ودي أطمر عن الأشواق طمرة حصان
و أتسامى ، لو حصاني كبا ماطمر
شرقي الدار ماباقي معي عنفوان
مابقى لي سوى رجوى بليلة سمر
وجد روحي لو إني صوب ذاك المكان
"و أتكون سحابة و أنهمر و أنهمر"
لوّ مامر سلسالٍ على غصن بان
ولا اثنينٍ فرقها عن بعهضا ممر
قادر أسترجع الذكرى لكن الزمان
يتمنّع، مغير يسوق لي كل مر
ولا بعد قلت تكرم رغم كُبر الكيان
اتحلوى المرارة كني أقدّع تمر
ياحبيبي قسى قلبك وعودك ليان
كل ماتسمن الشرههة تزيدك ضمر
سالف الناس طين و طينتك زعفران
آيه الله فالترفات بيض و سمر
كل ماوحيت لك طاري يزّل اللسان
وكل مالاح طيف أزلّ و اطا جمر
في سنين الحنين أقبّل بليلة حنان
لين تروى قصيد و ، عشق و ، اروى خمر
صرت من خيبة الآمال عازف كمان
يدري إن الاذاني صقهه و مستمر
اترك الحاجة الي في يدين الهوان
و أطلب الي تبي و يتمّ ، طلبتك أُمر
في رجا ربع نظرة منك ، أشد العنان
و في رجا ربع كلمة منك ، أبيع العمر
سولفي عن الهوى .. لا تسكتين
وهاك صدري وإلعبي في ساحته
وغرّدي باللي تبين .. اللي تبيين
لين شعري تنثني لك ، وااحته
وابتدي من عودك اللي فيه لِين
اللي يا سبحان ربٍ .. ناحته
واستميحه عذر ، بالعذر السمين
وانتهي .. على طرف تفاحته
واستلذ بْما تجوود الشفّتين
القراح .. اللي على قرااحته ..
وإن بغيت اخلّي اعصابي تلين ؟
قمت اطالع وجهك وسماحته
وانتي الله يحفظك لا تستحين
خلي المشتاق .. ياخذ راحته
