امر تدلل وش بخاطرك لبيه
والله لتلقى مطلبك في يديني
واللي عسير وما تهيّا أهيّيه
لعيونك اللي تملك العمر فيني
ما دام خاطرك الغلا مني يرجيه
أرخص لك الدنيا بشوفة عيني
تامر على قلب معك فاق مغليه
وتامر على نفسٍ لك تهيّا تجيني
امر يجيك المستحيل بمواطيه
ويصير لك طوعٍ بليا طعيني
مرحبا يا غاية القلب واقصى منتهاه
ريف قلبي جعل عمري معك ما ينتهي
والله انك وسط قلبي وهذا مبتغاه
والعمر من دون وصلك ترا ما ينشري
والله انك زين مبسم وطبع وزين جاه
جعل عين الناس منك تسج وتلتهي
