مي عبدالله | مصممة جرافيك

أبغى أعرف ليه الأفكار ما تجي إلا قبل التسليم بخمس دقايق وليه فقدان الشغف لازم يجي بنص التصميم؟ فجأة المخ يقرر يوقف عن الإنتاج أقعد متنّحة أطالع التصميم 🐸 حرفيًا كذا، مع إني عارفة إن الخطوة اللي بعدها سهلة جدًا… بس المشكلة إني لازم أحرك يدي أو أفكر شوي، وهذي لحالها تصير مهمة مستحيلة

في يوم الوطني 🇸🇦 كل عام والسعودية وشعبها بخير وعز وفخر. نسأل الله أن يديم على المملكة أمنها واستقرارها، ويبارك في مسيرتها، ويكتب لها مزيدًا من التقدم والازدهار. #اليوم_الوطني_السعودي_٩٦ #تصميم_اليوم_الوطني

كم عمرك في مجالك؟🙂

طلع Google Ads ممتع أكثر مما توقعت 😂 يمكن لأنه من الأشياء اللي فيها بحث وتحليل وتجربة، وهذا النوع من الشغل يحمّسني فعلًا. اليوم دخلنا أكثر في موضوع الحملات الإعلانية، وبدأت أفهم كيف الإعلان ما هو مجرد نسوي إعلان ونشغله فيه هدف، وكلمات مفتاحية، واستهداف، وقرارات كثيرة وبعسسة من اللي يحبها قلبي ✌🏻😂 صرت أربط بين التصميم + التسويق + الإعلانات بدل ما أتعامل معها كأشياء منفصلة واضح إني دخلت عالم جديد مستمتعة فيه أكثر من اللازم 😂🤍 اليوم الخامس من رحلة إعلانات Google Ads

قصتي مع سما بدأت بكاروسيل 🤍👏🏻 تواصلت معي عشان أصمم لها كاروسيل، لكن من أول كلام بيننا حسّيت إن الموضوع أكبر من تصميم. كان عندها أشياء كثيرة تبغى توصلها، بس ما كانت عارفة وين تحط كل شيء. قلت لها: "خليني أحلل حساباتك أول، وبعدها نجتمع." وبعد التحليل اكتشفت فيها ميزة أحبها جدًا بصنّاع المحتوى: تعرف تلمس نقطة ألم حقيقية عند جمهورها. 👌🏻 اجتمعنا، فككنا أفكارها حبة حبة، وبدأت الصورة توضح. سألتني: "كيف عرفتي إني محتاجة توجه؟" قلت لها: «عدم وضوح طلبك هو التشتت.» ومن هنا ما عاد دوري أصمم كاروسيل وبس… مسكت طرف الخيط ورتبناه سوا. اشتغلنا على البراند، الهوية، الحسابات والمحتوى، وبدأنا خطة شهرية ومتابعة مستمرة. وأكثر جملة ما راح أنساها منها: «أنتِ معي، سأستمر.» 🤍🌼 يمكن أجمل شيء في شغلي كمصممة… إن العميل يبدأ يطلب تصميم، وينتهي وهو شايف مشروعه أوضح من قبل. إذا كنت تبني براندك وتحس إن أفكارك كثيرة ومش عارف من وين تبدأ، لا تتردد تتواصل معي 🤍 خلينا نمسك طرف الخيط مع بعض، ونرتب براندك حبة حبة. 🌼

باقي 24 يوم على اليوم الوطني🇸🇦 عندك مشروع وناوي تسوي عرض لليوم الوطني؟ خلّ تصميم العرض عليّ 🤍 أصمم لك محتوى يطلع عرضك بشكل مرتب وجذاب، ومناسب لهوية مشروعك. إذا حاب تجهز حملتك لليوم الوطني، تواصل معي رابط الوتساب في 🤍 وهذا نموذج من شغلي 👇🏻 #اليوم_الوطني96 #اليوم_الوطني_السعودي #تصميم_جرافيك

في بداية شغلي كنت أحسب إن سعر التصميم = عدد الساعات اللي جلست عليها. الحين لو سألتني كم سعر تصميم أخذ مني ساعتين؟ هقول لك: مو شرط يكون أقل من تصميم أخذ مني 10 ساعات لأن أحيانًا الفكرة تجي بسرعة، بس الوصول لها أخذ سنوات من التعلم والتجربة. بس فضولي أعرف رأيكم أنتم كيف تشوفون تسعير المصمم؟ بالوقت ولا بالنتيجة؟ 👀

تفتح حساب منافسك وتقول: ليش حسابه مرتب وأنا لا؟ مع إن منتجاتكم ممكن تكون متقاربة جدًا الفرق أحيانًا مو في المنتج الفرق إن عنده هوية تخلي كل شيء يطلع كأنه من نفس المكان وأنت كل بوست عندك له شخصية 😂 كم مرة غيرت شكل حسابك؟

