جَ

هذي أنتي .. وجهك أحلى وجه من بدّ العباد رغم ما هلّيتي من دموع .. لكن ما أنطفا . 4:32

الولاء الأسبوعي لـ شطر ضيدان بن قضعان « يوم عادك تكره السبت . . وتحب الربوّع »

انا مع مساعد الرشيدي لما قال/ ان كان شمسك تساومني على ظلك ما عاد ابي منك لا شمس ولا فيه إما تعالي لقلب فز كلك والا اتركيني ما ابي لك بالهوى جية .

وانا ماني سفيه .. وماقفي مايقبل السفهان ولا اقبل كل شخص يفرد ضلوعه ويكويني ياكود انت الوحيد اسامحك واغليك مهما كان قسم بالله ما قبلك حدْ لجله بكت عيني بموت من الحزن ومن الفراق ومن جفا الخلان لكني لو بموت اهون ولااا طرد المقفيني .

من كثر طيبي وخبثك شعرت اني في جهاد وكل ما أقدم احس اني مقصره .

الصمت يغنيني بعض الأحيان عن كثر الكلام و إنسان ماني عاجبه مانيب مكلوف اعجـبه أنـا مـا جيت أدورك يـاللي تـدور الاهـتمام الاهتـمام الـلي مـاهو مـن قلب محدٍ يرغبه لا عاد ترسل واهي أعذارك وتطلب احترام الاحترام اللي ما تقدر تكسبه .. لا تطلــبــه .

ضااع الطريق وصرت بالدرب مبهوت مدري وش اللي فاتني ما اغتنمته . - مشعان البراق

عسى ماحصل يفداك يالخاطر الحساس ويفدى مشاريهيي ليا جات منقاده حبيبي عليك من الرضا واليقين لبّاس وعلي الصبر حتى الوصل يبلغ مرّاده تعلقت فيك وشفتك من الحياه أساس وعلقتني لين الحياه أصبحت ساده أدف الخطاوي كل ما تاقف الانفاس على كل ذكرى تشلع القلب ب أوتاده .

ليه تصغر في عيوني وانت برقاب الغواني ؟ كيف تستسهل طعوني وانت خابرني وليده؟ تكفى ليا قلت تكفى قوم الدنيا عشاني لاتضيع من يديني فرصه العمر الوحيده جيت مابيك تحقرني جيت ابيك تعز شاني جيت ابي فزعه ضلوعك من مشاعرك البليده !

إن عطيت عطيت عمق البحور بلا حسبان وإن هجرت صديت صدة اللي ماكن له والي .

ماني على تبرير الأحداث مجبور و ماعاد عندي للتخاطب وسيله برحل و دنياك الدنيّه تبي تدور وتقول ليت الأرض تنبت مثيله بـ تفقد اللي يفقدك بين الحضور وتبحث عن شعوره بـ قصه بديله فقد الأحبّه ما تعيشه على الفور باكر تفوق و تجني أردى حصيله .

أمرّك و أنا مستبعدٍ فكرة المعواد و يغلب علي وجه الشبه بينك و بينه يا غاية مراد اللي يشوفك أحق مراد و الأحق في بسمة شفاته و ماء عينه ملكني غرامك لين صرت أملك أستعداد أناصر ضحايا الحب و أفهم مجانينه .

سيّد البال .. تاخذني عليك الطواري أثر مالي لو يطول الجفا عنك صدة أنت ليلٍ .. تخاطفني عليه المساري وأنا ما جابني لك غير صدق المودة ودي آخذ من عيونك ومبسمك ثاري شيّ يوخذ بـ لين و شيّ يوخذ بـ شدة عاد و أنّ بان بين الساعدين إنكساري من يلوم القوي لا بيّح الشوق سده .

تنتهي كل النقاشات يالفكر العقيم بـ إبتسامة عفو مافيها لا نفاق ولا رياء والله ان القلب ؟ باقي على العهد القديم من وفاه يحسب كل المخاليق آوفياء قد خذيت من الليالي جروح فالصميم كثر ما أخذت من إيديني حبايب واخويا أتغافل بعض الآحيان من هرج الغشيم وأستحي لو أكثر الناس مافيها حيا .

قلبي ماهـوب مسخرٍ نبضه لوردٍ فيـه شوك ونفسي ماهي مرهونه لضيقـة عصّير ولا عصر حتى الكلام اللي يعقد حاجب الوقت الضحـوك أحب اقوله بالفم المليان ماحب أختصر . - مزيد الوسّمي

لا نويت احث في درب الرحيل ركابي ردني صوتٍ..لا زالت نبرته رنانه البعيد الي لازلت اعده من اقرابي فاقده فقد الضمير الحي لاطمئنانه جرحك الأخير ؟ ينعم في كنف ترحابي ما تقول إلا آخر العنقود بين اخوانه .. صرت ادور في جروحك ما يثير اعجابي الخطا في عيني اهون من فراغ الخانه .

اسجّ من تفكير وارجع لتفكير وابرك رحالي واشدّد رحالي إن زانت الأخلاق ؟ تنبت نواوير وإن شانت الأخلاق زعّلت غالي .

عليك المشاعر ثايرة .. يا رفيق الذات أحاسيسٍ .. أدنى ما يجيها ينرفزها من يحب مجبور يتعوّد على الانصات لو ان ما تمرّه .. غلطه الا يميّزها أنا كنت آسامح ..وآتغاضى ، عن الزلات ما آعيد النظر في كل صورة . وابروزها تجاوزت قبلك كل صدمة من الصدمات وهالحين .. كلمة ، ما قدرت اتجاوزها .

لاخاب العشم لاترجع تحاول تداريه يموت العشم من يوم ندفع تكاليفه شعور الوجع يوم الغلا طاح من عاليه ماهو شي وانت تطيّحه من مشاريفه مهو كل جرح تمرّ الايام وتداويه ياليت الليال تخلّي الجرح في كيفه نضيف الفرح بس الفرح ماتجود يديه بخيلٍ يشوف الضيف ويصدّ عن ضيفه .

ما قدرت آعرف قلبي سخي ولّا شحيح من كثر ما حال دون« المحبه »وانثنى يا صحيح الود ما عاد في حالي صحيح ادرِك اللي مدِركه بعد فرقاك الونى ويش اداوي من جروحي وانا كلي جريح لا غفى جرحٍ هنا صاح جرحٍ من هنا لا توقفني ليا جيت محتاج المطيح المطيح احيان يحتاجه الميّت وانا . — عويد