الـسلام عليكم
يقول الشاعر
على كل حلم راح وعيوني تراعيه
سلام الوداع ونظرة السامح الراضي
انا واثق ان العمر مهما قسى ماضيه
لنا في قبوله فرحة تدمح الماضي
على الهون ياللي تظهر الحزن وتخبّيه
ترى صاحبك عن لومك اليوم متغاضي
لاتزعل على وقت قضى مالقيتك فيه
مدار الليالي فيه مدري وش نحاضي
لو ان الفرص تطلب بمال وبجاه وجيه
ماطبيت نجد ورحت منها على الفاضي
سرقت الخفوق وقمت تبكي على راعيه
هذي والله اللي عندها يبلش القاضي،
عبدالله مشهور
1
128
mohammed retweeted
يقول الشاعر
عام بـ لياليه وايّامه . . من المستفيد
من ( غيبةٍ ) .. كل ما طالت تحمّلتها
أعاند النفس . . واقنعها ، بما لا تريد
والنفس لااقنعتها بـ الصدق ، زعّلتها
تنتابني لهفةٍ تنقص . . و ترجع ، تزيد
سحابةٍ .. كل ، ما طال المدى خلتها
طبيعة النفس عن منوالها .. ما تحيد
لو إنّي اقدر . . على ( التبديل ) بدّلتها
كم لي وانا آجاهد الدنيا وأهلها وحيد
ما فيه حملة تقص الظهر .. ما شلتها
يا راعي الصدة .. اللي ما سبقها وعيد
متخيلٍ . . ( كل شيّ ) ، و مـا تخيّلتها
لا تحسب إن الرسايل عالقه فـ البريد
أنا كتبت ( الرسايل ) بس ما ارسلتها
من خوف لايضرب الوقت بيدٍ من حديد
أمهلت روحٍ . . تبي شوفتك ، و أهملتها
ولعيونك اللي يضيع ابها الكلام المفيد
أسهرت عينٍ طواها الشوق ، وأشغلتها
أنا طموحاتي بعيدة . . و راسي ، عنيد
ماأسمح من المستحيلة غير لا طلتها
رزقني الله ، بـ ( موهبةٍ ) مداها بعيد
تزاولت لي . . على دربـي ، و زاولتها
رغم إني أملك نوادر من عيون القصيد
تغريني اللي . . ( ليا هالحين ) ما نلتها
ماعندي أجمل قصيدة من قديم وجديد
أجمل قصيدة ، " قصيدة " ما بعد قلتها
عبدالله السراهيد
#ذائقه
mohammed retweeted
يقول الشاعر
يضحك مْحياك وعيونك عْيون الحزين
بوابة الروح ما تكذب تعابيرها
يا حادي الحزن عقّل موجفات السنين
اللي مجاهيمها أكثر من مغاتيرها
ماهيب زينة ولكن تاليتها تزْين
الله يعطيني ويعطيك من خيرها
لا تلتفت في كلام العالم الشامتين
مهما نبح كلبها ولا نهق عيرها
هذا زمانٍ ما عاد يْقدر الطيبين
حتى النفوس العزيزة قل تقديرها
تْقول مالك عذر وأقول عذرك سمين
ترحيبة الغاليين أصدق معاذيرها
بعض الخطايا يهونها السكوت الثمين
ما يجرح منْ الخطايا غير تبريرها
سعود بن مبارك
مساء الليل
يقول الشاعر
ياوهاب هب لي راحة البال ياوهاب
وعلى صدري امسح بالرضى والطمانينه
انا عبدك المذنب وانا عبدك الأواب
وانا اللي رفع لك فالخفى بطن كفينه
عزيز مايطرق غير بيبان جودك باب
يارب اغدقه بالصبر لا جارت سنينه
من اول خياله لا اعتلى هامة المرقاب
فرد من تحت كبد الخضيرا جناحينه
وهـ الحين ما بين التفادي و الآستغراب
