ఈనాడు @eenadulivenews దినపత్రిక రోజు రోజుకూ అధ్వాన్నంగా తయారవుతోంది. 24 పేజీల ఈ రోజు దినపత్రికలో 10 పేజీల ప్రకటనల మధ్యలో 14 పేజీల వార్తలున్నాయి. ఈ దినపత్రికలో మొత్తం అన్ని ఎడిషన్స్ లోనూ కలిపి ఒక ఫుల్ పేజీ రంగుల్లో ప్రకటన ఇవ్వడానికి అయ్యే ఖర్చు అక్షరాలా ఒక కోటీ పది లక్షల రూపాయల పైమాటే. అంటే 10 పేజీలకు గాను వీరికి వచ్చే ఆదాయం సుమారుగా 10 కోట్లు. పేపరు ధర 6.50. అర్ధ రూపాయి ఎలాగూ చలామణీలో లేదు కాబట్టి ఏడు రూపాయలు. సరాసరి 18 లక్షల కాపీల సర్కులేషన్ ని లెక్కలోకి తీసుకుంటే, ఎలా చూసుకున్నా, ఎంత తక్కువ తీసుకున్నా మొత్తం ఆదాయం రోజుకు సుమారుగా 10 కోట్లకు పైమాటే. ఖర్చులు వారి బ్యాలన్స్ షీట్ల ప్రకారం లెక్క చూసుకుంటే కూడా రోజుకు 4 కోట్లకు మించి లేదు. మరి ఇంక మా దగ్గర ఎందుకు డబ్బులు తీసుకోవడం ? అసలైతే మీ పేపర్ ని ఉచితంగా పంచిపెట్టవచ్చు. ఎలాగూ సంఘసేవ అంటే మీకు ప్రాణమే కదా ? అధమం రెండు రూపాయలకు అమ్ముకోవచ్చు. ఎందుకీ దోపిడీ ? ఎదురు, వార్తలన్నీ ముద్రించకుండా, ఆన్ లైన్ లో చూసుకోమనీ, చదువుకోమనీ వెధవ సలహాలొకటి. అయినా, ఎన్టీఆర్ మరణించినరోజు మధ్యాహ్నం రెండింటికల్లా స్పెషల్ పేపర్ 2 రూపాయలకు అమ్ముకుని శవం మీద పైసలేరుకున్న చరిత్ర మీది. మీ నుంచి ఈమాత్రం ఆశించడం చాలా పొరపాటు. ఇలా అంటున్నాను కదా అని మీరు నిజంగా చేసిన, చేస్తున్న సంఘసేవను తక్కువ చేసి మాట్లాడినట్లు కాదు. దానికీ దీనికీ సంబంధం లేదు. ఇది కాకుండా ఈ పేపర్లో రోజు రోజుకూ శ్రుతి మించుతున్న ఆ రిలయన్స్ వాళ్ళ భజన ఎందుకో అసలే అర్థం కాదు. ఆయన పోయాక మీరు, మీ పద్ధతులు, మీ భజనలు మరీ రాను రాను శ్రుతి మించుతున్నాయి. సరిచేసుకోండి. పెద్ద పెద్ద సామ్రాజ్యాలే కూలిపోయాయి, మీరెంత మీ స్థాయెంత ?