مشعل ..

قيّدت شعري عن وجع بعض البيوت ودفنتها فالصدر والضحكه .. غطا

تكرَرَت واجد .. وآنا مسامحهم جرعة عتب يا صغرها من جرعه ما جيت مع زود الكلام اجرحهم والصدق واضح فالمحبة شرعه متْصنعين النوم ما يفضحهم الا السكور اللي يزود .. بسرعه

للحجه اللي تفلج المغرور دور اما تراجع عنك .. ولاّ تِشرقه

للزمان المر بين الناس .. دوره لو ضحك سنك ترا للوقت لاوي عقب حطين وعقب ريحة بخوره صارت السهره على نكهة مشاوي #حطين

على الحدود الغاليه حث المسير مّشِط اراضيها ومّشِط .. جوها وان كان شفت اللي يعبدون الحمير الضربه اللي تستوي لك .. سوها لا تاخذك رحمة كبير ولا صغير خل المجوسي ينصهر .. من قوها مجنون يا قايل قضت! هذا المصير على العدا لا والله الا .. توها عن الوطن ما نعطي العايل نذير نعطيه نارٍ ما تهّود .. ضوها #السعوديه #مليشيات_الحوثي

اعرف مدى حجم التحدي فالامور وافهم حدود النور واعرف مشرقه كن واعياً مسؤول في ضوء الظهور ولا تكن " مسمار " كلٍ .. يطرقه احدٍ ردوده فـ الخبا دايم تثور واحدٍ ردوده للمعادي .. مَحرقه #السعوديه_العظمى_خط_احمر

تذّكّر شكلها يالحوثي الدجال تذكّرها ولا تنسى .. ملامحها سواد اللون والمدفع مع الشيال وقنابل موتك اللي في جوانحها على كرسيّها رجال ابن رجال مذلتكم على عينه .. مرجحها #الحوثي #الاباتشي #السعوديه_العظمى_خط_احمر

البرق ما بعده على وجه السما غير الرعد والقول واحد والرجال تموت دون ديارها اخذ الوعد ياللي على الوقفه يعريك الوعد فالمعركه عما قريباً تسمعون .. اخبارها #السعوديه_العظمى_خط_احمر #صنعاء_الان #الحوثي

الله يرحمك يا مساعد الرشيدي قالها ورحل . ياما حلا جرت الحوثي بعرقوبه 😂

من كف ابو سلمان ذوق من الغبن وابشر بقومٍ ما نحت عن .. ثارها لجّة مجاهيم السما .. لاروّحن هيبة صقور الجو دون ديارها على هدفها جتك يا الوجه العفن تحرق خنازير الجبال .. وفارها حرب اليمن ماهي ابد على اليمن على المجوسي يوم ولع .. نارها للنصر في وقته على الخاين ثمن يقوله اللي جاب صدق .. اخبارها #السعوديه_العظمى_خط_احمر #الحوثي #صنعاء_الان

تبقى السعوديه على روس الاشهاد تاريخها كل " الدول " .. تنحني له والمشهد اللي للمعادين .. ينعاد " ان السعودي هيبته ترتكي له " حلل مدى الصوره على كل الابعاد واستنتج المضمون وافهم حصيله فرق الجدود وفرق صملات الاحفاد الفرق واحد بس فرق .. الوسيله #السعودية

الخاين اللي بالردى .. متْشهّب ماله على عين السعودي حشمه دايم وشعب المملكة .. متأهب من مر حول الدار .. دقو خشمه #السعوديه_خط_أحمر 🇸🇦 #الاطراف_الاقليمية

الضلوع العوج جاها ما كفاها من سواليف الخيال الافتراضي علموها لا تهوّن عن .. جفاها كيف اراضيها وانا ماني براضي

يشهد التاريخ للشعب السعودي عن مصير العالم اللي حاربونا لو تخفّو بالخيانه .. وانكروها واضحين بكل شكل وكل لونا ذي عوايدهم وهذا هو غثاهم كل ما شمنا وعفناهم .. بلونا ما درو عن سيرة الشعب وسموّه وعن مروة طبعنا .. لا عذربونا ما توزعنا على احزاب ومراجع شعب واحد في ولانا .. كلبونا في ذرى الله ثم ذرى سلمان عشنا الوطن محكوم والحاكم .. ابونا #السعوديه_خط_أحمر #الدول_الاقليمية

يعجبني الشعب السعودي ليا ثار عز الله انه واقفٍ دون .. حقه ما فيه كلبٍ روّج وزيّف اخبار الا على "كل المواضيع" .. دقه #السعوديه_خط_أحمر 🇸🇦🇸🇦

باب العتب ما عاد له أي .. داعي وان طعتني لا تحتزم بالمشاريه بعض البشر فالوصف زرعٍ صناعي تسقيه لكن ما يفيد العطا .. فيه

يا ولي العهْد دون الدار .. حنّا سيفك اللي حاميٍ شبه الجزيره سيفك اللي لا دعا الداعي تحنّا من عروق الروس ماهو من جفيره منك بان العز وامجادٍ .. تبنّا يا حفيد اللي مواقيفه كبيره فـ الثلاث تشوفنا منّا .. ومنّا دون دين ودون عرض ودون ديره ايه ننعم بالف خيرٍ .. وانتغنّى من فضل ربٍ علينا ساق خيره بس لا صار الخطر يلمس وطنّا كلنا حوله مثل سيف المغيره الرماح تسّن يا ابن سعود سنّا والجموع اللي على الهقوه .. غفيره لحيةٍ ما غبّرت ماهي .. بمنّا سجلوها مع مكاذيب الذخيره #السعوديه_خط_أحمر