من أعمالي في تصميم السوشيال ميديا لـ أكاديمية نجوم السعودية 🇸🇦⚽️ حبيت هنا أطلع التصميم بشكل حماسي ويكون مناسب لأجواء كرة القدم والأكاديمية. وش رأيكم بالنتيجة؟ 🤍

لاحظت شيء غريب في نفسي الفترة الأخيرة ،كلما حاولت أطلع بفكرة جديدة وأنا جالسة قدام لابتوب ، أتعب أكثر 😂 لكن لما أترك الجهاز وأطلع أمشي أو أغير المكان تجيني أفكار ما كانت تجي وأنا أحاول أطلعها بالقوة

من المشاريع اللي استمتعت فيها جدًا مؤخرًا 🤍 اشتغلت على الهوية البصرية للمتحدثة سما الحارثي ، وكان هدفي من البداية إني ما أصمم مجرد شعار يحمل اسمها، لكن يكون فيه شيء من شخصيتها ورسالتها. اعتمدت في بناء الهوية على خمس كلمات تمثل سما: تجربة — شجاعة — طموح — وعي — أثر. وحاولت أخلي الشعار يعكس رحلتها وتجاربها، وفي نفس الوقت يكون بسيط، مرن، ويقدر يكبر معها مع تطور براندها الشخصي. هذا جزء من المشروع، وحبيت أشارككم النتيجة 🤍

اليوم وأنا أراجع بعض أعمالي القديمة اكتشفت إن أكثر شيء يفرق بين التصميم القديم والجديد مو المهارة فقط انما طريقة التفكير تغيرت. زمان كنت أسأل: كيف أخلي التصميم جميل؟ الحين أسأل: وش المفروض هذا التصميم يحقق؟ وأعتقد هذا السؤال لوحده يغير نتيجة أي مشروع

من أعمالي في مجال المطاعم 🍽️👏🏻 اشتغلت على تصاميم السوشيال مطعم ريف نجد، وكان التركيز على تقديم الأطباق بطريقة تشهي وتخلي هوية المطعم واضحة في كل تصميم. أحب في تصاميم المطاعم إنها ما تكون مجرد صورة للأكل الصورة، الألوان، الترتيب والتفاصيل كلها لازم تخلي العميل يشتهي ويطلب 👌🏻🌼 وش رأيكم بالنتيجة؟👀

من الأشياء اللي غيرت نظرتي للتصميم مع الوقت: مو كل تصميم لازم يعجبني أنا. أحيانًا أشوف تصميم وأقول بيني وبين نفسي مو جوي أبدًا 😂 لكن لما أفكر فيه كحل للمشروع والجمهور المستهدف أفهم ليش اتصمم بهذا الشكل لذا هدف ورسالة المشروع هو الأهم المصمم بالنهاية ما يصمم لنفسه ، صح؟!

من اعمالي في تصميم الشعارات

كيف تختار مصمم هويتك؟ إذا كنت صاحب مشروع وتدور مصمم هوية، لا تشوف السعر فقط. شوف 4 أشياء: 1- هل يفهم مشروعك؟ 2- هل عنده أعمال قريبة من احتياجك؟ 3- هل يشرح لك سبب اختياراته؟ 4 -هل عنده طريقة عمل واضحة؟ لأنك ما تبحث عن شخص يعرف يستخدم البرامج فقط انت تبحث عن شخص يعرف يفكر قبل ما يصمم يكون شريك لك في نجاح المشروع 💡

لا تبدأ بالتصميم قبل ما أفتح Illustrator أو Photoshop عندي مرحلة أهم اللي وهي البحث أشوف المنافسين، الجمهور، طبيعة المشروع، وطريقة ظهوره الحالية. لأن لو بدأت أرسم مباشرة، ممكن أطلع لك تصميم جميل بس ما يخدم مشروعك التصميم الجيد يبدأ قبل البرنامج👍🏻

خطأ يخلي هويتك ضعيفة وش هو؟! أنك تقلد منافسينك او تشوف مشروع ناجح وتقول: أبغى نفس الأسلوب لكن المشكلة الناس ما تبحث عن نسخة ثانية من مشروع موجود!!!!! تبحث عن سبب يخليها تختارك أنت التصميم يبدأ من التميز، مو من التقليد👍🏻

قد تلاحظ أن فيه علامات تجارية تتذكرها حتى لو ما شفت اسمها. ليش؟ لأنها بنت نظام بصري واضح. الألوان، طريقة التصوير، الأسلوب، الخطوط.....الخ ،كلها تشتغل مع بعض. ركز معي الهوية القوية ما تخليك تبحث عن المشروع هي تخليك تعرفه 👍🏻