أ. رفاعي سعود البصمان

﴿ وَ آخِرُ دَعْوَاهُمْ أَن الْحَمْدُ لِلَّهِ رَبِّ الْعَالَمِينَ ﴾. الحمد لله عند البدء وعند الختام 🎓 .

اللهم صلِ وسلمّ علَى نبينا مُحمد ﷺ

ياما هقيت إني الناجي وصرت الغريق والناس لولا التجارب ضاعت عقولها وأنا مع العز لي سيرة وحبلٍ وثيق وثيابي اللي على طولي وأنا طولها ماقلت تكفى لأحد حتى وأنا مستضيق من خوف لا يحسب إني دايم أقولها .

عليك الأمر يا خالقي مجري الانسام ياكم مرةٍ يارب فضلك سبق ظني الإنسان في عطفك ولطفك فلا ينظام يحث القدم مرتاح ويعيش متهني رفعت الهقاوي للنجوم وكربت حزام ولا همّني حاجز صباي وصغر سني أذوق الخسارة بس ما أذوق الاستسلام أنا كل ما شانت ظروفي ضحك سني .

فريضتها : « تجعلك في ذمّة الله » وسنّتها : « خيرٌ من الدنيا ومافيها » وقرآنها : ﴿ إنّ قُرآن الفجْرِ كانَ مَشْهُودًا ﴾ اللهم لاتحرمنا من لذة صلاة الفجر صلاة الفجر يا راغبين الجنة

كل شيٍ يزول الى نوى الله زواله وكل نفسٍ تعيش من الليالي تعلّم ياكبر غارة الدنيا على كل داله غير ماتفجع الا غافلٍ ماتولّم فاقدٍ لي عزيزٍ راح واللي بقى له ذكرٍ يفوح طيب وعهدةٍ ماتسلّم ودي احب خشمه وانشده كيف حاله غير انا مالي الا امرّ قبره واسلّم قلبي اللي من اللوعات ياما جرى له ينزف من الجروح ويجحد ولا يعلّم خايفٍ مثل خوف المذنب من العداله وباهتٍ كنّه القصر القديم المظلّم الله يعيننا ويظلّنا في ظلاله يوم الافواه تسكت والجوارح تكلّم .

يالجالسين بكل مفرق طرق من مُختلف الاجناس والاعراق نفوسكم مثل الحصى بالعِرق مهما حصل لن تبلغ الافاق وقلوبكم مثل الهروش الزرق ما ذابت من الوجد والاشواق ماهوب يطربكم هديل الورق ولا اغنية من طالب الصعاق اما علمتم ويش حجم الفرق ؟ بين المطيح وبين ركز الساق مافيه قمّه ما ضربها برق ولا جبل ما زل منْه اشناق ياللي نويت تعيث فيها سرق من دونها صمله وحز اعناق ماعاد ينفع ختل ولّا درق قد جفت الاقلام و الاوراق حنا خذينا شوق عينك " طرق " اقنع ، وعلّق بشتك المعلاق ولا تدوّر عقب هذي فرق عز الله ان الفرق فرق اخلاق .

قد يطول الطريق ولكن الأيام تنصف من أحسن السعي ..

وليا بغضني ضعيّف الراس قلت أبرك ما ودي ضعوف خلق الله يحبوني .

ليه أترك الحلم وأذرف من وراه الدموع ؟ وأحلام الإنسان توخذ غصب ما تنعطى تشكّلي يا ظروف الدهر ومن أيّ نوع بجيك هادي ومتوازن .. وواثق خطى القلب ضد الكسر والراس ضد الخضوع والمتن للشيل .. واليمنى لبذل العطاء - جمال بندر