سے بڑی تعداد موجودہ پاکستان کے صوبہ پنجاب سے تھی۔جہاں کے جاگیرداروں، وڈیروں اورمزارات کےگدی نشینوں نے انگریزوں کی فوجوں میں اپنے علاقوں کے لوگوں کوبھیجاجس کےانعام میں انہیں جاگیریں عطاکی گئیں اور”سر“ کے خطابات دیےگئے۔جن میں سندھ کے وڈیرے اورذوالفقارعلی بھٹوکےوالد شاہنواز بھٹوبھی شامل ہیں جنہیں انگریزوں سے وفاداری اورخدمت کے صلے میں جاگیریں اورسر کاخطاب ملا۔  انگریزوں کے منصوبے کے تحت 1906ء میں آل انڈیامسلم لیگ بنائی گئی، اس کے بنانے والوں میں تمام کےتمام نوابین شامل تھے۔انگریزوں نے برصغیرپراپنے قبضے کو جاری رکھنے کےلئے ہندوستان کے عوام کو تقسیم کرنے کےلئے مذہب کا ہتھیار استعمال کیا،مسلمانوں کو تقسیم کرنے کے لئے انہیں مسلک کی بنیادپرآپس میں تقسیم کیا گیا،اس مقصد کےلئے دیوبند اوربریلوی مسلک کے مدرسے قائم کئے گئے۔   انگریزہندوستان سے جانا نہیں چاہتے تھے لیکن جنگ عظیم اول(1914-1919) اور جنگ عظیم دوم (1939-1945) کے بعد انگریزوں کی حالت بہت نازک ہوگئی تھی اورانہیں اپنی کالونیوں پرقبضہ برقرار رکھنا مشکل ہوگیا تھا لہٰذا انہوں نے جن جن کالونیوں پر سے قبضےختم کئے وہاں کے ٹکڑے کئے، انگریزوں نے ہندوستان پرقبضہ ختم کرتے ہوئے یہ منصوبہ بنایا کہ اس خطے میں ایک ایسا ٹکڑاہوناچاہیے جس کے ذریعے وہ خطے میں اپنااثرورسوخ برقراررکھ سکیں اوراپنے مفادات کاتحفظ کرسکیں۔ قائداعظم جوایک بڑے تاجرکے بیٹے تھے جنہوں نے برطانیہ میں اعلیٰ تعلیم حاصل کی تھی اوروہ انگریزوں کے قریب تھے۔ وہ پہلے آل انڈین نیشنل کانگریس میں شامل تھے لیکن کچھ سال بعدوہ آل انڈیا مسلم لیگ میں شامل ہوگئے۔ ہندوستان کی تقسیم کے مقصد کے لئے دوقومی نظریہ پیش کیا گیا کہ ہندواورمسلمان الگ الگ ہیں اوراب وہ ایک دوسرے کے ساتھ نہیں رہ سکتے۔مسلمانوں کے لئے ایک علیحدہ وطن ہونا چاہیے جہاں وہ آزادی کے ساتھ زندگی گزارسکیں۔سازش کے تحت ہندو مسلم فسادات کرائے گئے۔ قائداعظم کو استعمال کیاگیا اورکہاگیا کہ وہ مسلمانوں کی قیادت کریں۔ کیا علامہ اقبال نے پاکستان کاخواب دیکھا؟ ——— قوم کویہ بتایاجاتاہے کہ علامہ اقبال نے پاکستان کاخواب دیکھاتھا، اس کے لئے علامہ اقبال کے 1930ء کےخطبہ الہ آباد کا حوالہ دیا جاتا ہےجبکہ علامہ اقبال نے خطبہ الہ آباد میں پاکستان کے بجائے ہندوستان کے وفاق کےجغرافیہ میں رہتے ہوئے مسلم اکثریتی علاقوں پرمشتمل ریاستوں کی خودمختاری کی بات کی تھی۔ جب بعض لوگوں نے اسے پاکستان اسکیم قرار دیا توعلامہ اقبال نے اپنے خطوط کے ذریعے اس بات کی سختی سے تردید کی۔ علامہ اقبال کے صاحبزادے جسٹس جاوید اقبال نے بھی اپنے انٹرویوز میں کئی بار واضح الفاظ میں کہاکہ علامہ اقبال نے پاکستان کی کوئی تجویزپیش نہیں کی تھی اورنہ ہی علامہ اقبال نے پاکستان کا خواب دیکھا تھا۔  1/2