لا تفكر فيه غيرك قد ينال إعجابي
كم وكم من رمش يغمزلي ولا ناظرته
ما بذا عشق بدوي هذا غرام اعرابي
كل يوم يزود لين أموت ما عيّرته
القصايد والشعور وقلبي العزابي
والجوارح ممتلكها والعقل حيّرته
انت بنكٍ للغرام وصرت فيك مرابي
كل ما أربح ربح لحساب الغلا جيّرته
ياروح روحي وجرح القلب واعلاجه
الطف بحال عليك الهم ساهجها
قلبي يناجيك بسلوب الهوى .. ناجه
يشكي لك الحال داخلها وخارجها
اما التفت له وتم الوصل بمواجه
والا بلا عشرة هذي نتايجها
وش ينفعك من حنين القلب وخلاجه
وجروحً اسبابها انت ولا تعالجها
زمان الغلا ، ما عاد وقّف على رجليه
لياليه صارت كلها | مثل عذّالي
ياحبٍ توقعت الليالي .. تنسينيه
على بالي انّك منت طاري على بالي
لهالحين أجي دربٍ معك قبل كنت أجيه
على جرّتك جريت حزني وموّالي
أحب الطريق اللي وصالك يمشينيه
أمر متضايق واتعدّى وأنا .. سالي
سوالفك " معها البشاير . . تهلّي
أعذب من النسمات و أطيب من الفال !
و طبايعك لا يا بعد كل من لي
" أحلى من أحلى شي يطري على البال "
أطهر من القلب [ الخشوع المصلّي ]
وأصدق من الضحكة على وجيه الأطفال