Mariem El jarhy

بهدوء شديد كده .. بعد رد هيئة ستاد القاهرة لوسائل الإعلام الزمالك لازم يصعد موضوع ستاد القاهرة لوزير الشباب والرياضة مباشرة وخطاب رسمي ولازم بيان رسمي .. العشوائية اللي بتحصل كل سنه من ستاد القاهرة وبذرة صيفية وبذرة شتوية بدون مواعيد محددة وفق الأهمية مبقاش مقبول نهائيا خالص الموسم ده لممثل مصر في دوري أبطال أفريقيا في مباراة مصيرية والأهم في بدايه مشوار دور المجموعات أمام الافريقي التونسي ولابد ولازم فتح تحقيق مباشر مع المسؤول في ستاد القاهرة ولازم يتم مخاطبة الرأي العام الناس دي شغاله إزاي أصلا وتواريخ ومواعيد عمل البذرة الشتوية والصيفية بتم بناء عن ايه وازاي... لانها مش مواعيد ثابته ده كل موسم بالمزاج هل في خطة اصلا محطوطة بناء عن جداول المباريات والأحداث المهمة اللي بتحصل .. لانه ده مستحيل يكون بيحصل يعني ستاد الدفاع الجوي اللي عامل خطة ومستغل فتره التوقف لعمل البذرة الشتوية حالياً علشان الاستاد يكون جاهز اخر نوفمبر لاولى مباريات بيراميدز في افريقيا ده تم بناء عن ايه؟! هقولك تم بناء عن أن في ناس شغاله وبتخطط وفاهمه قيمة وأهمية المباريات والأحداث مش سيبها عشوائي كل سنه زي المسئولين في ستاد القاهرة والسؤال هنا هل مقبول من المسئولين عن الرياضة في مصر أن أهم وأقدم ملعب في القاهرة يبقى غير متاح عن أول مباراة في دور المجموعات لدوري أبطال أفريقيا بين بطل الدوري المصري وبين بطل الدوري التونسي ودي من أهم المباريات المنتظرة في القارة واسم وصورة البلد فيها اسم وصورة مصر فين من مسؤولي ستاد القاهرة؟! ولو المسؤول عن ستاد القاهرة ميعرفش قيمة الزمالك كويس وقيمة المباراة كويس وقيمة تنظيم البطولة كويس وقيمة التخطيط كويس يروح هو ايه المنطقي أن أندية غير جماهيرية اصلا يتسمح ليها تلعب في ستاد القاهرة وتهلكه والأندية الجماهيرية اللي ستاد القاهرة معمول علشانها ميبقاش متاح ليهم في أهم حدث بيحصل كل سنه في بطولة قارية الأندية دي بتمثل فيها مصر أنت بتعمل بذرة شتوية وصيفية علشان أندية ملهاش جماهير تلعب عليها مباريات مفيش ١٠٠ واحد حضرها اصلا ولا بتطور وتعمل الملعب علشان الجماهير تحضر بالالاف وشكل واسم وصورة الرياضة في مصر تخرج للوطن العربي والإفريقي في أفضل شكل ممكن اتمنى تدخل وزير الشباب والرياضة شخصيا.. لان الموضوع هياخد ابعاد كبيرة الزمالك السنه اللي فاتت احترم ستاد القاهرة كتير اوي وراح كذا مرة هيئة قناة السويس في الإسماعيلية والجماهير سافرت واتبهدلت في لقاء حاسم قدام كايزر تشيفز وغيرها في الدوري كتير والحجج كانت كتيره من ستاد القاهرة.. لكن المرة دي مش مقبول السكوت عنها .. وعلى فكره حتى غلق الاستاد بعد مباراة الإفريقي الزمالك متضرر فيها لانه هيلعب لقاء يانج افريكانز التنزاني في الجولة الثالثة خارج ستاد القاهرة.. لكن مينفعش بداية البطولة تبقى برا ستاد القاهرة ابدا بالشكل ده