هل كابكوم صارت ما تحترم اللاعب؟ بصراحة فيه شيء صاير مع ألعاب Capcom بالفترة الأخيرة مو عاجبني أبدًا أحس الشركة قاعدة تتجه بشكل واضح إنها تسهّل ألعابها زيادة عن اللزوم ، وكأنها تتعامل مع اللاعبين كأننا أطفال لازم تمسك يدنا وتشرح لنا كل شيء ، وتضمن لنا إننا نخلص اللعبة بدون ما نتعب ! أنا مو ضد وجود الـEasy Mode ، بالعكس كل لاعب من حقه يلعب بالمستوى اللي يناسبه .. لكن مشكلتي لما اللعبة نفسها تبدأ تفقد التحدي زمان ألعاب كابكوم كانت تخليك تحسب حساب كل شيء الذخيرة لها قيمة ، الموارد محدودة ، الأعداء يخوفون ، والزعماء ممكن يجلدونك إذا ما عرفت تتعامل معهم كنت تموت وتعيد المحاولة ، ومع كل محاولة تتعلم أكثر !! ولما تفوز بالنهاية ؟ تحس فعلًا إنك أنجزت شيء. الحين أحيانًا أحس إن الألعاب صارت تحاول تكون لطيفة مع اللاعب أكثر من اللازم الأعداء ما عاد يشكلون ذاك التهديد ، الموارد متوفرة اللعبة تساعدك في كل خطوة وأخطاءك ما عاد لها نفس العقوبة اللي كانت موجودة زمان طيب وين التحدي ؟ وين الإحساس اللي يخليك تقول : أخيرًا قدرت أهزمه !!! أنا ما أبي كابكوم تسوي ألعابها مستحيلة ، ولا أبي كل ألعابها تصير Soulslike أبي بس الشركة تتذكر إن فيه لاعبين يحبون التحدي خلوني اخسر خلوني أعاني مع الزعيم خلوني أتعلم من أخطائي خلوني أحس إني فزت لأني لعبت بشكل أفضل ، مو لأن اللعبة قررت تكون رحيمة معي 🙂💔 مو كل لاعب يحتاج أحد يمسك يده طول اللعبة.. أعطونا الأدوات ، أعطونا الأنظمة ، وزعماء محترمين ، وحط لنا تحدي حقيقي وبعدها خلنا نثبت إننا نستحق الفوز لأن بالنهاية ، أسوأ شيء ممكن تسويه اللعبة نفس ماقلت قبل هو إنها تخليني أخلصها وأقول : طيب وين التحدي كابكوم عندها تاريخ عظيم جدًا ، وألعابها القديمة كانت تعرف كيف تخلي اللاعب يخاف ، يتوتر ، يخسر و يتعلم وبعدين ينتصر أتمنى ما يصير هذا الشيء مجرد ذكرى من الماضي :( نحن ما نطلب ألعاب أصعب لمجرد الصعوبة نحن نطلب ألعاب تحترم مهارتنا . @CapcomUSA_ @Capcom_AR #Pragmata ||@PRAGMATAgame @OnimushaGame #Onimusha