Islam Hussein

بودكاست الحل إيه؟ حلقة خاصه عن البحث العلمي مع الدكتور محمد ابو الغار ور... youtu.be/YgB_9Md5YRg?si=xaF4… via @YouTube

Exclusive: FDA staff reviewing Musk’s Neuralink were included in DOGE employee firings, sources say reuters.com/world/us/fda-sta…

"Can you name the journal in which microbiologist Alexander Fleming first reported on the antibacterial properties of penicillin? Or where engineer John O’Sullivan and his colleagues presented the image-sharpening techniques that led to Wi-Fi?"

Elon Musk’s Neuralink brain chip: what scientists think of first human trial nature.com/articles/d41586-0… "There is frustration about a lack of detailed information. There has been no confirmation that the trial has begun, beyond Musk's tweet. The main source of public information on the trial is a study brochure inviting people to participate in it. But that lacks details such as where implantations are being done and the exact outcomes that the trial will assess". "The trial is not registered at Clinicaltrials.gov, an online repository curated by the US National Institutes of Health. Many universities require that researchers register a trial and its protocol in a public repository of this type before study participants are enrolled. Additionally, many medical journals make such registration a condition of publication of results, in line with ethical principles designed to protect people who volunteer for clinical trials. Neuralink did not respond to Nature’s request for comment on why it has not registered the trial with the site". nature.com/articles/d41586-0…

الحلقة دي واحدة من أجمل حلقات البودكاست اللي سمعتها في حياتي. حقيقي بجد كل دقيقة كانت بتعلمني حاجة جديدة. أنا مبهور بحجم المعلومات التاريخية الهائلة عن الأندلس التي لم أكن أعلم عنها الكثير للأسف. شكرا لضيفة الحلقة ومقدمها وكل من قام على هذا المجهود الرائع 🙏

مفتقد بشدة رؤية الطائر الأزرق .. X لما يخطفك يا بعيد! وكل ما أشوف X دي .. أفتكر المشهد ده 😆

زي النهارده من 20 سنة بالظبط كانت أول مرة أخرج من مصر كنت مسافر من مطار القاهرة لهيثرو في لندن علشان أبدأ دراستي في جامعة كامبردج كنت مسافر لوحدي وسايب ورايا بنتي اللي عمرها سنتين وزوجتي الحامل في ابني كنت مسافر ومش عارف هاشوفهم امتى تاني علشان المنحة اللي كنت واخدها مكانتش بتغطي تكاليف الأسرة ليلتها كنت بحاول أنام بالعافية وبنتي اللي مش فاهمة إني مسافر كانت نايمة جنبي على السرير قبل ما تروح في النوم دورت وشها ناحيتي وقالت: باي تصرف غريب عمره ما حصل قبل كده .. بكيت روحت المطار وأنا زيرو خبرة في السفر معايا شنطة كبييييرة من اللي كانوا بيرجعوا بيها من الخليج وطبعا لفيت عليها شريط لاصق وكتبت عليه إسمي قالولي تقل علشان الجو هناك برد فكنت واخد معايا لبس ”شتوي“ تقريبا نصه اترمى بعد شهر لإنه كان غير مناسب لجو إنجلترا كنت كمان واخد معايا كراسات الامتحانات اللي كنت بذاكر فيها أيام ما كنت معيد ومنسيتش كمان آخد معايا اسطوانات عمرو خالد واسطوانات عليها المسرحيات القديمة اللي بحبها وكنت بذاكر عليها وهي شغالة في الخلفية أهلى كمان أصروا إني آخد معايا علبتين فول وجبنة مثلثات وكام رغيف عيش شنطتي وزنت 45 كيلو والموظفين في المطار صمموا اني أدفع وزن زيادة كان عندهم حق طبعا لإني كنت باستعبط بالشنطة الكبيرة دي اللي مكنتش قادر أشيلها حاولت أتحايل عليهم .. مفيش فايدة .. واضطريت أغير جزء من الدولارات البسيطة اللي معايا علشان أدفع طلعت الطيارة وفاكر كويس اللحظات الأولى بعد الإقلاع مباشرة وأنا شايف منطقة المطار من فوق كنت ببكي وبحاول أداري علشان الناس اللي جنبي مياخدوش بالهم مكنتش ببكي علشان ماشي من مصر .. بالعكس كنت فرحان جدا وقتها إني ماشي كنت ببكي علشان كنت مقبل على المجهول لوحدي ومش عارف القدر هيجمعني تاني بأسرتي إمتى لما نزلت في هيثرو كنت ملبوخ لبخة جامدة مع إن الجامعة كانت بعتتلي تعليمات أروح فين علشان أركب الأتوبيس اللي بيروح كامبريدج وأنا لغتي الإنجليزية حلوة الحمد لله لكن ربكتي خلتني مش عارف أتصرف كويس حطيت الشنطة بتاعتي على تروللي وكانت كل شوية تتزحلق وتقع وأحاول أعدلها كان شكلي مسخرة المهم .. وصلت عند مكان حجز الأتوبيس بس مكنتش عارف أعمل إيه ربنا حط في طريقي موظفة بنت حلال أخدت مني الفلوس وحجزت لي التذكرة زنقت شنطتي في مكان تخزين الشنط في الأتوبيس بالعافية وطلعت ركبت الدنيا بدأت تضلم لكن كنت مستمتع جدا بالمناظر اللي شايفها لو مازورتش إنجلترا قبل كده .. إنجلترا حلوة بكل ما تحمل الكلمة من معاني .. طبيعتها حلوة .. شوارعها حلوة .. بيوتها حلوة .. ما شاء الله وصلت كامبردج ولقيت تاكسي يوصلني الكلية بتاعتي اللي فيها مكان سكني طبعا وهو بيشيل معايا الشنطة كان بيشتم .. بس الحمد لله إني مكنتش فاهم بيقول إيه وصلت عند الكلية ودخلت أخدت المفتاح وروحت على البيت اللي فيه أوضتي المفروض معايا مفتاح وأعرف أدخل على طول .. لكن ضربت الجرس لقيت في وشي شاب طويل ملامحه أوروبية .. عرفت بعد كده إنه من النرويج قلت له أنا طالب جديد .. قال لي أهلا .. وحاول يساعدني بإنه يشيل معايا الشنطة لأوضتي اللي في الدور التاني أول ما رفعها من على الأرض .. بص ناحيتي وقال: انت حاطط فيها جثة قتيل؟ ودي كانت أول مرة أضحك في اليوم ده دخلت أوضتي وبصيت على الربع حيطان اللي حواليا .. وحسيت بوحشة شديدة بدأت أبكي تاني نزلت لقيت الطلبة اللي ساكنين معايا قاعدين في المطبخ سألتهم بلغتي اللي كانت لسة تقيلة: الدراسة بتبدأ الساعة كام بكره الصبح؟ ضحكوا قالولي انت مش طالب دراسات عليا؟ .. يبقى تروح القسم بتاعك وقت ما تحب طلعت أوضتي وحسيت إني ميت من الجوع فتحت الشنطة وطلعت العيش والجبنة وكلت روحت في النوم بعدها من كتر التعب .. وتاني يوم بدأت الرحلة مش عارف ليه بحكي الكلام ده دلوقتي .. بس حسيت إني عايز أسترجع اللحظات دي وببص لنفسي دلوقتي وأقول الحمد لله اللي أنعم عليا وأكرمني بالفرصة اللي غيرت حياتي وعلمتني وربتني صدقني الغربة بتربي! أنا مش نفس الشخص اللي كان محتاس بالشنطة زي النهارده من عشرين سنة ومع كل اللي شوفته .. لكن طبعا الحمد لله على الرحلة بكل تفاصيلها وبقول يا رب ساعدني أكمل

