اتنی نہ بڑھا پاکیِ داماں کی حکایت۔۔۔ ہمارے نظریاتی قائد کاکڑ صاحب کو بی بی سی اردو کی اکبر بگٹی والی رپورٹ تو یاد رہی تاہم انکے بیسٹ فرینڈ سرفراز بگٹی پر جو کچھ بی بی سی نے رپورٹ کیا تھا شاید عہدوں کی چکا چوند میں اسکو بھول بیٹھے ہیں۔۔۔ بی بی سی نے اُسی سال اگست 2006 میں یہ بھی رپورٹ کیا تھا کہ جان محمد بگٹی دہائی دے رہے تھے کہ میرے بھائی سرفراز بگٹی اور والد غلام قادر مسوری بگٹی کو ایک میجر صاحب گھر سے لے گئے تھے اور میرے والد، بھائی کو لاپتہ کیا گیا ہے۔ ان پر کوئی الزام ہے تو انہیں عدالت میں پیش کیا جائے۔ دو سال بعد بی بی سی نے یہ بھی رپورٹ کیا تھا کہ پیپلز پارٹی نے تحریری وائٹ پیپر جاری کیا تھا جس میں بتایا گیا کہ الیکشن 2008 سے پہلے ہمارے صوبائی امیدوار سرفراز بگٹی کو میجر عدنان نامی فوجی افسر گرفتار کر کے لے گئے تھے۔ کاکڑ صاحب رہنمائی فرمائیں کہ میجر صاحب کس ملک کی آرمی سے تھے؟ بی بی سی نے یہ بھی رپورٹ کیا تھا کہ پیپلز پارٹی کی تحریری رپورٹ کے مطابق الیکشن 2008 سے پہلے سرفراز بگٹی کے بھائی جان محمد مسوری بگٹی کو ملٹری انٹیلیجنس کے اہلکار اغوا کر کے لے گئے تھے۔ کاکڑ صاحب اپنے bestie سے پوچھ کر قوم کی رہنمائی فرمائیں کہ وہ اہلکار کس ملک کی آرمی کے تھے؟ کاکڑ صاحب قوم کے فکری مغالطوں کی درستگی کرتے ہوئے فرمائیں کہ کیا واقعی 2008 کے صاف و شفاف الیکشن میں سرفراز بگٹی کے کاغذات نامزدگی کچھ اہلکاروں نے چھین لئے گئے تھے اور انکو پی بی 24 سے الیکشن ہی نہیں لڑنے دیا گیا؟؟؟ امید ہے یہ کام بھی انڈین آرمی کے اہلکاروں نے کیا ہو گا۔ آخری بات یہ کہ ہمارے نظریاتی قائد انوار الحق کاکڑ اپنے یارِ غار وزیراعلی بلوچستان سرفراز بگٹی سے ضرور پوچھ کر بھولی بھٹکی قوم کے علم میں اضافہ کریں کہ کس ملک کے اہلکاروں کے تشدد سے سرفراز صاحب کی ہڈی فریکچر ہوئی تھی؟؟ اگر ایسا ہوا تھا تو مجھے یقین ہے کہ وہ انڈین آرمی کے سپاہی ہوں گے، مزید رہنمائی فرما کر شکریہ کا موقع دیں۔۔۔