شعّاق

انت انت مافيه احد يقدر على شي فيك لو يفترش بالثريا ، ويْتلحف زحل! لك وجه اعرفه ونجم أضوى على وجنتيك ولك حلم فزت مخاضيره وجرحٍ مَحَل الصبح مره تهادى لك وسمّى عليك والليل من مرّوده حطّ بْعيونك كحل لله أنا ، كم قدرت أضل بك واهتديك! وآغضّ عن ما تبقى بي ، وعن ما رحل قوم انتشلني من الظلمى واقبّل يديك وإسحل جروم الظلام الي حواني سحل محتاج منْك ارجع اسمع سالفاتنا هذيك وكيف انك بعز طيحك ما ابتلعك الوَحل وكم شالت ركابك؟ وكم مهتوي هام فيك؟ وكم قلب مستعمر؟ وكم ذاكرة مستحل؟ وارجع وانا الحاير الي قبل حتى لا اجيك من بيننا؟ منهو الطرقي وراع المحل!