في اول موسم كان اطلس هو الرمز اللي بعبر عن جيهان اطلس المحكوم عليه بحمل العالم كله على كتافه وجيهان اللي حامل مسؤولية الكل كلهم بعتمدوا عليه وهو مجبور يضل قوي وما عنده رفاهية الانهيار او التخلي في تاني موسم صار سيزيف الرمز اللي بعبر عن جيهان سيزيف المحكوم بمهمة أبدية ما بتنتهي بدفع الصخرة لفوق التل ومجرد ما توصل للقمة بتتدحرج لتحت فبرجع يحاول من جديد وبلاقي حاله عالق بنفس الدائرة وجيهان اللي بضل يعطي كل اللي عنده ويحاول ويحب بس ما بقدر يمنع خسارة اللي بحبهم كإنه محكوم عليه يكرر الخسارة مهما حاول يتفاداها هلأ هون النقطة الفارقة جيهان وصل لمرحلة تعب فيها من كونه الرجل اللي بتحمل كلشي ومن انه يواصل المحاولة بعد كل خسارة شلح خاتم الاغوية وحطه بجيبته كإنه تخلى لحظياً عن الدور اللي عاش كل عمره يؤديه دور الرجل اللي لازم يضل قوي لو شو ما صار وبعدين تسلق الصخر الصخر اللي كان بالمواسم الماضية حامله على كتافه وهو واقف تحته هلأ هو فوقه ولاول مرة بدل ما يضل حامل هاد العبء ويحاول يتجاوز خساراته وحدة ورا التانية قرر يواجهه ويبدا يكسر الصخرة اللي تعبته كتير كإنه وصل مرحلة بطل همه ينقذ اللي حوليه ولا يستعيد اللي خسره صار همه لأول مرة يحاول ينقذ نفسه ومع هيك كسر الصخرة ما كان كافي ليتحرر من تقلها ايديه نزفوا وجسمه انهار لانه كل هالسنين اللي قضاها وهو يحمل ويحاول ما بتحرر منها ولا بتختفي آثارها بقرار واحد هاد بدو وقت ومواجهة الوجع اللي تراكم جواه الها ثمن يمكن هاي بداية محاولته لإنقاذ حاله بعد ما قضى عمره يسعى ينقذ غيره ولسا الطريق قدامه طويلة