#Natheer | UI/UX

نزلت دروسي الـ4 من معسكر ترميز للتصميم، مجانًا لأي أحد يبي يبدأ في تصميم الواجهات 🎁 من أول Wireframe لين كتابة دراسة الحالة... لكل درس مقطع وشرائح تقديمية: natheerdesign.com/tarmiz-ui-…

عشوائيات الرياض✨ فترة راحة كنت محتاجها🎈

فيه جزء مهم من التصميم ما عرضته في التغريدة 👀 الملخص اليومي مو شيء ينفرض على المستخدم، هو اللي يختار إذا يبي العروض توصله أول بأول أو تتجمع له في وقت يناسبه. لأن الهدف مو بس نقلل الإشعارات، الأهم نعطي المستخدم تحكم أكبر في وقت وصولها👍🏻

انتهى معسكر ترميز للتصميم 🎓🥳! 8 أيام مع @TarmizTech، شاركتني فيها @uxui_za، وأكثر من 60 متدرب ومتدربة اشتغلوا على مشروع واحد يكبر كل يوم. 🔍 أيام زهراء (UX): استبيان منشور، ومقابلات حقيقية حللوها في Affinity Map، ثم Persona ورحلة مستخدم، وبعدها User Flow. 🎨 أيامي (UI): Wireframe، ثم نظام بصري تطلع منه شاشات Hi-fi، ثم حالات الواجهة ونموذج تفاعلي. وفي آخر يوم اختبرنا نماذجهم مع متطوعين بشكل مباشر. أكثر شي فرحني: وحدة من المجموعات اشتغل فيها خمسة، كل واحد على شاشة، وطلع كأنه تطبيق واحد متناسق و رهيب 😍 شكرًا للجمعية، ولـ @onlyMeteoor على التنسيق والمتابعة، ولزهراء على الأيام الـ8 كلها وشكرًا لكل من حضر وتعب، وسامحونا على أي قصور 🤍

قد جاك إشعار عرض، فتحته وما ناسبك، وبعد شوي جاك غيره وقلت: يمكن هذا أحسن؟ 😅 #تحدي_100_معلومة_UX ما نعرف متى بيجينا العرض، ولا إذا بيناسبنا، وفضولنا يخلينا نفتح الإشعار ونتأكد 🤔 ومع التكرار، ممكن نصير نقطع اللي بيدنا كل شوي على أمل إن العرض الجاي يستاهل.... بدل ما نستغل هالترقب عشان المستخدم يفتح التطبيق أكثر، ليش ما نعطيه تحكم أكبر؟ صممت تصورًا لملخص يومي يجمع العروض في وقت يختاره المستخدم. 📱 الفكرة مو تقليل العروض، بل إعطاء المستخدم حرية اختيار وقت وصولها💯

خلّصنا اليوم 7 في معسكر ترميز، وكان عن حالات الواجهات والتصميم التفاعلي: • كل ضغطة لها رد • وين تظهر رسالة الخطأ • نصوص تقول وش صار ووش الجاي • الشاشة لما تعطينا رد وش افضل شي: نافذة ولا لوحة ولا صفحة؟ • وربطنا النموذج (Prototype) ومو مصدق إن المعسكر بيخلص 🥲 بكرة آخر يوم، مع اختبار التجربة وعرض المشاريع 👋🏻 #ترميز_UiUx

أمس في معسكر ترميز رسمنا الهيكل المبدئي (Mid-fi) لشاشاتنا ✏️ واليوم خلصنا اليوم 6، وكان مليان مفاهيم: • نستلهم المبدأ، مو الشكل • نظام التصميم: قيم وأنماط ومكونات • Variables للألوان والمسافات • والـAI يكمل من قواعدنا باقي يومين ونشوف نتائج المتدربين خلال 8 أيام شلون!!👀 #ترميز_UiUx

الحمدلله انتهينا من اول يوم في جانب الـUi و تجربة جميييلة بالشرح ما توقعت تكون الجلسة بهذا التفاعل و ماحسيت بالوقت ساعه ونص مشت على السرييع😂🔥 شكرا لجميع الحضور ماقصرتو جميع🥰🙏🏻 #ترميز_UiUx

السؤال الأهم: ليش كل القروشة ذي؟ بكل بساطة: (الحرية)😇 أبي موقع أسويه بكيفي، وأي فكرة تجيني غالبًا أقدر أنفذها... فسويت محرر خاص فيني وعلى احتياجي: أضيف مشاريعي ومبادئي، أرتّب النصوص والصور، وأعاين النتيجة قبل النشر🔥 وإذا تغيرت طريقة شغلي؟ أقدر أغير الأداة معها.

