.
.
عاد للماضي الجميل اللي رحل فالعين صوره
وعاد قلبي مانسى ضحك الوجيه اللي صدفها
كن صدري ديرةٍ من جملة الناس مْهجوره
الدهر جفّف مواردها وعشّى في طرفها !
من كثر ما اقفى ونسْها والشجر ماتت جذوره
لو وطاها واحدٍ قد حلّ فيها ما عرفها
#مساء_الخير
1
201
غالبًا الذكريات تعزّ علينا ونحب مشاعرها
ولحظاتها حتى لو تردوا أهلها
مثل اللي يقول :
« أحبك طواري بس ما عاد أحبك خلّ »
أحارب أكثر من ثغر وأواجه أكثر من عدو
وارجع بعدها للغلا الواحد وللثغر الوحيد
جعل السعد ف أيامي اللي ما غدو واللي غدو
يروح فيها رمشك الضافي — ومبسمك الفريد
أتلى عهدنا يوم قلت : " مسافر قريّب بدو "
والبدو تطلق كلمة قريّب على الشي البعيد
2
171
كانت شكوكي يقين وكان ظنّي صايب
يوم تومي لي ورى طوال الدروب يدينه
لا تقول إن المسافة ماتجيب الغايب
البنادم لا أشتهى قلبه مشت رجلينه
1
122
'
من الحقران ماهو يلتفت فيهم ليا نادوه
والى منه تلفّت .. ما تلفّت غير متعالي
ياحبي للكبر في موضعه لين الوجيه تشوه
يوم إن التواضع حطني في غير منزالي
من الناس الرخاص نفوسنا ماتقبل المشروه
حن الغالين ولا نقبل إلا شرهة الغالي
103


