يوسف أنور البكارىٰ

شبابنا الواعد لازم يعرف ان دولة الكويت بعتت جزء من جيشها للمعركة. 🇰🇼🇪🇬 سنة 1973، الجيش الكويتي كان بيتكوّن من 3 ألوية، ولما الكويت قررت تبعت لواء اليرموك للجبهة، كانت كده بتبعت حوالي تلت جيشها للمعركة. اللواء كان أكتر من ألف مقاتل، ومعاه دبابات ومدفعية وصواريخ ومشاة ومغاوير. والحكاية ما بدأتش في أكتوبر 73؛ لواء اليرموك كان موجود في مصر من بعد نكسة 1967، وشارك في حرب الاستنزاف، وبعدها عززت الكويت وجودها العسكري مع بداية حرب أكتوبر. وعلى الجبهة السورية، أرسلت الكويت قوة الجهراء، اللي ضمت عناصر من تخصصات عسكرية مختلفة. أما في مصر، فالقوات الكويتية كانت بالفعل قريبة من قناة السويس، وشافت بعينيها بداية الضربة المصرية على خط بارليف، وبعدها دخل لواء اليرموك المعركة جنب القوات المصرية بمدرعاته ومدفعيته لحد وقف إطلاق النار. والمشاركة ما كانتش برية بس… يوم 23 أكتوبر، وصلت مصر 5 طائرات هوكر هنتر كويتية من أصل 8 كانت الكويت بتمتلكهم، ومعاهم طائرتين نقل C-130 محملين بالذخيرة وقطع الغيار ودخلو المعركة يعني الكويت في أكتوبر 73 شاركت عسكريًا وسياسيًا واقتصاديًا، ووقفت بإمكانياتها جنب مصر وسوريا. الكويت ما قالتش بس: “إحنا معاكم”… الكويت بعتت جنودها وسلاحها وطائراتها للجبهة. 🇰🇼❤️🇪🇬 وده موقف يفضل يتكتب في تاريخ العرب بكل فخر.