كانت 4 ابام رهيبة ...إن شاء الله ببدأ معكم يوم السبت بإذن الله😍👌🏻 وجالس افكر اهديكم شي نهاية المعسكر🎁✨️...

تحسبون وقفت؟ لا باقي صامل مو مصدق وصلت 50😍🔥! #تحدي_100_معلومة_UX في بطاقات أختام المقاهي، كل ما قربنا من القهوة المجانية زاد حماسنا ☕️ بس وش يصير بعد ما نستبدل المكافأة وترجع البطاقة 0؟ غالبًا يقل الحماس لأننا بنبدأ من الصفر... جربت فكرة على تطبيق "نقطة": لو العميل اشترى مشروب مع قهوته المجانية، ليش ما ينحسب كأول ختم في البطاقة الجديدة؟ كذا يشوف تقدمه 1/7 بدل 0/7، ويتحمس يكمل للمكافأة الجاية. الفكرة مو إعطاء أختام مجانية، بل إظهار تقدم حققه العميل فعلًا👀

خلصنا اليوم الثاني✨️ الأنجاز كان رهييب من المتدربين تعلمنا كيف طريقة المقابلة و أ زهراء اجرت مقابلة مع احد المتدربين حق تحاكي المقابلات الحقيقية إلا يميز المعسكر انه تفاعلي بالكااامل بحيث ما نطفش المتدرب و نشرح بشكل نظري بل العكسسس، هدفنا نوصل المعلومة بأبسط طريقة شكرًا لجميع الحضور🫶🏻✨️ #ترميز_UiUx

كان يوم جميل ومتعب في نفس الوقت...ماتوقعت الحضور بيكون بهذا العدد 😆 إن شاء الله بكرا بيكون افضل و افضل🫶🏻

الطاولات جاهزة.....ناقصه وجودكم! نشوفكم بكرا 😍🔥

حياكم الله جميعا😎👋🏻 واثق ان بتكون تجربة رهيبة لكم بكون معكم متدرب مو بس مدرب✨️

كثير من أصحاب المتاجر أول ما يشوف تقييم سلبي، يخفيه مباشرة من موقعه 🚫 حتى لو كان العميل يصف تجربته بشكل طبيعي! #تحدي_100_معلومة_UX في علم النفس، هذا التسرع يسمى "الإنذار الكاذب" (False Alarm) ضمن نظرية كشف الإشارة. التاجر يعتبر أي نقد مبرر (ضجيج) بمثابة إساءة وتهديد (إشارة) لازم يتخلص منها. في لوحة تحكم منصة سلة فيه خيار لنشر التقييم أو إلغاء نشره، وفكرت كيف ممكن نساعد الموظف يتخذ القرار بناءً على سبب واضح، مو بس عدد النجوم⭐️⭐️ بدل الإخفاء الفوري، تظهر نافذة تطلب سبب الإخفاء، وتوفر خيارات للمخالفات الحقيقية فقط (شتم، إعلان، إلخ)، مع تلميح يذكر التاجر بأن التقييم السلبي يزيد من المصداقية يمنعه من اتخاذ قرار عاطفي بحذف تقييمات قد تكون مفيدة لعملائه👌🏻

يقولون الثالثة ثابتة 👀 بدايتي في بيهانس، بعدها فريمر، واليوم انتقلت للفايب كود…. أقدّم لكم ملف أعمالي الجديد: هويه تعكس شخصيتي و تتبع منهجية آبل في "البساطة"، الموقع فيه مشاريع…مبادئ….شرح طريقتي في الشغل…مصادر مجانية، و اهمم شي تصفح سلس وسريع تدورون مصمم UX/UI لفرصة أو مشروع؟ خلّنا نتكلم. حيّاكم، ورأيكم يهمني: natheerdesign.com