سبر

ساعتين في لنكدن أفتش عن أبرز القواسم المشتركة بين الرؤساء التنفيذيين في الشرقية ووجدت أنهم خريجي KFUPM بالبكالوريوس ويلحقونها بـ MBA من جامعات مرموقة بالخارج. بعدين ليش مافيه حضور نسائي؟ ازهلوها اليوم قررت أغيّر النمط بالكامل .. حرمة ومن دون KFUPM ومن دون MBA بعد بخترع مسار جديد مبتكر عشان أحفادي ما يتجرأون يقولون "ما عندك ما عند جدتي"

جاء في الحديث الصحيح من حديث معاذ بن جبل «الصدقة تطفئ الخطيئة، كما يطفئ الماء النار» ehsan.sa/referral/87623814ED

قاعدة بالسيارة انتظر الساعة تجي ٨ وانزل، وأشوف واحد جاي باتجاهي أول شيء سويته قفلت الشباك ثم قرب أكثر وقفلت على نفسي السيارة لأن أكيد بيغازلني أو يخطفني لكنه تجرأ واقترب وكسر كل هذه الاحترازات وقال: أختي عبايتك طالعه من الباب سويت 👍🏻 وفتحت الباب وطلّعتها زيادة وسكرته بقوة بعد لأن وش المضر يعني بالله فيه احد يقول كذا الساعة ٨ ص

من صحيت من النوم ومخي يردد اسم واحد: "مودريتش"?!?! لا حول ولا قوة إلا بالله ترك ملاعب العالم بكل أنديتها وملايينها، وجاء يدشن موسمه الكروي في رأسي تحديدًا .. أظن عقلي بيئة خصبة للاستثمار والإبداع، أو على الأقل أرحب بكثير من دكّة الاحتياط

في محاولة بائسة لرفع معدل الإنتاجية الصباحية، ارتكبت خطيئة التطوع لتوصيل إخواني للمدرسة، يعني في الأخير حتى الإنتاجية اللي اخترتها هي دور «السوّاق» لا لا لا .. الوضع يتطلب عودة سريعة لسوق العمل

تبون تعرفون صديق أبوي العشريني ولا خلاص

هلا تويتر كله يبي يعرف صديقة أمي العشرينية الخلاصة اللي طلعت فيها من هذه التجربة الاجتماعية اني بكل سطحية حللت سلوكها من يوم قدمت لها v60 وقهوة عربية وفضّلت القهوة العربية من هنا قررت أننا نقف على ضفتين متباعدتين ثم انفتح موضوع الذهب وقلت أن اقتناءه ما هو إلا استثمار رأسمالي عالي السيولة، يتجاوز في قيمته الأسهم والسندات .. رمقتني بنظرة ريبة وذعر وقالت باستهجان: أنا ما ألبسه عشان ما انحسد! وعرفت أن مؤشرات وول ستريت وتحليل السيولة النقدية .. كلها تتبدد وتذهب في مهب الريح أمام هاجس العين والحسد النتيجة: الحمدلله عقلي بخير، هي مكبرة نفسها

وقفة شكر واحترام وتقدير لمنتجات KDD ما عندي مشكلة أكون محاميتكم مقابل كرتون حليب شوكولاته مدى الحياة

قبل فترة كان عندي دعوى لأحد الموكلين وفيها أطراف متعددة وحسابات متداخلة .. ولخبطة عجيبة وأنا أصلاً من البداية ما كنت مقتنعة؛ حسبتي كانت تقول فيه 70 ألف زيادة على موكلي، وهو كل شوي يقول لي : "حسبناها أنا وباقي الأعضاء والمطالبة صحيحة" يعني حتى موكلي بكبره مقتنع بالزيادة عليه عصبت وقلت: "دخلوني قروبكم هذا اللي تحسبون فيه".. دخلت، وقلت لكل واحد فيهم يجهز الآلة الحاسبة ويبدأ يحسب معي خطوة بخطوة، مع توضيح كامل: ليش طرحت هنا؟ وليش جمعت هنا؟ وليش بقسم الحين؟ وأضربهم -باعتبارين- ولله الحمد اتفقنا بالحسبة ورفعت القضية وانتهينا منها وطلعت حساباتي صحيحة حتى بعد ندب خبير من المحكمة. مالكم بالطويلة أو طولت خلاص؟ المهم اليوم جايني أحد الأعضاء اللي كانوا بالقروب يقول لو سمحتي بطلبك شيء بس مستحي منك جدًا جدًا .. خرعني قلت وش؟ قال ممكن تدرسين ولدي رياضيات لأنك يوم حسبتي لنا ذيك المرة كلنا فهمنا واحنا كان لنا أشهر نحسب وغلط. مت ضحك هههههااهي يحسب 98٪ في قسم الكمي بالقدرات عبث. بس لا مو ممكن. رحلتي من محامية إلى مدرسة خصوصي رياضيات