X أو Y أو Z هيفضل تويتر وهتفضل تويتة أو تغريدة وحل عن سمانا بقى يا أخي وشوف لك حاجة تشغل نفسك بيها

كنت رايح السينما متحمس جدا وسانن سناني على إني هتفرج على واحد من أعظم أفلام القرن وعمال أقنع مراتي وبنتي (اللي مبيحبوش النوع ده من الأفلام) إنهم هيغيروا رأيهم للأسف .. أصبنا كلنا بحالة إحباط شديدة ووقعنا ضحية لمقلب الـ hype الكبير اللي خلقه حملة الدعاية اللي صاحبت خروج الفيلم لدرجة إن السينمات كانت شبه محجوزة من قبل ما الفيلم ينزل وفعلا حجزت 4 كراسي بالعافية رايح وسقف توقعاتي فوق في السما ومستعد إني أتفرج على إنتاج ضخم مينفعش يتشاف غير في السينما! للأسف .. الفيلم متواضع جدا وحوالي 80% من الفيلم متصور داخل أماكن مغلقة مع سرد سرد سرد لدرجة الملل لمدة 3 ساعات كاملين المخرج ساب كل التفاصيل في تاريخ أوبنهايمر والقنبلة بتاعته ومسك في الخلاف اللي كان بينه وبين لويس ستراوس والتحقيقات مفيش أي عناصر إبهار بصري كيليان ميرفي البطل عمل اللي عليه لكن المخرج فشل تماما إنه يشدني أو يحرك أي مشاعر عندي مفيش غير مشهد واحد بس اللي كان معقول شوية وهما بيجربوا القنبلة أظرف المشاهد هي اللي ظهر فيها أينشتاين ومفيش تقريبا رسالة واضحة خرجت بيها من الفيلم غير: شوف السياسيين ممكن يعملوا إيه في العلماء لما ياخدوا غرضهم منهم لو هتدخل الفيلم خفض من سقف توقعاتك جدا ولو مش هتدخله مش هتخسر كتير لإنه عادي جدا ممكن يتشاف في البيت لما ينزل على المنصات خسارة إن مادة خصبة زي قصة أوبنهايمر يطلع منها منتج بالشكل ده!

حواري مع مجلة الشباب الذي سيصدر في عدد شهر يوليو. حابب أتوجه بالشكر للأستاذ وليد فاروق على مجهوده في صياغة الحوار. ولرئاسة تحرير المجلة على منحي هذه المساحة وخصوصا على غلاف العدد. حقيقي كرم كبير منهم وتوجه تحريري يستحقوا عليه كل تقدير واحترام. يا رب الحوار يكون فيه تجربة مفيدة لأي شاب بيحلم إنه يسلك طريق تحصيل العلم في الخارج. يمكن أهم جزء نفسي يوصل للناس هو حلمي أن يكون هناك نظام أو قوانين جديدة في الجامعات المصرية تسمح باستيعاب أبنائها من أعضاء هيئة التدريس ممن استطاعوا أن يشقوا طريق بحثي في الخارج، خصوصا لو لم تتحمل الدولة نفقات دراستهم. في رأيي، هناك طرق عديدة يمكن من خلالها الاستفادة من خبراتهم وتحويلها لخدمة جامعاتهم المصرية الأم، وذلك أفضل بكثير من اللجوء لفصلهم تنفيذا لقوانين أعتقد أنها بحاجة لتحديث سريع!