شعر

تابعوني بشكل يومي ومختلف عبر برنامج سناب شات .. تشرفوني 🌹 snapchat.com/add/sh3eerr

اجمل محاصيل الزمان وعطاياه وجهٍ ليا منه طرى لك تبسمت ..

لولا الشيّمه اللي قيدتنا وحنّا احرار خذينا مطالبنا من الوقت بـ الراحه..

صدورنا مثل البيوت القديمة عقب العطى سكانها قاطعوها..

ترى جمال الشخص في حسن الأخلاق وشخص من دون أخلاق ماله محبة لو تختلف عند العرب بعض الأذواق تلقى خفيف النفس كلن يحبه ..

لاصار ساس البيت مبني على طيب كثرة عواصيف الزمن ما تضـرّه..

اليا بلوك اهل الردى .. لا تردى الطيب اخير من الردى عشر مرات..

حتى الكلام الزين حظ وتوافيق ماكل واحد في كلامه موفق..

ماعاد نبغى من العالم تسد اللزوم ياكبر معروفهم لا سدو حلوقهم ..

نسايـر طريـق العـز لو هو تعـب واخطـار ونخالف طريق الهون لو قالوا اجباري ..

اكرم موازين المخاليق الأخلاق واكبر كنوز الأرض كنز القناعه..

يارب .. و ان تاهت الأقدام ثـبّتني على طريق الهُدى والخير والتوبة .

يالله عساني وين ما رحت أو جيت أترك أثر طيّب . . وذكرى جميلة.

ترانا على خبرك ولو دارت الأيام تغيّر تواريخ السنه .. ماتغيّرنا .

من شانت طبوعه ، وشانت نواياه يحسب جميع الناس شينة طبايع ..

على كثر ما مرت علينا من العثرات يا كثر الظروف اللي عبرنا حواجزها..

يالله بحظٍ مايجي فيه ميله حظٍ يخلي كل شمات ينهار ..

أنا في رجا اللّٰه لو ما تنصفني الأقدار أوقف وأنا متسامي وخاطري راضي..

مهما تسوي طيب تلقي عواجه ماكل خلق الله تذكر محاسنك يازين هرج اللي يبي منك حاجه ! وياشين هرجه لاخذا حاجته منك..

فزعت يوم إن الظروف تحديهم وأنا أدري إن اللي ورا الناس كايد عرضت وجهي للبشر يوم أجيهم في فزعةٍ ما أرجي وراها فوايد كنت أحسب إن اللي علينا عليهم من طيب راس وطيب ساس وعوايد أصحاب يوم إنها علي تحديهم وإعداي يوم إنها عليه شدايد

يدور الزمان وكل يوم يطيح قناع وتظهر لك وجيه الناس وطبايعها..