ياكثر العتاب وكثر من طاح من عينه
زهد فالحياه وشاب قافه وراسه شاب
وتنازل عن آكثر مغرياته لاجل دينه
حتى الغالي اللي ورده الليلكي جذاب
تناسا ماصار وماحصل بينه وبينه
يشوف الهوى واللهو والغي والاعجاب
من يحطها ضمن اولوياته تهينه
سمح بعد ما كلّت متونه وظنه خاب
وبعد صدرت من جم ياسه بعارينه
قبل لا يسوي لـ الامل موطن استقطاب
لمح موت حلمه في ملامح معزينه
على كثر ماضحا للاقراب والاصحاب
اكثر من ذكر وقفات جوده معادينه
جبره الزمن ينثر دموعه على الغيّاب
وعلى كل قبر ضمت اترابه ايدينه )؛
محسن بن مترك
عابر
الـسلام عليكم
مبروك عليكم الحيا
يقول الشاعر
وش يرد جموع الاوجاع غيرك يالوقوف
تحت ظل الواحد اللي يرا ما لا نرا
امطري وبل التباشير يا بيض القنوف
بمر من له سبح الطير و البارق سرا
تاخذ وجيه المقادير من قسم الشفوف
لين تنهب وضح الاحلام غصبی و جهرا
من ركض خلف الملذات تاكله الحسوف
ومن شرا روس الطموحات عز الله شرا
سعيد بن حنس
1
5
308
مساء الليل
يقول الشاعر
مريت في البال يا ملح الزمان القديم
ليه أنت بالذات لا من ضاق صدري تمر
لا زال في الذاكرة بين الضيا والسديم
من ملمحك بسمةٍ عذبة، وشعرك غمر
وصوتٍ يسيل الرضا من نبرته والنعيم
ونجلٍ فـ ناعس حوَرها ضايعٍ لي عمر
ولا زال باقي بعدك من الضلوع الهشيم
الي توقّد جوانبها رماد وجمر
وشيٍ رحل معك من نفسي، وشيٍ مقيم
ولا للرسايل بريد.. وللمواصل ممر
تشحّ الأسباب دونك لكن الله كريم
وتاقف عليك السنين ولهفتي تستمر
عبدالله البديري
8
314
mohammed retweeted
اللهم كما استجبت لسيدنا موسى عليه السلام وجعلت من هارون نبيًا ووزيرًا له وشريكًا في أمره وشدّدت به أزره اللهم استجب لنا ، واجعل لنا من أبنائنا من أهل الصلاة ، ومن المقيمين لها
ومن حفظة كتابك والعاملين به ، ومن الداعين إليك، وثبّتهم على دينك، واجعلهم هداة مهتدين، غير ضالين ولا مضلين، وبارك لنا في ذريتنا، واجعلهم قرة أعين لنا، وذخرًا للإسلام والمسلمين، ومن ورثة جنة النعيم. ربنا وتقبّل دعاء
مساء الليل
يقول الشاعر
يدور الزمان ويختبرنا بدون انذار
وتبين الفوارق فالرجال ومعادنها
احد خالقه ربي مثل كرسي الطيّار
لا حلّت مواقيف الشدايد طلع منها
احد خالقه ربي مثل شغلة المنظار
يدقق على حاجات ما أحدً درى عنها
وانا عكس خلق الله مثل حالة البحّار
لا طاح المطر ضيّق على النفس واحزنها
رياجيل ندفنها .. وتبقى طوال اعمار
رياجيل ماندري بها لين ندفنها
بعضهم على المنصب يجمّل وياطا الحار
ليا قال كلمة للرياجيل برهنها
بعضهم مثل حاكم تحت سلطة استعمار
على العرش لكنه .. لا يآمر ولا ينها
لقيت الجمايل ردها مثل رد الثار
لا صارت من اللي كل فتره يبيّنها
