َ

والله لا يوجد مكان ثالث إما نار وإما جنة إهتموا بصلاتكم وتسامحوا واهجروا الحرام إنما هي دنيا فانية ولا أحد يعلم متى تحين ساعته

إلا واهني اللي ينامون وقت النوم ماهوب مثلي كل هاجس يسريني أحط المنبّه كل صبح عشان أقوم وتجي حزته ويدق ما غمّضت عين

صورته فالغيم والصبح والثلث الاخير والنسايم والمطر والبروق اللايحه

على ذاك المكان اللي جمعنا قبل تسع شهور وقفت أعلم اللي ما درا وأذكر الناسي حرام إن الشعر لو هو بحورٍ في بطون بحور شربته كني أشرب بارد الماً من طرف كاسي سلام الله على اللي راح لا منهي و لا مامور خذاه الصيف مثل أخذه ل بالي بين جلاسي

الناس اميّزها من المنطوق حتى لو انها بالكلام تشح مشكلتي ان حبيت لي مخلوق اشوف كل اللي يقوله صح

الانسان لو قسّم حروب الحياة اقسام درى ان اكبر الاقسام حربه مع ذاته وش الوقت من دون العقارب ولا الارقام وش العمر من دون الطموح ومتاهاته ما فيه أصعب من الصبر وأثقل من الايام على اللي ما حقق غايته والعمر فاته يبي البارح اللي ما يبي شي من قدّام ويبي بكرة اللي حاجته ما بعد جاته

الرفقه البايره مثل الفلوس الحرام مهما تحافظ عليها ضايعه ضايعه .

رضا الاودام لا فريضه ولا فـرض وان ضاقو فجوج الاراضي وسيعه ما عاد احب اقول لـ للي يضيق ارض دام الرضا ماينوخذ بالغصيبه..

العمر يسلب من الدنيا مزاياها و رغباتي تقل كل ما زادت سنيني ! أشياء ياكثرها .. كنت أتمناها الحين ! ماعاد تسوى شي في عيني

اللي تهيا له الطيحه هو المستريح لو ان مطيحه من القمه يجي له دوي كم واحد قاضي حيله و وده يطيح وتوقفه نظرة اللي يحسبونه قوي

ترا الماهر اللي شغله الكذب والتشويه يحسب النبا الطيّب مهارات مكتسبه لاتاخذ منه راي ولاتسمع منه توجيه ورى المجد غامر وافعل الاجر واحتسبه جميلك لا سويته مع الناس لا تطريه وفعل ٍ ما تقدر تفعله لا تنومس به ترا المخطي صدوف المقادير ما تخطيه مصيره من احداث الزمن يدفع النسبه

عارفٍ قدري ومدة يدي وطول ذراعي ماخذلت عينٍ رجتني بخيرها وشرها إن مست حدود الكرامة لوحت بذراعي محدٍ ياطى على طرفي ولا يكسر حجرها

من اللي يعيش أيام عمره بدون ظروف ؟ جميع الخلايق مرها الهم و أنهكها لا تقضي حياتك بين كف القلق والخوف تقدم و خوض اللي بقى من معاركها لا ضاقت عليك الأرض مره وضاق الجوف لا تطلب فرجها غير من عند مالكها ما تستاهل الدنيا تلحق وراها حسوف تعيش المقّدر ثم تمضي و تتركها

غرايب وشطحات وخروج عن المألوف لي سنين .. أمثّل مجتمع مايمثلني شديد المحال يلوذ بك عبدك الملهوف ليا قلت رب الخير ، خيرك سبق ظني

يا حمامة لو دريتي بشيٍ فالضمير ما تمرّين الضحى والعصير مروّحه جنّبيني يا حمامة جزاش الله خير نار جوفي لو تنوش البريق تفوحه

الجو كنه للبشر يرفع الصوت  مافي داعي للزعل يا حبايب .

اتركوا منا العلوم اللي تتك الخاطر الصدر ماهوب حملٍ للعلوم الشينه وسولفو عن السحاب اللي يصب الماطر ان كان جاكم منه علم فعلموني وينه .

المستريح اللي جمع بين ثنتين / صدرٍ وسيع — وذاكره لك عليها

كل شيء في وقته حلو واللي مستعجل على خبزته ، يأكلها عجين .

لا تحسف لعنبو جد الحسايف الزمان بخير والدنيا مديه دامك معافى وجو اليوم كايف لا تضيع بغبة النفس الشقيه لو منت بكفو ماجتك الكلايف القوي دايم صواديفه قويه

اعيش لي حرب ماترحم كبار العقول الها اربع سنين عيت تستوي وتهدي لولاي اكافح بقال الله وقال الرسول يمديني اشيل عقلي فوق راحة يدي انا معي خشية مطوع و قلب مهبول تومي به الريح في شمس الضحى ويغدي