رفعت قدرك فوق روس المشاهير
وأثرك رديّ الطبع ما صنت غاليك
ما كلّ من يسكن خفوقك له تقدير
ولا كلّ من تعطيه روحك يراعيك
ترى الليالي دوّارةٍ بالمقادير
ووجيهٍ تواجه لو تباعدت خطاويك
وبيجيك يومٍ تجر فيه المعاذير
وتطلب رضا قلبٍ تخلّى عن عيونك .
4
463
مدّيت كفّي للوفا رغم جفاك
وانتي قفلتي كل بابٍ دون عونه
ما جيت أترجّى رضاك ولا أنذلّ بغلاك
جيت أحافظ عالعهد وأصون مضمونه
إن كان ما للوصل قدرٍ في سماك
عزّ النفوس أغلى من الحب وطعونه
5
326
تصوّر مع اللي تبي وارفع الفنجال
ترى علومك ما تشرّف مقامك
تحسب صورك تشعل القلب بزلزال
وتظنّ قلبي يرتجف من غرامك
يا كثر من يلبس ثيابٍ بها جمال
وإن اختبرته بان للناس خامك
ما هزّني منظر ولا غيّر أحوال
ولا هزّني منهو يجامل هيامك
3
517
ازعل وترضيك الليالي والايام
ماجاك منا شي يزعلك منا
يغرك التفكير في بعض الاوهام
وتشوفنا محطين وتصد عنا
لا تحسب إنّا للمقفين خدام
من يتبع المقفين ماهوب حنّا
مالك علينا حق في وصل الارحام
عشان نمشي لك على ما تمنّا
الروح تظهر والجسد جلد وعظام
والنفس من يتبع هواها معنّا .
1
426
ولا تندمنا على ما عطينا
لو كنت ماتسوى ولو ربع ماجاك
وان كان ودك بالكلام اليقينا
علمٍ يطب بخاطرك ويتعداك
ما هو خطاك انك تكبر علينا
هذا خطانا فوق حجمك عطيناك .
2
351
خلك على بعدك عسى الله يهنيك
خلك مع اللي في حياتك هويته
لالا تظن قلبي مع الوقت يدعيك
و لالا تظن الهم بعدك شقيته
والله ما هز الفكر في يوم طاريك
ولا هز قلبي هجرك اللي بغيته
ارحل عسى غيري يحبك ويغنيك
ويموت في حبك ودربً مشيته .
6
787
بلاي الكرامة جعلها تندفن ويّاي
لأبو كسرةٍ كل الخلايق تناقلها
عساني مادامني حيّ ما يفرحون إعداي
وعساي أظفر بمدح أطيب الناس وأعقلها
و من دون عزّ النفس و شهو طعم دنياي
ورثنا الكرامة من صغر و نتشاقلها .
1
418
لا طحت من عيني وش الي يشيلك
لانيب نازل لك ولا اضن بترقى
خربتها بيدك ويا عزتي لك
فوقٍ على مر الكسر مرَّ فرقا
عطني قفا ظهرك و كمل جميلك
نفسي على الواطين مهيب شفقا
2
322
عليك باللي يلحق القول بأفعال
ولا الردي خله وجنِّب مساره
أنشهد أنه ما كذب واحدٍ قال
"من لا يعدِك ربح عدّه خساره .
1
1
512
أوعدك كان حضوري مسبب إزعاج
بودعك وأغيب وألغي حضوري
ماني بفاتح باب قلبي للإحراج
ولا أحب أكون أنسان ماهو ضروري .
2
295
