شوشة

اكره الشتا اكره البرد اكره ملابس الشتاء اكره اللبس قطعتين اكره الجواريب اكره المي البارد اكره فراش الشتا اكره جفاف البشرة اكره المرطبات والكريمات اكره القشرة اكره المطر الطين اكره البطانيات واكره الناس اللي تحب الشتاء حتى روحي أكرهها بالشتاء احس نفسي رجال عنده شوارب وسلاح بحزامة

صدمة عرب الجزيرة يقرون القران بلا نقاط ولا حركات ما ندري ​الأعراب عايشين بغيبوبة الفوقية الوهمية ومقنعين نفسهم إن النقاط مؤامرة عجمية وهم العباقرة الوحيدين بالدنيا

شنو هاي العيارة الجديدة يعني الطفل واكف بباب الدنيا ومقدم طلب منتظر موافقة الأخت الكبرى حتى ينزل من عالم الدر لعالم الدنيا وإذا ما قبلت يرجع ترانزيت شنو التمضرط هاد

لو هذا السؤال جان مطروح من امرأة هم جان جوابكم بنفس التبرير لو فجأة تتغير الأحكام يعني معقولة لهالدرجة ما تفرقون بين الخيانة والزنا وما تعرفون حكم الزنا وعقوبة الزاني المشكلة مو بالمصطلحات المشكلة بعيونكم شنو تشوف عمه بعيونكم انشاء الله

طلعت الأغنية حتى ساجدة عبيد وحسام الرسام مغنيها يعني طلعت اغنية تراثية

صار ساعة اضحك على روحي😂😂 ماجد المهندس عنده أغنية تكول (كومي أوكفيلي وارفعي البوشية خليني أروي ضامي العطشان) هسه بعد كل هالسنين استوعبت شنو يريد الرجال جانت الأغنية رومانسية بس اني فطيرة وعل نياتي 🤦🏻‍♀️🤣🤣🤣

من تمطر يجيني اكتئاب وخمول ماعرف منين وجسمي يصير ثقيل وما عندي خلك أسوي أي شي بس أريد أنام وما أكعد ما أعرف ليش تأثير المطر عليه بهالشكل

مطرت 😒

أكره أشوف أحد نايم وأكره أكعد يم شخص نايم احس ميت مو نايم وأبقى متوترة من وجوده يمي

بما إنو التايم كله يحجي عن النقاب وناس تريده وناس ما تريده فاني رأيي عوفوهم يلبسوه خليهم يعيشون التجربة وبعد كم سنة يملون منه ويكرهون اليوم اللي لبسوه بيه وبعدين يبدون يسوون حملات حتى ينزعوه مثل السعوديات خطية يعني عوفوهم ماخذهم الواهس عود النقاب آخر صيحة بالموضة وماكو منه😂😂

والله أحلامي بسيطة كل اللي أتمناه أطلع أتمشى بالليل خصوصا بهيج وقت من تهدأ الدنيا وتخف الازدحامات ويصير الشوارع فارغة بس منو يخليني أطلع وحتى لو طلعت منو يضمن ارجع سالمة من الوحوش اللي بالشوارع؟

أني كاعدة اليوم متفائلة بالحياة فتحت التيك توك صارلي ساعة أتفرج شنو هذا الإكسبلور اليوم كله مقابر وموت وعزا والتفائل شسوي بي

هاي هنا وحدة يومية متكنسلة يومية سالفتها شكل ماعرف تحسوها معتوها لو شنو بالضبط محتاجة علاج هاي بروفسور بعلم النفس ما يعرف منين يبدي وياها يحتاج يدرس حالتها اول ما اعرف شلون متحملة نفسها خطية

أزنى شي شفته من البارحة لليوم هاي الخطوبة اللي صارت ترند وجايبين بيها رئيس الوزراء وكل السياسيين شنو خطوبة لو تشكيل حكومة

اليوم كولش حارة