لائبہ کیس دل دہلا دینے والا ہے لیکن جتنے بھی طالب علم میرا یہ ٹویٹ پڑھ رہے ہیں اُن سے میری درخواست ہے کہ کبھی بھی کسی ایجنٹ کے ذریعے داخلے نہ کروائیں۔ ہر یورپی ملک، برطانیہ اور امریکا کی یونیورسٹیز میں انٹرنیشنل اسٹوڈنٹس کے لئے سیدھا سیدھا آن لائن داخلوں کا پروسس ہے جیسے برطانیہ میں آپ UCAS سے اپلائی کریں اور اگر آپ کا میرٹ اسکالرشپ یا سیلف فنڈنگ پروگرام پر بنتا ہے تو یونیورسٹی ہی آپ کو CAS اِشُو کرتی ہے، جس سے آپ کو برطانیہ کا آن لائن ویزا چوبیس گھنٹے کے اندر مل جاتا ہے۔ آپ کو کسی ایجنٹ کو پیسے دینے کی ضرورت نہیں ہے۔ اس بچی کا تو ہمیں اس لئے پتہ چلا ہے کہ اس نے خُودکشی کرلی لیکن اور پتہ نہیں کتنے ایسے کیسز ہیں جہاں غریبوں کے لاکھوں لُٹ گئے۔ دوسری بات یہ کہ صرف داخلہ اور اس ملک جانے کی ٹکٹ نہیں ہوتی، آپ کو چار پانچ سال پڑھنے کے لئے اپنی فنڈنگ بھی دکھانی پڑتی ہے جو کہ صرف بیس، چالیس، یا پچاس لاکھ نہیں ہے آپ کو باہر پڑھنے کے لئے کروڑوں خرچ کرنے پڑتے ہیں اور اگر یہاں روزانہ کام کرکے کمائیں بھی تو پُوری فیس کے پیسے جمع بمشکل ہوسکتے ہیں۔ خُود پر اور اپنے غریب ماں باپ پر رحم کریں اور کسی ایجنٹ کے دھوکے میں نہ آئیں۔ اس بچی کی خودکشی نے دل توڑ کر رکھ دیا ہے، پتہ نہیں اُس کے ماں باپ کیسے یہ صدمہ برداشت کرینگے۔ محسن نقوی اور طلال چوہدری نے لائبہ کے والد کے ساتھ مل کے پُرسہ تو دیا ہے، اور ایجنٹ بھی گرفتار ہوگیا ہے، لیکن اس فراڈ ایجنٹ کوعبرتناک سزا دی جائے۔