شاردة

تلاشى .. مدام ان التلاشي هو اخر حل وجودك معاد يفيد وغيابك الزامي فقدتك بما فيه الكفايه حبيب و خل وخذت اغلب امالي معك وغلب احلامي على كل جرح ( ما تواني ) بعدك ،وكَلّ مسامحك .. حتى لو بعد تجرح صيامي ترى اللي تشوفه من مواجع بعض من كل براءتك .. كانت ( سبة ) الفعل الاجرامي يطيح المطر ويصير وجه الثرى مبتل وتروى جميع الناس تحته وانا ضامي ادور نهار .. في شتات الدروب ، يدل وليل نجومه ( تنتشلني ) من اوهامي لي شهر وهمومي زرافيل دق وجل مايعزل بعضها عن بعض جرحي الدامي مع ان تفرقنا من عشرين .. ولا اقل احسك معي في كل عام من اعوامي تناسيت واول ما ذكرتك وطيفك طل تبسمت لك كنك من الشوق قدامي خذاك الزمان اللي تركني وطن محتل ولا عاد باقي شي .. يستجمع حطامي ويبدو لي ان تبع المقفي .. هوان وذل عساني ما اضحي في مقام اسمي السامي قدر كل طيب لو يعيش الحياه بـ قل يحامي عن اسمه ما يدور له محامي انا وامنياتي ما خلقنا نعيش بـ ضل خلقنا عشان نكون فـ الصف الآمامي