نواف بن سعد

#شعر . . ركاب المشاعر يوم تبغا تحث السير تقد الشعور وتجمع الحلم وتثره متعدي عفيف ومرقبً والهموم تغير لها كره بنفسي ونفسي لها كره شعاني عنا الهوجاس وارقب سحاب عصير مراويحه تكفن سنا الشمس عن بره تقول السحايب يوم تحضن جبال النير مرابيط شاشً فوق يدين مسمره انا الشاعر اللي لو يصب البحر فالبير على جرته تلقا الشواعير منجره انا السامي بشعره وانا فارق التعبير وانا مستعد احط مليون مغتره لو افك للابداع والشعر طرقً غير تبجح بفعل كليب جساس بن مره من يلومني يوم امدح مطير يوم مطير تحط الفخر والمجد لفعولها قره لنا هيبة الهارف وسطوة فعول الزير يهذري بنا اللي ذاق من جورنا حره يذوق العنا والويل وسياسة التهجير وحزنً يقض من العنا كل متشره معادي مطير يموت والغبن فيه يحير يعاف المنام وزر هقوته مازره هل الخير يوم الجود يطرخ بساعة خير وهل الشر يوم الفعل مغتاض من شره هلا مرحبا ترحيبة القدر والتقدير يهجرس سبيل ويرفع الصوت ويجره على المجلس اللي ما تعطر بنفخ الكير يعطر بهيله والدسم حظ من مره ليا علق العاني عليهم تقول امير يبا يروح وعروق المعاليق مستره دعاني سعد والعرف مايقبل التاخير وبيارق فعايلنا على العز منشره لاحاص الكرم عن باب الاسراف والتبذير هذا اللي يمينه في مواجيبه تبره على محفلً يقدر بنوره يطير الطير بروقً تلاعج في صفا نجد والحره جبلة كرم ماهو دعايه على التصوير يوم ان البخيل يموت ورياله يصره لاشفت الدمي والمعجزات الثلاث تصير يروح الصفا خدً من الكف محمره انا خابر ان ماجاهم المجد بالتضيير ولا بـ مالً بغراته الناس منغره لاغاب الردي والعذر مايخدم التبرير انا ماني مجنب عن الحفل بالمره هل المحفل اللي مايجي بابه التقصير ماخلا من فلول المدايح ولا ذره #نواف_سعد #شعر #قصيد youtu.be/B77l2jLuEro

#شعر الجديد . . تغيض الهجوس وتمتلي والظروف شداد ولا ارتاح لين اسج واسلا عن الديره لي ايام في غربه من بلاد لين بلاد احث النصيب و في رجا الله مشاويره يلاعبني الهوجاس والرايح الرعاد وعمرً على وسق المعزه تباشيره يازين القصيد اللي على حزة الميعاد يجي له طراه وفن ولسيرته سيره يسولف على لسان التواريخ والامجاد وعلى فعل ربعي مدلهمه مزابيره ذوي عون يوم الحرب نيرانها وقاد لاحمي الوطيس ودق للمعركه زيره ياكم عايلً خلوه يطمع على المعواد مايلحق يصور واقع الموت تفكيره بـ جمعً سوات الطود والعارض المنقاد مغاوير يوم الموت حنا مغاويره لنا فعلً مشرف وصيتً على الاشهاد و وسمً ماتسلب فالجزيره مظاهيره على صيتنا تامن وتارد على الميراد على مرتعً ترعى زباده ونويره مايكسر لها رايه وفيها ذوي معتاد بني عمي شيوخ الزمان ومناعيره صوارم ذوي ميزان حرابة الاضداد هل الكار يوم الكار مالت محاديره بعد ماتعنينا وجينا عشان زياد كريم السبال اللي رضا الضيف تقديره على نهج نايف بالنواميس شبره زاد لاحاص البخيل وبين الوقت تقصيره هلا مرحبا حياكم الله على المعتاد على اللي تواجه كل ليله خطاطيره على العود والترحيب والدله ام قناد وكبشً تثنى لا تعلق شناكيره بحفلً مداهيله معزه وطيبه ساد وعزً يشاديه السحاب بـ شخاتيره لاغاب الردي واستيسر البعد للمقعاد وجنب ودور عذر يدرج مع سيره ضعيف الروابع لا احتمت به و طال الماد لاجاه اللزوم تقوم تكثر معاذيره youtu.be/igjE0iqMbVs #نواف_سعد #شعر #قصيد

#شعر . . من يضحك ان مرت عليه المشاريه يبكيه لا مره ' هديل الحمامه #نواف_سعد #شعر #قصيد

#شعر الجديد . . من يعلم سراير خاطره كل غالي كنه اللي يسلم للمعادي طلبيه #نواف_سعد #شعر #قصيد

