مُنى المالڪي|شاعرﮬ̲̣̐ 🇸🇦

على فكرة انا اقدر اروح لعالم النسيان اسافر للغياب اللي مضى عمري على جاله سقيت الناس بكفوفي وانا اشكي من الحرمان انا اكثر شخص بالدنيا تمنى شي ما ناله تعبت اعاني الغربه وانا قلبي لهم اوطان ياليت اللي جرح روحي اجي مره على باله جفاف العمر ماخلا ورا عوج السنين اغصان بقى حلمي على بالي واخاف الوقت يغتاله احب الصمت لو إنه يذكرني بشيٍ كان غلا ثابت رغم حزني بقى فيني على حاله وفيت اكثر من اللازم وتوقيت الاماني خان رماد آخر امل فيني رياح الياس تشتاله #منى_الزبيدي_المالكي #مرافيء_الحروف

يغريني اكثر مع العالم بيــاض القلوب مـالي شغل فــي ملامحها ولا اشكالها ماحبّ امشي مع الموجه بعوج الدروب انا بــــــحالي وخل الناس فـي حالــها #منى_الزبيدي_المالكي

تاقف بي اللهفه على شاطي الخوف ويموت حرفي قبل لااكتب عن النور اللي اشــــوفه شي ابعد من الشوف اكبر من قيود المحاذير والســـــور مجهول عن غيري ولي شي معروف دفتر عليه من الشـــــعِر ورد منثور غريب واظنّه معــــي شي مألــوف لو غاب يملاني احاسيس وحضور مازارني صدفه ولا مرّ معـــسوف يملا طرف كفي قنــــاديل وزهور #منى_الزبيدي_المالكي #مرافيء_الحروف

لو يدري الورد عن موعد مرور السحاب ماخاف غصنه عطش وقته ولا قســوته ولو تدري العين عن موعد دموع الغياب ماطاوعت من نوى يمشـــــى ورا غربته ولو يدري القلب عن اول دروب العـذاب كــان اقتنع قبل مايكبر حــزن طعنــته #منى_الزبيدي_المالكي #مرافيء_الحروف

الحقيقه واضحه والدرب واضح لاعــــرفت اللي تريــــــده لاتردّد صارت الـــــدنيا بهالفتره مصالح من سعى للمصــــلحه وده تجدد لاتــــعاند فالشــــعور ولاتناطح ادفن الحــــلم وتعــــــدّه لاتبدّد عالج جروحك ولكنّ لاتســـــامح لو رجعلك صاحب الجرح يتودّد لايغرك ف البشر بعض الملامح في علاقاتك مع العــــالم تشدّد #منى_الزبيدي_المالكي #مرافيء_الحروف

زبدة الهرج كله واختصار الكــــلام كيف تقدر تميزّ بين غث وسمـــين الطواري تمرّك مثل سرب الحمام تستفز المشاعر وانت مودك حزين منت قادر تكنّ ولا انت قادر تنـــــام نادر الحرف باقي في خيالك رهين الف فكره تمرّ ..ولا تـــــمرّ بســـــلام تترك البوح حاير بين شك ويقـــــين كيف تمشي برجلك فوق شوك الملام وانت تسقي بكفك مفرداتك حنــــين صمتك اللي زرعته في ضلوعك حرام ليه يبقى شعورك خلف صمتك سجين يشرق النور بكره من ثياب الظــــــلام فوق جرد الصحاري يلعب الياسمــين #مرافيء_الحروف #منى_الزبيدي_المالكي

فكــــــرّ بعمــرك.. عمل جديد مع الأستاذ / سعيد آل شعيب أرجـــو أن ينـــال أعجابكم youtu.be/OKlmaWALnYI?si=2-1e…

مدّت يديها للفرح طفلة الغيم خطواتها بانت على صفحة الما فيها من انواع البراءه تقاسيم احلامها اكبر من الكون واسمى #منى_الزبيدي_المالكي #مرافيء_الحروف

بعيد عن سطوة الذكــــــرى يمرّ النهار يمضي ويترك قلوب الناس في حالها كنّه يقدّم عن الحزن القــــــديم اعتذار عن كل فرحه ســـــواد الليل يغتالها من يقضي الوقت وايامه ملل وانتظار في خاطره كلـــــــــمةٍ توجع ولا قالها طبع الـــوفا وين تلقى له قدر واعتبار مركبك تصفق به الدنــــيا على جالها في رحلة العمر لاصار الطريق انحدار خل الطواري تشيل البـــوح من بالها ماعاد عندك سوى صبر السنين اختيار كم واحدٍ مات في حاجـــــه ولا طالها #مرافيء_الحروف #منى_الزبيدي_المالكي

الورد يشكي ظما والنــــور ما اشرق والحرف كنّه كسر هالوقت جنحانه حجم الوفا بالقلوب البيض مايفـــرق لاصار فيها آمـــل تتعب على شـــــانه مدى السما صمت لاترعــــد ولا تبرق والليل سكّر عن الهقــــــــوات بيبانه يادفتر البــــــوح في ظلماك لاتغرق ابحر مادام البحـــــر تغريّك شطآنه الفكره اللي على باب الفكر تطرق خذها معك عالم الابــداع والوانه #مرافيء_الحروف #منى_الزبيدي_المالكي

الهاجس اللي سرى ليله وموده حزين وشلون صحى خليّ البال من هجعته مدري علامه نبش بيديه جرح السنين شيٍ طواه الزمن وش جاب مع رجعته كانت عيونه على شط التعب تستكين مارافقه في حزن ليــــله سوى دمعته يفرش بساطه على اخــــر حدود اليقين لين انكوى من غثا الوقت وعرف طعنته كان يتأمل من ايامه تحـــنّ وتـــــزين لين الامل في حزن ليله طفت شمعته ماعاد يكفي عن الخيبات عذرٍ سمين ولا يسليّ حـــــزين القلب عن فجعته #مرافيء_الحروف #منى_الزبيدي_المالكي

من سكب عطره على اطراف النهار من رسم فرحـه على وجـه الحزين مـن عـطى قلـب الشـقا رد اعتـبار بعـد غربـة فـي مـتاهـات السـنين كـل حلـمٍ فى مـدى العـمر انتـظار انسـكب كـنـه مـطر فـي لحظـتـين #مرافيء_الحروف #منى_الزبيدي_المالكي

كل سنه وانتم طيبين …

راس مالي في حياتي حاجتين مالهن ثالث ولا فيهن جدِال طاعــة الله ثم بــــرّ الوالدين كل شيٍ بعــــــد هذا للزوال #منى_الزبيدي_المالكي

رمضان كريم

انا تعلمت كيف اصدّ واستغني ولا انتظر رجعة المخطي وتبريره مافيه حاجه اذا قفيّت تقنعني اسامح اللي جرح واسمع معاذيره دامه تعمدّ ببعض اشياء يوجعني ماني بحاجة كثر هرجه وتفسيره ماحب سود الليالي فيه تجمعني لو عشت 100 سنه ماجبتله سيره #منى_الزبيدي_المالكي #مرافيء_الحروف

فاتني شي ماحسبـــــِــــه يمر ويفوت عمري اللي رهنته لاجل حلم ومضى مات فيني طموحي قبل حلمي يموت مابقى وسط كفي غير جــــمرة غضى من يسلّف حروفي لابكت بس صوت ثرثرة طير بوحي كان عهـــد وقضى طال وقت الحنين وراح وقت السكوت بعد ضيق المــــشاعر جيت ادور فضى #منى_الزبيدي_المالكي #مرافيء_الحروف