بما إن مرت سنة بهالسرعة من فتحنا المتجر، بخلي هالتغريدة فضفضة شوي ❤️ من يوم بدينا بمنصة حراج ودخلنا بعدها منصة اكس مرت علينا سنة كانت أكبر بكثير من كل توقعاتنا اللي فكرنا فيها تخيلناها او حتى حلمنا فيها. خلال هالسنة استقبلنا ما يقارب ألف طلب، رقم بصراحة ما كان حتى في أفضل سيناريو حاطينه بالبال. قدرنا نخدم اكثر من ١٠٠ عميل على الضمان ويارب لك الحمد اكثر من ٢٥٠ تقييم صادق منكم احنا في شغلنا ما نشوفكم مجرد عملاء نشوفكم إخوان وأقارب، وطلباتكم نعتبرها طلباتنا. نهتم بأصغر التفاصيل، وشوفتكم راضين عن شغلنا أعلى طموح لنا، وإن أخطينا والخطأ وارد مشّوها لنا اخوانكم الصغار🙏🏽 كل هالأرقام تسعدنا ونفتخر فيها، لكن الشيء اللي نفتخر فيه أكثر من أي رقم هو ثقتكم بالمتجر. كل شخص طلب من عندنا، رجع تعامل معنا، وصّى بالمتجر لأحد يعرفه، كتب لنا كلمة طيبة أو تقييم، أو حتى دعمنا من بعيد شكرًا من القلب ❤️ لولا الله ثم ثقتكم ودعمكم، ما كان وصلنا للي وصلنا له اليوم. سنة أولى انتهت، تعلمنا فيها كثير وكبرنا معكم، وطموحنا للسنة الجاية أكبر بكثير. شكرًا لكم على سنة ما راح ننساها والقادم أجمل وافضل بإذن الله. والشكر موصول لمنصة @SallaApp اللي سهّلت لنا أشياء كثيرة من أول يوم، وكان لها بعد فضل الله دور كبير في إننا نوصل لكم

انّا لله وانّا اليه راجعون، بقلوب مؤمنة بقضاء الله وقدره انتقل الى رحمة الله والدي. اسأل الله ان يتغمده بواسع رحمته و أن يسكنه فسيح جناته و أن يثبته عند السؤال. وان يلهمنا وذوينا الصبر والسلوان

السلام عليكم، مساء الخير تحديث سريع ومختصر ان شاء الله في حال رجعنا نستقبل طلبات تجميعات على المتجر باذن الله بننزل تغريدة هنا على اكس المفترض نرجع يوم ٩ اكتوبر لكن عندنا امور شوي مهمة نحتاج نخلصها اولا ثم نتفرغ للشغل بشكل كامل وتنزل التجميعات باذن اللع موفقين خير وشاكر صبركم وانتظاركم ❤️

بما اننا موقفين نستقبل طلبات وطالعين اجازة الى بداية اكتوبر باذن الله راح انزل ابو ٢٠ الى ٣٠ كرت شاشة عن طريق منصة حراج من اليوم بنبدأ باذن الله فاللي يحتاج كروت شاشة بسعر طيّب يتابعنا على حراج ويفعل التنبيهات اذا ماتهمك التغريدة دف رتويت لعلها توصل شخص يحتاجها هذا رابط منصة حراج haraj.com.sa/@Abo_Majid113 موفقين يارب

🤯 هنا لا قلنا ماجيستي داخلين على الثقيل. قلنا كيسات بس؟ نزلوا باورات ودقّوا أسعار كل الباورات بالسوق، وبضمان ما سوّاه أحد قبل يخليك تتعامل معهم وأنت مرتاح. يعني كيسات وباورات؟ بقولك شاشات، مبردات، معالجات و و… بنقعد للفجر نذكر وش موفّرين ماجيستي للسوق 😂 والأهم من الكلام، مثل ما تشوف بالصور يا حبيب الكل ماجيستي وفّرت كروت شاشة بضمان محلي سنتين. الحين ASUS، وبكرة باقي الشركات بإذن الله. 🔥 إذا أنت صاحب متجر، ما عندك محل، والموزعين ما يشوفونك شيء.. ماجيستي بيغيّرون اللعبة. 🫡 وبالنسبة للعميل، بدل ما تشتري من أمازون بضمان 14 يوم، ماجيستي بيوفّرون لك أفضل سعر بالسوق إن شاء الله ومعه ضمان سنتين. وش تبي أكثر؟ 😂 ويشهد الله إن كلامي مب تسويق ولا إعلان، والكروت اللي بالصورة مدفوع حقها، لكن ما شفت من هالشركة والمسؤول اللي يتعامل مع طلبات المتجر معنا إلا كل خير وتعامل طيب، يخليك تنزل بتغريدة مثل هذي. من لا يشكر الناس لا يشكر الله. فألف شكر للأساطير ❤️ وإذا تشوف نفسك كبير عليهم، احسب حسابك يا كبير… لأنك بترجع لهم مثل الأسد. 😎 الله يوفق الجميع، ويبارك لنا ولكم في رزقكم. 🤍

👀👀 وش هالحركات ماجيستي @MajestytE

صباح الخير جميعا الرسايل بالواتساب والخاص من امس لليوم عددها جدا كبير وحاب اعتذر ان ماعندي القدرة ارد على الجميع رديت على جزء كبير جدا اخذ مني مايقارب ٥ الى ٦ ساعات وهذا وقت مخصص لتركيب الاجهزة وانجاز الطلبات اللي عندنا فمضطر اكرر اعتذاري بخصوص عدم القدره على الرد التجميعات المتوفره بالمتجر حاليا هي المتاحة للبيع اضفت كم تجميعة على اللي كان متوفر امس اول مانوصل الحد الاقصى من الطلبات اللي نقدر نستقبلها راح اسحب جميع التجميعات اللي بالمتجر وظفنا خدمة عملاء والرجال تحت التدريب حاليا ماسك قسم خدمة مابعد البيع ومستقبلا باذن الله بيمسك المبيعات وتكون الامور اسهل للجميع شاكر لكم تفهمكم موفقين يارب

السلام عليكم ورحمة الله وبركاته بما ان التقسيط على تمارا حاليا صار متوفر الى ٢٤ شهر ان شاء الله راح نستقبل اخر ٧ او ٨ طلبات على التجميعات بالمتجر وديدلاين الشحن ب يكون ٢٥/٢٦ سبتمبر ثم بعدها بنوقف استقبال الطلبات الى منتصف شهر اكتوبر القادم ان شاء الله اذا يناسبك الوقت الطلبات عن طريق الواتساب للي مب متوفر بالمتجر ارسل ميزانيتك، استخدامك للجهاز، وطريقة الدفع والله يكتب لنا ولكم اللي فيه الخير🤍

الله يبارك لهم ويهنيهم يارب ❤️❤️ وصلتهم جميعا بالسلامة 🫶🏼 من تجميعات المتجر pc-techz.com صراحة مشوار اكتب المواصفات لاربع تجميعات 😂😂 استمتعوا بالاشكال

الى الان هالكمية اللي قدرنا نوفرها للتجميعات الاقتصادية، باذن الله بتبدا تنزل بداية الشهر القادم الى وصولنا الحد الاقصى المتفق عليه باذن الله