પવિત્ર શ્રાવણ માસના ત્રીજા સોમવારે ઉત્તર ગુજરાતના વડનગર સ્થિત પૌરાણિક મહત્ત્વ ધરાવતા હાટકેશ્વર મહાદેવના ભક્તિભાવપૂર્વક દર્શન કરીને ધન્યતા અનુભવી. હાટકેશ્વર દાદાને રાષ્ટ્ર અને રાજ્યના સતત વિકાસ તથા સૌ નાગરિકોની સુખાકારી, સમૃદ્ધિ, શાંતિ માટે પ્રાર્થના કરી. હાટકેશ્વર મંદિરનો સ્વદેશ દર્શન યોજના અને હેરિટેજ સર્કિટ પ્રોજેક્ટમાં સમાવેશ કરવામાં આવ્યો છે. મંદિર પરિસરમાં યાત્રી સુવિધા વિકાસના પ્રથમ તબક્કાના રૂ. 18 કરોડના કામો અને બીજા તબક્કામાં રૂ. 4.22 કરોડના અનુદાનથી ગર્ભ ગૃહ, સભામંડપ, શિખર તથા યજ્ઞશાળા અને સ્વાગત કેન્દ્રના કામો પૂરા થયા છે. ગુજરાત પ્રવાસન નિગમે તાજેતરમાં જ રૂ. 5.53 કરોડના ખર્ચે હાટકેશ્વર મંદિરના ઐતિહાસિક અને પૌરાણિક મહત્ત્વને પ્રસ્તુત કરતો લાઈટ એન્ડ સાઉન્ડ શૉ પણ શરૂ કર્યો છે.