قومیں صرف اس وقت غریب نہیں ہوتیں جب ان کے خزانے خالی ہوں، بلکہ اس وقت بھی کمزور ہونے لگتی ہیں جب ان کے باصلاحیت لوگ اپنا مستقبل کہیں اور تلاش کرنے لگیں۔ آئی ایم ایف کی تحقیق کے مطابق مشرقی یورپ سے نوجوانوں اور ہنرمندوں کی بڑے پیمانے پر ہجرت نے معاشی ترقی کو سست کیا اور پیداواری صلاحیت کو نقصان پہنچایا۔ پاکستان کے لیے سوال صرف یہ نہیں کہ بیرونِ ملک جانے والے کتنے ڈالر بھیجیں گے، بلکہ یہ بھی ہے کہ ان کے ساتھ ملک سے کتنی صلاحیت، جدت، قیادت اور مستقبل کی ترقی کے امکانات رخصت ہو رہے ہیں۔ ترسیلاتِ زر سے زرِمبادلہ تو واپس آ سکتا ہے، مگر قوم کا کھویا ہوا اعتماد واپس لانے کے لیے انصاف، میرٹ اور امید بحال کرنا پڑتی ہے۔/3

جب کسی ملک کے باصلاحیت لوگ اچھی ملازمتوں کے باوجود وطن چھوڑنے لگیں تو یہ محض ذہانت کا انخلا نہیں، بلکہ ملک کے مستقبل پر اعتماد کے فقدان کا اظہار ہے۔ پاکستانی صرف بہتر تنخواہوں کی تلاش میں ملک نہیں چھوڑ رہے۔ وہ عزتِ نفس، میرٹ، انصاف اور اپنے بچوں کے محفوظ مستقبل کے خواہاں ہیں۔ المیہ یہ نہیں کہ لوگ وطن چھوڑ رہے ہیں، المیہ یہ ہے کہ وطن میں رہنے کی امید چھوڑ رہے ہیں۔ قوموں کا اصل زوال تب شروع ہوتا ہے جب ان کے باصلاحیت لوگ ملک چھوڑنے سے پہلے اس کے مستقبل پر یقین چھوڑ دیتے ہیں۔ /2