Chubbae; 🫶🏽

تابعت اليوم مسلسل برايم الجديد Campus Drivers كامل #CampusDrivers تخيل هذه السخافة مكتوبة برواية!! يعني مدري وش ذي الرواية الرخيصة والسخيفة، إلي اقنعتك بأنك تخليها مسلسل!! شفت ناس كثير بتويتر تمدحه، وقلت دامه ٦ حلقات وإجازة، خلني اتابعه واشوف ليه المدح هذا عليه، وانصدمت فيه والله لأنه حرفياً المسلسل كله عبارة عن تعالي نرقص مع بعض، تعالي ننام مع بعض، تعالي نبوس بعض، تعالي نروح مع بعض، والله المسلسل كله كذا ما امزح، لين خلاص تتمنى لو يصير اي شي ثاني غير هذه السخافه واجواء المراهقين إلي هم فيه. يعني لما شفت الناس تمدحه كل فكري جاء، بأنه سباق سيارات أو حاجه لها علاقة بالسيارات، عشان يعني مكتوب بإسم المسلسل اسم Drivers، ولكن حرفياً السيارات مالها أي دخل بالموضوع، بل كله سوالف مراهقين و رومانسية بشكل مبالغ فيه جدآ بكل حلقة، انتي تحبيني ليه تروحي مع فلان، امشي معي عشان اخلي حبيبك القديم يغار عليك، أنا حبيت مدري مين وخانتني. يااهووو!! والله في اشياء ثانية اهم ترا من هاذي السواليف، وما عندي مانع لو تحطها بمشهد او حتى بحلقة واحدة كاملة، بس حاطها لي بكل الحلقات وفي أكثر من مشهد، والله مبالغة وقرف ومللت من سواليفهم المراهقية، مثل ما قلت ما عندي مانع إنك تحط رومانسية بالمسلسل، بس مو للدرجة أنك تعبي المسلسل كله رومانسيه، و إلي تخليني اطفش من الرومانسية كلها. والاسوء من هذا كله هي النهاية، ليش؟ لانك راح تشوف أحداث عشوائية بشكل جنوني في نهاية الحلقة السادسة لهذا المسلسل، كله لغرض بأنه يريد يعلمك بأنه فيه موسم ثاني، للخياس إلي مسويه بهذا الموسم. المسلسل يتكون من ٦ حلقات، وكل حلقة مدتها مختلفة، ولكن بعد ما جمعت دقايقها كلها، هي ٤ ساعات بالضبط. بصراحة لو أنت/ي شخص تحب المسلسل يكون فيه كله رومانسية فقط، فهذا المسلسل مناسب لك 100%، غير كذا ما أنصحك أبدا إنك تشاهده، لأنه حرفياً مافيه اي شي غير الرومانسية وأجواء المراهقين.