وجهس قمر ليلن تجلى في سماه
من شاف نورس ضاع بين المراسي
فديتس يا اللي زينس ما قويناه
حبس سكن بين الضلوع الرواسي
لعيونس الثنتين قلبي عطيناه
وانتي دوا روحي وطيب انفاسي
هذا قصيد معاذ في من تمناه
الهاجري اللي في غرامس اساسي❤️
/ معاذ الهاجري
12
415
وش تبي بي ماوراي إلا الضياع
وذكرياتٍ من ربيع إلى ربيع
لاتغرك مفردات الاطلاع
فلفساتٍ جبتها من كل ريع
الغرام اوهام والدنيا متاع
وانت لاتتبع هوى نفسك تضيع
عن ذنوب الوصل خيرة الانقطاع
خيرةٍ لك وانت تسمع ماطيع
كل وجه من الأوادم به قناع
كُل تعني الأغلبيه لا الجميع
19
593
تبغى المفارق ياهوا البال مسموح
وان كان تبغى الوصل لجلك تعنيت
بوكلك تختختار يازين و تبوح
وتبين اللي في ضمايرك خفيت
لاكن لا تتركني اون وانوح
اشغلت فكري لين يازين مليت
ومثلك يعرف الحب راعيه مفضوح
ماهما يجامل تبتليه التناهيت
16
552
جعل صبح الوصال وجعل شوف الربيع
بعد ليل الفراق وبعد شوف الدهر
شفت وشلون كنا بعد صرنا جميع
أشهد إنها غبينه وش غبينه !!! قهر
جيت قدني مهايم والخفوق بـ يميع
في ظلام المفارق صبح وصلك ظهر
رد روحي بشوفك وقتنا لا يضيع
في غيابك دموع وحزن كبد وسهر .
- محمد بن فطيس
13
537
إنظري لـ إللي يشوفك راس ماله
والله إن نظرة عيونك مستبدّه
شفت ظلمك فيه نوع من العداله
و شفت قسوة خاطرك مثل المودّه
من تصوّر وجهك بـ يتعب خياله
ومن يشوفك مانسى لو بعد مدّه
مستحيل أصدق إنك من سلاله
أنتي آعجوبه و أنا مُعجب بـ شدّه❤️.
18
593
يا زين وجهس لا ظهر يُبهر الأعيان
ونوره على كل البشر قام يعميه
يا بنت شيخٍ عزوته ترفع الشان
حسنس تعدّى وصف منهو يجاريه
لا مرّ طيفس وسط قلبي والأذهان
ألقى قصيدي كل بيتٍ يناديه
يا جعل عمرس بالسعادة والأمان
تبقين في عيني غلا ما نساوِيه❤️
معاذ الهاجري
19
532
أكابر على جرحي وأضحك وأنا منكوب
وأخفي دموع العين لا من تذكّرته
وأساير وجيه الناس وقلبي غدا مسلوب
وأدفن سوالف ضيقتي قبل ظاهرته
وأقول عادي لو زماني عليّ مقلوب
وأنا من ثقل ما شلت حظّي تعثّرته
أخاف أبوح بسدّي واصير هنا مغلوب
من الشكوى اللي ما لقت اللي تصورته
معاذ الهاجري
12
423
انا ضميري حي و اصدق من الشوف
لكن ماودي انه نكبني ضميري
ماهوب لايق في مواقيفي الخوف
اذا تساوت غايتي مع مصيري
اسل سيفي بين مفصل و غضروف
و يبين شري بس ما اكف خيري
ناس تناحسني ولا كني اشوف
وناس تشجعني و اكمل مسيري
انا على شانك كسبتك بـ معروف
وانتي خسرتيني على شان غيري .