خذيت السواد اللي يجي فالقمر معيار
تشين الوجيه وفعلها اللي يزيّنها
ترا خوة الصالح مثل خوة التجّار
لاحبوك .. دلوك اسهل الطرق واحسنها
وترا الجاهل اللي ضاع في لفة الدوّار
يشوف المخارج واضحه .. ما تماكنها
لاقلت: الطريق يمين قال: الطريق يسار
لا روّح من ايسرها ، ولا افلح مع أيمنها
أساير زماني مثل دكتور وسط شهار
أسولف لـ عاقلها .. وأجامل مجننها
لاشفت الطيور اللي لا مخلب ولا منقار
شكرت الغصون اللي من الخوف تمّنها
لاشفت الشعوب اللي بعضها يعبد النار
ذكرت الضعوف .. اللي تودد لـ هاينها
تقول العرب: صدّق عيونك قبل تحتار
واقول: الحقيقه وجهها غير باطنها
أصدّق كلام اللي يقول: النجوم كبار
وأكذّب كلام عيوني اللي تعاينها
ما كل ارتفاع يدل دايم على مقدار
تعلآ النسور وجيفة الارض موطنها
بدا ابليس فالجنه وعاش النبي فالغار
تعد البدايه .. والنهايه تمعّنها
لا طاح الجمل لا عاد تنشد عن اللي صار
لا خافت قلوب الناس ماتنفع ألسنها
قبل تمدح اللوحه تعذرّ من المسمار
على الوقفه اللي ما لقت من يثمنها
عساف أبوثنين
4
830
الـسلام عليكم
مساء الخير
يقول الشاعر
يا حزين القلب : لا تحزن وقلبك هَاده
الليالي مشّها بـ الطيب او بـ القوّه
نار صدرك ليه من كثر العنى وقّاده؟
هوّن الدنيا وطف اللي علق بك ضوّه
صاحبي ، تفكيرك الزايد لَهَدك الْهاده
عان صدرك من هواجيس الليال مْشوّه
كم حكيمً فكره النيّر ابد ما فاده
الليالي ما عليها من حكيم مْفوّه
وكم جهولً كثر تصغيره لـ وقته زاده
لين عدّا مرقبً منّه يشوف علوّه
وانت دامك كابرً عن كابر ومن ساده
لا تواضع لليال و عيشها بـ جْروّه
ان تمادى حظك العاثر من الله ناده
وان تشاكى متنك حمولك شلِه بـ مروّه
اطلق حجاجك ووقتك كافحه بـ جهاده
وعيش حرً عن وطى الدنيا يعيش بـ جوّه
ما لـ عاقبة الامور الا اللي الله راده
كل ما يملي ضميرك ! في حياتك سَوّه
لا تفكّر فـ الزمان اللي يعن جْياده
وقّف التفكير ، فالمستقبل اللي توّه
ثمّن اللحظات واطلق هاجسك بـ قياده
جعل يغشاك الفرح من هلّه ومن نوّه
عش حياتك بـ الرضى تلقى بها سعاده
واقعك لا صرت راضي به ! تلاشى سُوّه
عبدالهادي بن جفَّال
السلام عليكم
مساء تالي الليل
يقول الشاعر
تعالي مع المزن ونسيم الهوى من غرب
مجيك حياة ولا بعد طلتك طلة
يا بُعد المسافة دون وصلك وطول الدرب
ويا قصر ليل يجمع الخل مع خله
حبيبة عيوني كل الأزوال بعدك غُرْب
من اللّٰه عطاه إياك في غيبتك من له ؟
على القلب جيتي جيّة الأمن عقب الحرب
عروقي يباس وبعد لقياك مبتله
مشاهدك خلّى ضايق الصدر يرجع طَرْب
معك يوم واحد كان يسوى العمر كله
وش أطيب من الماء عند ضامي لقاه وشِرْب !
وش أحلى من المعروف لا جاء على حِله !
