ஜெ. ராம்கி

சினிமா நடிகரை எதிர்க்க தான் அரசியலுக்கு வந்தாரா? 2002 ஆம் ஆண்டு காவிரி நீருக்காக நடிகர் ரஜினிகாந்த் அவர்கள் உண்ணாவிரத போராட்டத்தை அறிவித்திருந்தார். அந்தப் போராட்டத்தை தடுக்கும் விதமாக அன்றைய முதல்வர் ஜெயலலிதா அவர்கள் பல முயற்சிகளை செய்து வந்தார். அப்போதுதான் ரஜினிகாந்த் அவர்கள் திருநெல்வேலி சுற்றுப்பயணத்தில் இருந்த டாக்டர் கிருஷ்ணசாமி அவர்களை தொடர்பு கொண்டு உண்ணாவிரத போராட்டத்திற்கு இவ்வளவு பிரச்சனைகள் இருக்கிறது என்று தகவலை தெரிவித்தார். டாக்டர் கிருஷ்ணசாமி அவர்களும் உடனே சுற்று பயணத்தை ரத்து செய்துவிட்டு சென்னைக்கு வந்தார் அவர் வந்த பிறகுதான் நடிகர் ரஜினிகாந்த் உண்ணாவிரத்தை தொடங்கினார். தமிழர்களின் உரிமை நீரான காவேரி நீருக்காக நடிகர் ரஜினிகாந்த் அவர் நடத்திய உண்ணாவிரதப் போராட்டத்தில் காலை முதல் மாலை வரை பங்கேற்று அந்தப் போராட்டத்தை காப்பாற்றியவர் டாக்டர் கிருஷ்ணசாமி அவர்கள். இந்தப் போராட்டத்தில் பங்கேற்றவர்கள் அனைவரும் கலைத்துறை சார்ந்தவர்கள் மற்றும் ரஜினிகாந்த் அவர்களின் ரசிகர் மன்றத்தை சேர்ந்தவர்களாகத்தான் இருந்தார்கள். போராட்டத்தில் அரசியல் கட்சித் தலைவராக உடன் இருந்த ஒரே அரசியல் கட்சித் தலைவர் டாக்டர் கிருஷ்ணசாமி அவர்கள் என்பதுதான் வரலாற்றுச் செய்தி. திரைத்துறையினரோ அல்லது யாரோ நல்லது செய்தால் பாராட்ட போகிறார் தவறு என்றால் அதை சுட்டிக் காட்டப் போகிறார். அரசியலுக்காக நடிக்காத ஒரே அரசியல் தலைவர் அது டாக்டர் கிருஷ்ணசாமி அவர்கள் மட்டும்தான்.