لطلاب الطب يمكن هالمعلومة معروفة، لكن لغير المتخصصين خلوني أشارككم شيء من عجائب خلق الله، وأفيد نفسي معاكم 🙌🏻 في دماغنا منطقة اسمها Cerebellum (المخيخ) من وظائفها إنها تتعلم من الأخطاء (Error-Based Learning) وتقارن بين المتوقع والنتيجة الفعلية عشان تحسّن أداءنا مع التكرار!! وهنا درس جميل من خلق الله لنا ليش نخاف نبدأ أو نجرب عشان ما نخطئ؟ إذا كان دماغنا نفسه يستفيد من الأخطاء عشان يتطور، فالأولى فينا نخوض التجارب ونتعلم منها💗🧠 وأول من أذكّره بهالكلام نفسي، مو شرط نبدأ بإتقان لكن المهم نبدأ ونتعلّم