غلاك الحقيقة في زمن طبع ناسه خرْب
هواك الصواب وكلهم كانوا الزلة
تحت ظل رمشك ودي ألقى وسيلة قرب
عيوني هناها في مقيلي تحت ظله
طيور أمنياتي في سماك الرحيبه سِرّب
متى منك يشفى خاطر مابرد غِله ؟
سنيني هجير وقبل أْعرفك حياتي كَرْب
يا نورٍ دروبي مظلمة قبل ما ادله
تطلّين مثل البدر يا أم الجناب الذرِب
لو البدر ماله ربّ من عقب هالطله
يكفَيك بأنَك لو تمّرين ،، بأيّة درب
نسمي عليك القاع وعيون خلق اللّٰه
سعود مهدي
3
523
السلام عليكم
يقول الشاعر
ماكل حاجه تبي عقل وطلاقة لسان
يالغالي اللي مواقيفك على مستوى
فـ الارض هذي لو انّا ما نعيّن مكان
بنعيش فيها سوى ونروح منها سوى
وش عاد يمكن يجينا يالله المستعان
لـ جروحنا كم تعبنا ما لقينا دوى
إذا على الوقت مستنا ظروف الزمان
واذا على الحب حبينا وأكلنا هووى
ناصر بن مفلح
mohammed retweeted
المفاجآت في الحرب المتوقعة لن تكون بالتوقيت، فهي ممكنة في أي لحظة،لكنها ستكون في طبيعة الضربات والأهداف، وفي رد الفعل الإيراني. على الأغلب ستكون الضربات لوقت أقصر، لكنها لن تستهدف الحسم، سواء بالهدف الأميركي المعلن لإخضاع إيران، أو الهدف الإسرائيلي بإسقاط النظام. مايمكن أن يحصل هو تدمير ما أمكن من المقدرات الإيرانية الحيوية، وتأسيس مسار جديد، يتضمن تشديد الضغط الاقتصادي، وتكرار الضربات لاحقا في حال الضرورة، والأهم محاولة إيجاد نوع من التمرد الداخلي الذي يستنزف النظام ومؤسساته الأمنية، ونشر الفوضى في البلاد. ما يمكن توقعه أن إيران لن تستسلم، وهي سترد َمباشرة لتدمير كل ما تستطيع في المنطقة، لكن في حال نشوء التمرد الداخلي المسلح في أطراف البلاد واستمراره، فإن ديناميكية الأحداث هي من سيقود النهايات، وستشهد إيران تعقيدات جدية في علاقاتها مع جيرانها، ناهيك عن تأزم وضعها الداخلي، وحينها ستعمد إلى أن تنقل أزمتها الداخلية إلى حرب جديدة ضد إسرائيل بشكل خاص وربما دول في المنطقة، حيث لن يعود هناك ماتخسره. هذا الوضع سيستغرق وقتا يعتمد على فرص النظام بحسم الأمور الداخلية لصالحه أو العكس، لكن حسب التجارب السابقة، فإن النزاعات الداخلية، تغذي نفسها، وتخلق تداعيات صعبة، وتلد بدورها مشكلات عميقة تمتد جغرافيا نحو دول أخرى.
mohammed retweeted
السلام عليكم
يقول الشاعر
ختمت الطيش وسنيني لياليها خرز مسباح
فلت من عمرها ليل وعجزت إمساك باقيها
ولاأدري كيف أصحح ماحصل دام السنين شحاح
أنا محتاج ياكلني الندم ليلة وأنويها
عوافي يا الجروح اللي غلاك بـ نزفها مرتاح
بسيطة والجروح نحبها من حب راعيها
هجرت السيف وأبحرت بسنيني من وراك إصلاح
وأنا اللي من قبل يبحر بها يعرف مراسيها
معك والموج ما بشّر بخير ولأني بـ سبّاح
جعلني كان عشت لـ ضحكتك وإن مت غاليها
حبيبي لا ظمى رمل الدروب وخافوا المرواح
على الله تشتكي يبس الغصون إجحاف ساقيها
أعرف أنك وطن يعشق ثراه الغصن والفلاح
تمر الغيمة وتخجل تشح أن جت مناشيها
يمرّون الجميع أجساد وأهلك لو تمر أرواح
أحس أن كل نسمة في الصدر تعرف مواطيها
تمسك في يدي يا آخر بقايا عمري اللي راح
أشوفك والسنين بـ نظرتك ترسم لياليها
مثل طفلة تشوف جيوش محتل الوطن سواح
ما دام أن عادها تمسك بيدها خنصر أبيها
تعال أن صارت الديرة منافي والوجيّه أشباح
وعرى الوقت نيات القلوب وبان خافيها
عيونٍ ما يواطنها النعاس ولا رضت ترتاح
أنا كم لي وأنا أترجى السنين اتسكنك فيها
صالح بن حمد
الـسلام عليكم
مساء الخير
يقول الشاعر
واهني اللي يعيش العمر بين أحبابه
ما يعرف الانعزال ولا يعرف الضيقه
ولا انا أجامل و حالي صابه اللي صابه
فاقد الراحه و وسع البال و الترويقه
أتصـبّر و الحيـاه ظـروفها غـلابه
والطواري تجتلد و الذكريات مويقه
فاقدٍ غرو ٍ صغير و ضحكته جذابه
المناياء في رموشه و العسل في ريقه
من بعد ماراح و اغلق صفحته وحسابه
الشعر ماعاد أطيقه و السهر ما اطيقه
كنت عايش بين تعليقه و بين اعجابه
و اترقّب كل يوم اعجابه و تعليقه :)
جراح العتيبي
1
6
234
mohammed retweeted
هكان فيدان ..