12
397
وانا كتمت بوسط الضلوع أمرٍ عسير
لين الأماني عن عيوني توارَيتها
ما كان قصدي أبيع الودّ وأمشي وأطير
لكن ظروف الليالي ما تعدّيتها
بعض الأماني لو إنّها عندك تصير
تخسر كرامة خفوقك لا تمنّيتها
وأنا عزيز النفس لو طال بي ليلٍ عسير
أموت من الشوق ولا أقول إني تمنيتها
معاذ الهاجري
لاني احبه حب لا تقول لي ليه
هذا وفى حبي وهو راح بوفاه
ان الله أحياني بعرسه بجيه
وبارك المعرس على خير ماجاه
وبقرب على اذنه وبشويش بوصيه
وصيتن تغنيه عن المال و الجاه
إذا زعل يا صاح واسه و راضيه
وإذا ازعل طول صعب تلحق أرضاه
وإذا بكى لا تسأله ويش يبكيه
يذكر سنين ما أتعوض اويلاه
حارَت خطاوي روحي بـ سكّة التِّيه
ضامي وصل و أدفّ روحي بـ كفّي
و عوّدت منك و العشم ينفض يديه
لا أدركت هقواتي ولا صِدت شفّي
أستسمحك و القلب ما عاد لك فيه
إلا السلام المُعتبر و التِحفّي
وصّلتنا لآخر حدود المشاريه
و أنا ما أعرف أعاتب أعرف أقفّي
- محمد العذبه
12
655
لا تأمن اللي تحبّه لوك تموت فيه
بعض الأماني تروح قبل يجي حينها
وتبقى على طاريه لو غاب طاريه
وتعيش عمرٍ ما لقى الفرح عنوانها
ياليت بعض الناس تعرف وش تخفيه
قلوبٍ من الفرقا تعذّب بسكونها
وتدري إن بعض الغياب تنهي راعيه
وإن النفوس تموت من كثر كتمانها
معاذ الهاجري
12
484
أنا أكثر إنسان معطي للحزن قلبي
من قبل وذا الحين وبكرا وبعدين
انتظر يومٍ يجي يوقف به نبض قلبي
لي أربع أيام ووضعي ما عاده يزين
كنّي غريبٍ ضايع والناس في جنبي
لا عاد لي خلٍ ولا عاد لي معين
يا كثر ما أخفيت دمعي من عيوني
ويا كثر ما عيتي يا عيوني تنامين
معاذ الهاجري
7
223
سريّتني ليل فقدك والطواري هبوب
كنت الحنان فحياتي كيف صرت الحنين؟
رحلت والذكريات تمر من كل صوب
و حقايب الذكريات أثقل على الراحلين
ما عادت الروح تتحمل حصاد الذنوب
و ماودّي أتوب من حبك و أخاف السنين
ويّاك لي قلب ينبض غير نبض القلوب
إن جيت ينبض غلا و إن غبت ينبض حنين .
19
521
حبٍ ترعرع بجوفي وأكتمل عمره
وانساق صوبه ويأمرني وينهاني
من قبل لا أميز التمرة من الجمرة
أغليه لأنه غذا روحي ووجداني
أدمنت تعاطيه وأنا له وتحت أمره
ما أنافسه بالحلا بري ودوعاني
والله وبيت بِني للحج والعمرة
ماني بناسيه ما أدام الله أحياني
15
479
مرة من المرات في ليلٍ نسانيسه جليد
هزتني الذكرى وسرتني وأنا سريتها
مدري بطل مدري خبل مدري ذكي مدري بليد
مير المهم إن العنود ليّا دعتني جيتها
وإن شفتها عقب التعب والليل والبرد الشديد
أقول .. ياليت الليالي كلها يا ليتها
- سلطان الهاجري
15
594
«عرفت إن كل شيءٍ له نهاية والنّيا والبين
مصير الشاعر اللي خانت أوزانه قوافيّه»
- ضيدان بن قضعان
33
1,078
عسفت الريح يوم إن الحقايق في رقبتي دين
وأخذت من السحابه غترتي والأرض هندامي
وتبعتك وجهةٍ سوداء و أنا في سرمديّ السين
أدوّر في سكوتي للجواب و متعب أقدامي
على بابك وقف عمري على عمري ولا تدرين
ضريبة شرهة أوراقي عليّ و شرهة أقلامي .
9
575
سايرت وقتي ومشاني على طوعه
وظروف الايام عيت لا تسايرني
جاورت الاحلام والاحزان واللوعه
وشلون اجاور سعيدٍ ما يجاورني
مديت كفي وجتني منك مقطوعه
وكسرت نفسي بعد ما كنت تجبرني
الين صارت عيوني فيك مفجوعه
ليتك قطعت الظنون اللي تساورني
14
511



