ربيّع المشعلي

ياهياف وش باقي ما شفناه ياهياف لا تبحث خفى الي مابعد بان خافيها خلقنا الله اثقال وعوارف ماحن بخاف لخفت عقول الي تبيها وتخطيها اموه على الانظار تمويهة الحواف لاحول على قوم تخافق حنابيها يغيب الشفق وتضيق مترامية الاطراف بعين الحزين الي شفوفه يداريها يعاف العلوم الطامنه والرجال تعاف عدود العشم لا غثرب الظن صافيها ايشاليني المنهاج والمسبحه والقاف ودار كشفت الموهبه في مرابيها سوى اني على مركاي ولا على المشراف احوف الشوارد واتنخت نواديها شعوري شعور الي لذوده سرح طواف ولا فيه دار ماتمثى مراعيها رجع خاطره متعومس وضيقته تنشاف ولا وده انه يردها من مشاهيها لاكن مستحيل يزوعها زوعة المزهاف وهي ماتعين ما يوقي لواحيها يداري فطير ضلع ومتلي ميلاف تدرهم ماتبغى الزرج الاول يباريها لامنها وطت قرشع حزوم معى مهياف تمنى يديه انها توقي سماريها حياته يراوز شفها والسنين عجاف تحد النشاما لين تخلي مخابيها هذا كل ماصورته وكل ماينضاف ولا ادري عن صدوف الزمن ويش تاليها تلويت في سر ترعرع ورى الانجاف وتتنازلت عن حاجات واجد وانا ابيها جروح الظروف الماضيه والشقى الي طاف توهدر ورى عوج المحاديب لاضيها احاضي على حاضر فعول وقديم اسلاف وعلى حاجة ماودي اشرح معانيها ):

ليلة شوق )؛

خلج الظنون اللي على الحروه ارياع داجت على حوض ،، ترازم حيامه )؛

داجت اركاب الطواري على روض الظنون والوله بنا خيامه وشد اوتادها اتلهوى ،، بالمشاريف ،، وجداد اللحون واتحاشا الوقف اللي ماعدت اعتادها مايوسع صدري اللي من الضيق مغبون غير دلة ذكرياتٍ يفوح اقنادها فترة فيها تعديت مرحلة الجنون بين سطوة عنفواني وبين عنادها آه ياذكرى المراسيل والصوت الحنون وسيرة هبت بريح القبول انوادها باقيٍ لـ محادثاته ولـ ايامه شجون وكلمة تقتل شعور العتاب ابعادها ودي اني بعض الاحيان شاشة تيلفون لافتح بعض المقاطع ولامن عادها اقفت الايام بـ اللي نبي واللي يبون والاماني مال حمل الهجر بـ شدادها الهوى دايم بدايته اجمل مايكون وفي نهاياته قدام الجروح اجدادها ليت له طيف على البال مايقدر يمون وليت عيني ماتجافا لذيذ ارقادها لحظة التوديع ، بالكف ، ولا ، بالعيون تقتل امال ، المحبين ، وسط امهادها )؛