Pinned Tweet
يامرحبا في قناة الجميع بالتليجرام
t.me/trag11 t.me/trag11
لايام وظروفها توفيق رب العباد
لو انها احلامنا واعدودها مالحه
لو يطمع الادمي في كل غاية مراد
ما ياخذ الا حصيلة شي من صالحه
ادروبنا كلها صعبه وفيها اجتهاد
يعيشها صاملٍ ما يتبع الطالحه
لو يحرص الرجل في ثنتين منها استفاد
في النيّه الصادقه و الصحبه الصالحه
نهاية العمر تبقى لك فاتورة سداد
اما تجي فالحه .. ولا تجي كالحه !
(ابيات من ذهب ) retweeted
وبكثر مافيني من عتاب واحساس
لا هانت جروحك بصدري وهنتي
ما اخشى الكلام الي يقولونه الناس
اخشى الكلام الي تقولينه انتي
كنتي رذاذ الما وجلّاية الياس
قدرك كبير ومثل ما كان كنتي
لا تسهرك دمعة ويشغلك وسواس
انا وفيت بكلّ حاجة .. وخنتي
(ابيات من ذهب ) retweeted
يا الله بنوٍ اليا شعشع وحن رعده
تستبشر الارض في جوده ومد كرمه
.
كنه يبشر نبات افياضها بسعده
للبرق فيه اشتعال وللرعود رزمه
.
يجيبه الله عقب رويت ضما بوعده
تشرب وتروى ويقطع كل عرق ضرمه
.
يعل قيصوم خضر فياضها وجعده
ولا يشتكي من بطى غيث السما .. وعدمه
(ابيات من ذهب ) retweeted
ياللي تقولون شمس الله عموديه
والارض ماهيب سطحية ومفتره
كثر الدلالات - صمّام العبوديه
اليا اصبح الجهل فيه الناس مغتره
ومن اعظم ادلة العصر الوجوديه
علاقة الدم والجينات والذرَّه
اظن ما للخليج .. الا السعوديه 🇸🇦
ماعاد في مثل هذي شك بالمرره
(ابيات من ذهب ) retweeted
#انا_سعودي_ووطني_خط_احمر
كل عرقٍ ماتحامى وراسٍ مايشوش
والله إن ماهوب للارض هذي ينتمي
السماء نشهر غضبها ونتركها تغوش
تحسب ان الي عمدها عمدها للرمي
من يحاول يفرّق جمّعنا ما توفّق
( السعودي كويتي والكويتي سعودي )
كلنا صف واحد في وجيه المطفّق
لين يفنى العمر ونكيد قلب الحقودي
#السعوديه_العظمى_خط_احمر
#الكويت_السعودية
(ابيات من ذهب ) retweeted
الظما درب سلكته في سبيلك
يوم الحّت رغبتي على غيابي
قلت وش تبغى و قلت ابغى دليلك
نجّني ولا تمكّن من صوابي
لا تسولف لي عن اقصى مستحيلك
انا عمري ضاع و احساسي ضبابي
الثلاث جروح من قسوة رحيلك
و الثلاث سنين من زهرة شبابي
(ابيات من ذهب ) retweeted
فيديو: برنامج #ليالي_الكويت يستضيف الشاعر خالد المحسن عبر تلفزيون الكويت @KhaledALmehsen
alziadiq8.com/537276.html
(ابيات من ذهب ) retweeted
الليلة
يسعدني بان اكون ضيف برنامج
#ليالي_الكويت
في تمام الساعة ١٠ م على الهواء مباشرة
عبر شاشة تلفزيون الكويت
#تلفزيون_الكويت
(ابيات من ذهب ) retweeted
ال Ai - الذكاء الاصطناعي - يكتسح جميع مجالات الحياة ، لذلك قررت أدخّله في عالم الشعر .. وهذي كانت التجربة الاولى.. وللأمانه ابهرني جدًا جدًا
.
رايكم بالنتيجة؟
(ابيات من ذهب ) retweeted
مرحبا لين يبرى القلب من ظنه
قالوا اقفى .. وقلت بطلّته موعود
نارك اللي معرضني لها .. جنّه
زيدها وش على الحاسد من المحسود
معك حتى الزعل ماينشبع منه
لا تعيد الحياة لرتمها المعهود
في كلا الحالتين : الروح ممتنه
ظلمك انصاف في عيني ، ونقصك زود
والتعب منك .. والتنهيد والونه ؟
عن مية ضحكةٍ مامن وراها فود
ياسمّي الهلا .. ما بالهلا منّه
ماخلق من يجازيك الصدود صدود
سامر الليل والصبح إن ضحك سنّه
قلت لك .. والقصايد ظلّها ممدود
مايبدَل بمثلك واحدن كنّه
يا انت .. ياما بعد سودك وساعٍ سود
(ابيات من ذهب ) retweeted
الجادل اللي مطيشها فعل جدها
وان سولفت كن سوالفها حليب وعسل
..
راحت ولاعاد يشرب دمعها خدها
ورموشها بين سلهامه وحزن وكسل
..
كتبت جزل القصيد وجاء على قدها
وغسلت قلبي من اللي غيرها وانغسل
(ابيات من ذهب ) retweeted
ظلمك عدل و آنا قتيلك بـ الهوى
آخسر عمري كله .. و ما أخسرك
تجرحني ... و ما أنتظر منّك دوى
بالعكس تجرحني و أنا اللي أشكرك
(ابيات من ذهب ) retweeted
- الجديد
يامن على يدك تدبيري ، وتيسيري
مودعك روحٍ رضاك أكبر مكاسبها
بحماك ياعالمٍ خافي مقاديري
من غفلةٍ عَنك ماتحمد عواقبها
ان طال صبري وطالت بي مشاويري
ما ناخذ من السنين إلا تجاربها
ياما وجيهٍ ماهيب اغلى مخاسيري
كنت احسب ان عِرقها فالطيب جاذبها
واليوم لا من خطاي ولا معاذيري
نزلتها .. فالمكان اللي يناسبها
انا على ماعطت كفي .. كثر خيري
بعيون ناسٍ تصاحبني واصاحبها
اضيق لا شفت غيري في رجا غيري
واشفق على اللي حياها مايعاتبها
وان طاوعت نفسي من الطيش تقصيري
حاسبتها .. قبل لا ربي يحاسبها
لو مايبرر سكاتي .. عمق تفكيري
أحتجت عمرين للجهّال اخاطبها
يالثابت اللي معك مايختلف سيري
لدروبك الأرض ماضاقت مناكبها
لا صرت بعيونك أنت أشوف تقديري
ماهمني عالمٍ .. ماني بعاجبها

















