عمر الوهيطي

نقض ليل الشتاء قافٍ من .. لحون البطا مفتول وصحى جرحي على صوت الرقيبه يوم مشذوبه على صدك ملامة خافقي .. يا فكري المشغول لو ان عذرك سمين و كلمتك عذبه و محسوبه يمّر الليل .. و يطل النهار .. بـ وجهه المخذول وانا اللي كن عيونه عن شعاع الشمس محجوبه اغامر .. و اتمنى .. و " الاماني سيفها مسلول " واداري دمعةٍ من ضحكة محياي منهوبه .. ياملهوف الحشا مدري مِن القاتل مَن المقتول ما دام ان وصلك عقوبة مثل ما هجرك عقوبة حبيبي والله اني .. بين ضيق .. وبين قِل حلول سوات اللي كلاه الهمّ من .. " راسه لـ عرقوبة " عزاي ان ما بقى لي غير صوتك فـ الضمير يجول وآكابر ، و اجحد جروحي معه ، و امجد عيوبه وكثر ما كنت اماري في عيونك واشقر المجدول اوصيّ، كل عاشق لا يبكي عين .. محبوبه ): يقولون الليالي تطوي الماضي طوي واقول ؟ انا للحين اضيع ان ذعذع النسناس من صوبه تدور أوهام .. وصله كل ليلة .. لين دار الحول ونار الشوق كنها من ضلوع الصدر محطوبة فراغات السطور اللي تهيّب عقلي المذهول تجرّي كل كلمة من شعور الصدق مسلوبه عسى عامٍ تجلى به ثغرك وهرجك المعسول فدا ليلٍ بعده تدور .. الغفران و التوبة انا من علق فـ صدرك قصيده " وزنها من لول " ( كتبها ) والزمان يقول له .. ( ماهيب مكتوبة )

يشرفنا حضوركم يوم الاربعاء 🤍

اركي عليهم يا ديار الاواليد وزيدي عليهم كل ليلة وسوقي اللي مضاربها ليا دكت البيد ماعاد خلت بـ الاراضين لوقي ذوقهم معزّي رصاص البواريد يالين بيّدهم سلووقي سلووقي (:

يبا الله يعقل الكلمه اللي تجي وتروح محل الكلام .. اللي تركته على رفّه لو ان ودي أقضب دمعتي قضبة الطاروح لا دارى على ريش اشقر الريش من كفه معي عقل لا هبت هبوب الزمان يلوح من مصادم اللوعات ماهو من الخفه انا مذهبٍ لي وسع صدر و رحابة روح يا ليت الذهيب حصان ولا أبيض الدفه اشيل الهموم اللي مامنها ولا مصلوح عشان الرفيق اللي شفوفي على شفه اهوجس وتجرح خاطري طيحة الطحطوح لو انها تبشر قوم و تفرح مسفه لك الله يا قلبٍ ما حداك الزعل لـ البوح ولا تغبط اللي يسدل الريش و يرفه تدور و تلف الأرض لكن بعيد الشوح على جرته مافيه دوره ولا لفه عسى الهقوة اللي في مداها مغن جروح فدا بسمة اللي يجمع اللول و يصفه لا قال الخطا وارد وقلت الخطا مدموح تبختر مثل من وقفته ترجح الكفه غزالٍ مضارب رمش عينه ترد الروح وش اللوم لا منه حقر كل مترْفه ؟ مواري غلاه اللي بلج بالحنايا ضوح مزابير مزنٍ تجمع الريح و تدفه له اعن بيتٍ لو يشيله حمام الدوح يهز الشعور العذب و يمجد العفه من يصد عنه لا اختنق صوته المبحوح مثل من يصب السم بيديه و يسفه