سيلتقي يوم الجمعة مع وزراء خارجية
باكستان ، مصر ، السعودية ، فرنسا ، بريطانيا ، المانيا
للإتفاق على تنسيق المواقف فيما يخص
منطقة الشرق الاوسط ..
رأيي الشخصي المتواضع ..
هذا ليس اجتماع لمناقشة الاراء
بل اجتماع للإتفاق على النقاط بشكل نهائي
ودور كل دولة في المرحلة القادمة ..
الـسلام عليكم
مساء الخير
يقول الشاعر
على باب الحياة.. أمدّ صوتي يا خَلِي البَال
عسى ما تسرقك من روْض صدري كلمة الجاهل
أشوفك فالنسيم وفالشجَر والغيْم والأطلال
مع إنك غبت لا زال المكان فـْ حضرتك آهل
قديم الوِدّ.. وأيَّام الصبا والحِلَّ والترحال
أعرفك مثل نظرَات الوَله في عيْن متجَاهل..
تمهَّل لا تغافلك اللّيَالي، والسنين طوال
أنا للحين أغنّي في عيونك.. وأنت تستاهل!
محمد السلطان
1
7
466
mohammed retweeted
اتفاق بدر يعتبر احد متغيرات التشكل
سواء في المنطقة او العالم ..
من ينتقد التحالفات الآن لايريد أن يخرج
من الوضع القديم ، ولا يريد أن يتكيف مع
المتغيرات الحالية والمستقبلية ..
كما ان هناك فئه هدفها شيطنة المتغيرات
لأنها تتعارض مع مصالح مشغليه او دولته ..
اتفاقية بدر اغلبها تطويرية للفرد ورفع كفاءته
وتصنيعيه عسكرية وكأنك تنتقل تدريجيا" من
مشتري .. إلى شريك في الصناعات الدفاعية ..
نصيحه .. لا تضعوا بالا" لكل من ينتقد الاتفاق
من في عينه ضبابيه
غدا" سينظف نظارته وسيقول لماذا
لم تكن لدينا اتفاقيات وتحالفات ..
اللهم احفظ قطر وسائر بلاد المسلمين .. يارب ..
الـسلام عليكم
يقول الشاعر
تغشّاك قلبي تحت جنح المسا وأنقاد
كفيف ولقى كفٍّ تداريه وتْدلّه
نزع من تراب أرضه خيام وعمَد وأوتاد
لقى في ثراك أرضٍ وفي حلّتك حلّه
على أنّي أباعد وآتمرجح رضى وعْناد
أدور رضى الأحلام ما آدوّر الزلّة
لا زال القديم مْن الليالي معاك جْداد
إلى شفت ظنّك شك فـ مْحبتي قلّه
تمر السنين وكل حاجه على المعتاد
هذا دربك آدلّه وذا بيتك آدلّه
ولا زال صدرك عن حنين الغريب بْلاد
تبعّدني ظْروف العمر وأرجع لْـ ظلّه
توقّف ملذّات العمر بين شُرب وزاد
ولا ألذّ من صوتك إلى جا على حلّه
وتو العمر .. وانا دروبي معاك بْعاااد
إلى من نشف ريقي فـ جِب ثغرك وبلّه
جعل كل يومٍ قد مضى لي معاك يْعاد
أنا ما يكفّيني معك ما مضى كله
صالح بن حمد
4
656


