اللهم صلِ وسلم على نبينا محمد

لامن بغا بين الرياجيل ياقف ماتملي فعوله بطون المعاريف اخاف لاتكسر يديه المواقف من كثر مايهبد ضلوع السواليف #نواف_سعد

#شعر الجديد . . وجدي على شوفها وجد الحسير للكفيف اللي كبر وسط حضن امه ' ولا شافها #نواف_سعد #شعر #قصيد

مضى عمر واحلامي ماتقدر تنسينيه ليا جيت ابا ادله غصة الشوق محباله لامر الحنين وساق قلبي على ماضيه يدف الخيال اللي تبقا من اماله سرابً يمره ضامي الماء ولا يحييه على مجدبً ماينبت الزرع في جاله تبعته وانا صبري عزومه تشد يديه لو اجض من شمسه تذريت في ظلاله يتيه الغريب اللي حياته مابين التيه وبين الدموع اللي من الفقد هماله عطيته من الاحساس والحب مايوفيه وقفى وقلبي غربة النوح تبراله وش يفكني من ذكرياته و من طاريه ليا راح قلبي يتعب خطاه بـ لحاله احنه ولا اسمع كلمة اللي يعذرب فيه واحبه من احساسً طواريه مياله على قلبه اللي قسوة الوقت ماتقسيه على حزنه اللي قلبي الغض يشتاله تغير بعد ماسولفو له ولا ادري ليه ياكثر الكلام اللي بقلبه ولا قاله انا مستعد ابيع عمري عشان ارضيه ولا ينحني غصن المضره على فاله تغص العيون بدمعها كل ماتطريه ليا رحت اسولف مع خيالي عن احواله ياليت الليالي لو ترده على غاليه تحسسه فيني كل ماجيت في باله لو انه يحس بدمع عيني بعد ما ابكيه يحس القتيل بدمعة عيون قتاله #نواف_سعد

مرحبا ومسهلا بالجميع ❤️❤️❤️ linkin1.com/nw2.f #شعر #السعوية #قصيد

#شعر الجديد . . لو انه يحس بدمع عيني بعد ما ابكيه يحس القتيل بدمعة عيون قتاله #نواف_سعد

#شعر الجديد . . ترا اللي يدور من غيابك وله وعتاب مصابً يدور من معاديه منجاته #نواف_سعد

#شعر الجديد . . فرق العقول بفكرها فرق الاطباع فرق العيون المبصره والكريمه #نواف_سعد

البارحه يوم التفاكير نجاع زاد السهر عينً تذوق الحريمه دب العنا يوم الهواجيس هجاع واستيقظت كل الجروح القديمه وشلون اطيح لهزعة الجرح وانصاع وانا الندم للحين ماني نديمه قامت تزم الذاكره حزن الاوجاع وتحط لدموع المشاريه شيمه ليت الهموم اللي ورا الصدر سجاع تهيد عن قلبً يرمم حطيمه وعقلً ليا ماد العنا والهنا ضاع ما يستريح و ضيقته تستهيمه على مداهيل الهواجيس مطواع واليا دله للذاكره زاد تيمه ماهو على دقل المشاريه ينصاع و عن زلة المخطي يذب الخريمه فرق العقول بفكرها فرق الاطباع فرق العيون المبصره والكريمه اخاف من هرجً على قل الاسناع اليا عقب سيل الهواجيس ديمه الشعر ماهو سلعةً للتبضاع ادراه ويلاعب نسيمي نسيمه يبوني ادور ورا شعري اسناع وعين الرضا ماهيب عين الهزيمه اليا اكتبت اكتب على شان الابداع واليا سكت يجاوب البرق غيمه شاعر ولي قيمه ولانيب تباع عاقل بتفكيره وعقله خصيمه لو ان بعض احيان من وقتي ارتاع يوم الكدر يختل عيون اليتيمه ماكل قومه من وراها تنفاع ولا كل طيحه من وراها غنيمه التمر لامالت عذوقه على القاع مال لـ شماريخه وتمرته قيمه #شعر #نواف_سعد

اللهم صلِ وسلم على نبينا محمد

#شعر الجديد . . ان بغا يكرهك عيت ' لا تطيع جراحه وان بغا ينساك من ينسى مثاني جوفه #نواف_سعد

عيد اضحى مُبارك ، كل عام وانتم بخير وتقبّل الله منا ومنكم صالح الأعمال

#شعر القديم الجديد . . لا جيت اجاهد دمعة النوح واجفاك ثوب الوداع ازرت يديني تزره #نواف_سعد

#شعر القديم الجديد . . كنت احسب ان فقده هذا اول بلاويه واثر البلاء ما هو بـ فقده غيابه #نواف_سعد