حزام القحطاني

يولد الشعر من بطن الظروف الشديده البيوت اليتيمه في بيوت اليتامى

ماعاد اجامل بعد ماشفت وش صار خذلت من ناسٍ من الروح واقرب من يلتمس في تالي الوقت الاعذار كنه يقول ابغى اللتمس واتكهرب حزام القحطاني

مانيب ناسيه لو تنسى يديني يديه ماهوب معقول يهدم حبنا كلمتين أبنتظر رؤيته وان طولت ما عليه انا مواطن سعودي ينتظر رؤيتين حزام القحطاني

انتهى كل ضحك وبان وجه الحقيقه إقترب ياحزين ولاحني يا ملاحي شايلٍ هم ومصدع صداع الشقيقه عزي لعقلي الي ماعرَف وش يناحي من كتبت الشعر ماعاد احب الموسيقه عندي ابلغ بواجد من جميع النواحي ابني البيت واشيّد بناه بدقيقه كنت شاعر جديد وصرت مانيب صاحي مالقيت الصديق ومالقيت الطريقه ومالقيت الحبيب الي بيطلق سراحي ياغزالٍ مشى بين القصر و الحديقه منتب امي وابوي وخافضٍ لك جناحي ارجع لصدري الي ممتلي منك ضيقه صرت اخيّط من خيوط الليالي جراحي انقذيني من افكار الظلام العميقه بعدك الليل ماخذ زاويه من صباحي يطلع الصبح كني طالعٍ من حريقه يسلب الليل نومي وانت تسلب سلاحي صارت عروق قلبي من جروحي رقيقه ابكي اليا قريت ابيات ناصر مناحي لا يموت الأمل خليني اطرد بريقه واتأمل وصولي واستلذ بكفاحي حزام القحطاني

تبتدي كل الحكايات من جرح القلوب ترجمتها بالتفاصيل من شاعر عظيم داخلن في حرب لا من تغلّبت امغلوب ريحة البارود اشمه ليا هب النسيم ودي ابعد قدر الامكان عن جو الحروب واتخاوى مع حروب المدينه و القصيم كل يوم انادي الشمس لا حان الغروب كنّها لا حوّلت غرب طاحت فالصميم مملكة عيني عظيمه و قوّتها جنوب يوم طاحت ضاع حق المواطن والمقيم بعد كان القلب يلعب مع الريم اللعوب صار كنّه غرفة العاب في شقة عقيم كنت اشوف انك دروبي ياقطّاع الدروب قبل يدك تطعن الحلم قدام الحليم معك صغّرت الكباير وكثّرت الذنوب كنت ضايع فالبدايات بس الله كريم من يطبل للمحبه و يمدحها كذوب اكثر اهل النار لا قامت الساعه حريم حزام القحطاني

مانلت كلمة نعم من سبعة انعام كنك تقول ان الرخامه هوايه سترت ما واجهت من فعلك العام ولا انت ما يسترك لبس العبايه

ياخويي كان قفيت من عندي فخاو ودور الي فيه مني ومن طيبي سنين وكان حدتك المقادير لا طحت فتساو انت طيب والمقادير ضد الطيبين حاول انك قدر الامكان ماتضعف وقاو من يجي ربي بجمبه هو الجمب المتين الحزن من ماضي الوقت فيني not now مايروح ايلين اوضّي واصلي ركعتين قبل ابدّع فالقصايد واطوّع حرف واو اعرف ان الناس لناس فالشده تبين مابعد ضيقت صدرك ولا قد قلت داو انجرح والحمد لله رب العالمين ولا انا ربعي لو اصيح فالمريخ جاو مايصيح العاطفي ف ال عاطف مرتين يجعلون المر طعمه مثل طعم الحلاو الحميا تظهر الحزن من قلب الحزين حزام القحطاني