Ahmed

تو اشوف تقييماته بمشاركاته مع الشباب والظاهر انه جيد جدا اما امس فهو عنف دفاعنا بشكل يفجع لو استمر كذا بيجيب لنا مبلغ طيب

زياد هنا ماتدري وش كان يفكر فيه من بداية اللقطة سعد يساره ولافيه احد مضيق عليه لكن الحريف الحاجة الاوروبية قرر يعطيها كعب وتنتهي بهالشكل

معقولة للان ماتمت اقالة بوسيتش ولا فيه اي كلام من صحف موثوقة ان فيه محادثات حول تغييره؟ من المستفيد من استمرار هذا المنحط الاهلي دُمر بما فيه الكافية والمفترض اننا وصلنا لنهاية الضرب الي صار للاهلي مو معقول ان الي يدير المشهد حاقد للدرجة الي يضيعك مره ومرتين وعشر الوضع صار تطفيش للجمهور ومحاولة لإبعادهم عن هذا النادي .. هذا الي قاعد اشوفه

كالعادة بيصرفون علينا واحد مبتلشين فيه

ماذا بعد اقالة بوسيتش ؟ بالنسبة لي ما اثق باختيارات المالك ابدا الي طلع ماتياس قبل بداية الموسم وكابر على الشنقيطي وبيدرو ورضى بصفقات مشبوهة مستحيل اصفي النية واحسن الظن فيه

وين الي كانوا يقولون جمهور الاهلي همجي جمهور الاهلي قاعد يدمر الفريق بصافرات الاستهجان على المدير التنفيذي والرياضي وعلى بوسيتش وارتيم ؟؟ الجمهور هذا يفهم ويعرف مصلحة فريقه جمهور على يقين ان كل الي صار ماهو الا بداية لدمار الفريق وتحققت كل مخاوفهم واختفت اصوات المنتقدين

بالمناسبة هذا اوطى مدرب مر على الاهلي على ان سجله يعتبر اغلبه انتصارات الا انه واطي على المستوى الشخصي انسان ماعنده ضمير ولاذمة مستعد ينهي كل شي بالفريق باجتهاد بعد عشان يرضي الي جابوه

متاخره والله المفروض بعد القارات مباشرة انطرد وبالنعال بعد

من قبل المباراة وكنت متوقعها للاسف مع ان الفريق انتصر اخر 5 مباريات بنتائج كبيرة هذا المدرب ما اعطاني ولا 1٪ امل انه يكون رجل المرحلة

اقالة بوسيتش كانت بتسعدني لو كانت من بعد خسارة القارات الي خسرناها بسببه والي الفريق والجمهور تدمروا من بعدها الان اقالته ماهي انجاز للادارة ولاهي حتى امل لنا للعودة اقالته بتصير لان مافيه شي يرقع الي صار

ما زعلتني الخسارة بقدر مازعلت على الحال الي وصل له الاهلي وصلنا لمرحلة ان كل شي تدمر بظرف شهرين فقط، بعد ماكان الكل يتغنى بالاهلي ويقول انه انجح مشروع لنادي من اندية الصندوق وان عنده مكتسبات عظيمة صار فريق متهالك من كثر مشاكلة ماتعرف من فين تبدا في اصلاحة زعلني ان الي دمرنا مالنا حيل ولاقوة قدامه

مبروك للشنقيطي ولبيدرو ولبوسيتش مبرووك حققتوا كل شي مطلوب منكم كسبتوا رضى المالك وتمت المهمة الي كانت صعبة جدا بوجود الجمهور لكن للاسف انها تحققت وتم تدمير الاهلي

تقريبا هذي اول مره اشوف اجماع من كل الجمهور على فشل الموسم من قبل لا يبدأ واكثر مطالبات صارت بتاريخ الدوري من جمهور بالتعديل ورفض كثير من الصفقات ولاتم اي شي من مطالباتهم الان من قبل لاينتصف الموسم كل تخوفات الجمهور تحققت وبشكل اكبر مما كانوا يتخيلون المالك دمرنا والله

سته اهداف منها 3 بلنتيات اقسم بالله جنون يابوسيتش انت ممكن لو تبي تخسر كذا ماقدرت

محمد بكر هذا الي يقولون عنه الورقه الخاسرة دخل وتسبب ببلنتيين يخرب بيته

ياهوووه هذا البلنتي رقم كم