تعالي اقولك كيف تقوين شخصيتك وتصيرين يا جبل ما يهزك ريح 💪🏻 ١- عوّدي نفسك على الرفض وتقبّلي إن مو كل الناس بتعاملك بلطف، مو كل أحد بيقدّرك أو يتقبّل كلامك. لا تخلين كل موقف يأثر فيك وتفكرين فيه طول اليوم، تعلّمي تتجاوزين وتمشين. ٢- لا تربطين إنجازك بمزاجك! عندك مهام؟ سويها حتى لو مالك خلق، قومي من فراشك على المنبه، التزمي بوعودك لنفسك حتى في الأيام اللي ما يكون لك نفس فيها. كذا تبنين انضباطك وتتعلمين إن مو كل شي يعتمد على شعورك. ٣- لا تاخذين كل شي بشكل شخصي، مو كل كلمة مقصودة فيك، ومو كل شخص عصبي أو جاف معك يعني إن فيك مشكلة. فيه ناس عندهم ضغوطهم وطباعهم، فلا تصيرين رهينة لتصرفات غيرك. مو معناته نسكت عن الغلط أو نرضى بالإهانة، لكن نعرف متى نرد ومتى نتجاهل ومتى ننسحب. مو كل موقف يستاهل طاقتك، ولا كل شخص يستاهل ردة فعلك. الصلابة النفسية مو إنك ما تتأثرين أبد، بل إنك تعرفين كيف تتجاوزين بدون ما تفقدين نفسك 🤍

ساره الشهري 🇸🇦🇸🇦🇸🇦 يا زين بناتنا بس 💘💘💘