Philemon

سؤال جاد جدا، ليه أنصار تيار ديني سياسي متبني موقف رافض لصلاح ومتحمل عليه؟

الحقيقة لا يعنيني على الإطلاق مدى أخلاقية كابتن حسام حسن، بل أنا شايف موضوع حياته الشخصية ده بيستخدم كمبرر لقرار كان مبيت مسبقًا. لأنك لو هتحاسب كل شخص شغال في المجال العام على اخلاقياته في حياته الخاصة، هنبدأ نتحول لمجموعة فاشية.. مفيش حاجة اسمها مدرب بيتم اقالته عشان ادعاء انه قليل الادب ولا منحط ولا معندوش مروءة، في حاجة اسمها قانون ببساطة شديدة كده طول ما الراجل متمسكش متلبس في قضية مخلة بالشرف يعني، فهو لو حد عنده مشكلة معاه يقدر يقاضيه ببساطة. لكن استخدام قصة من حياته الشخصية كذريعة لإقالته شيء ملوش أي داعي، ببساطة نقدر نقيله لمليون سبب أدعى انتم عارفينهم.. بس احنا اساتذة ان احنا نضرب الذي هو ادنى بالذي هو أعلى والتماهي مع موجات الرأي العام.. مع ان منتخب مصر كيان اكبر بكتير من ان يقرر مصيره المزاج العام لكن عادي مش اشكال. بالرغم من تحفظي الشديد على طريقة ادارته لعدة مواقف اعلامية مؤخرًا وتقييمي له كمدرب في العموم، إلا أني لا أستطيع أن أدعي سعادتي بإقالته تماشيًا مع المزاج العام وإن وجبت إقالته لأسباب أخرى لكني أبغض للغاية المزايدات الأخلاقية.