No risk no fun كنت محتاجه اخد قرار مهم فعلا في حياتي و أقعد شويه مع نفسي أشوف ايه اللي حصل معايا اخر كام سنه و ايه السبب جربت الحوار دا كتير قبل كده و منفعش لانه كنت بتخنق و بزعل و خلاص فهجرب المرادي و ربنا يوفقني و أنجح بس يا رب مرجعش في قراري زي كل مره

حرفيًا ماشيه في حياتي كلها بمبدأ All or nothing يا أعمل الحاجه كامله يا أسيبها يا أذاكر اللي عليا فعلًا يا مذاكرش خالص يا أروق البيت كله أوضه أوضه و أمسحه يا أسيبه و قيس على كدا كل حياتي بتفاصيلها الperfectionism هيقتلني قريب و عارفه انه غلط و بدفع تمنه كل يوم بس مش قادره أوقف😭

Town team عاملين عروض تحفههههههه و بتكون ماتريال تحفه برضو و أنا لحد دلوقتي ملقيتش عروض كويسه و لو فيه عروض فالماتريال تقرف يا بختكم يا رجاله😠 أنا أكبر حاسد

الواحد دلوقتي عشان يعرف يجيب ال ACM multivitamins بيفكر ميت مره إيه اللي يجيبه و إيه اللي ممكن يتأجل😭

مين يقدر يعوضني عن الدوبامين و احساس العظمه اللي بييجي للواحد بعد ما يحل مسأله صعبه و متحلتش معاك من أول مره في الفيزياء أو الرياضه لسه مجربه الإحساس دا تاني امبارح و وحشني😭

بقول لماما دا الدحيح نزّل حلقة عن العدوان الثلاثي فأختي ردت و قالت و الله قولتلها آه يبقى اسمعيه قالتلي هو حكى عن أي عدوان بالظبط من التلاته أنا من كتر الضحك مقدرتش أتنفس😭😂😂 مفكره العدوان الثلاثي دا تلت حروب على فترات مختلفه و جمعوهم بالاسم دا😭

الواحد ميعرفش عمل إيه في حياته عشان الأشكال دي تظهرله هو مفيش حد عاقل خالص في الخرابه دي

عايزه أناااااااااااااام بكره الأرق أنا بالوضع دا و بالأخبار اللي بتظهرلي دي هعمل كوت لأغلب التويتات تقريبًا😭

كله كوم و إنهم معلقين مشاكلهم على شماعة المهاجرين دي كوم تاني و إن المتسبب في المظاهرات دي ناس غير شرعيين و غير متعلمين بس انتم ملوك الحضاره فعلًا محتاجين تقرأو تاريخكم من تاني لإنكم تقريبًا نسيتوه

من أجمل القرارات اللي أخدتها في حياتي إنه قفلت فيس و انستا من كتر ما كنت مدمنه للأبليكيشن دي و كانت عامله لود عليا بسبب كذا حاجه أتمنى أعرف أكمل باقي سلسلة الأبلكيشن اللي عندي قريب لإنها بقت عامله لود برضو بس عامةً و على رأي ماما كله من الزفت اللي مسكاه

أقدر أفهم حب الناس لناصر لإنه في فتره من حياتي كنت ناصريه و بحب الراجل دا جدًا (بعيدًا عن رأيي دلوقتي) بس مش قادره أفهم فكرة إنه نتهم حد بأي حاجه و خلاص لإنه مش نفس رأينا

هم مش عايزين يسمعو حلول أو حد يتناقش في قراراتهم هم عايشين في ماية البطيخ و عايزين ناس تطبللهم لدرجة إنه جملة"كان بيغش يا فندم" جننتهم و مكانوش عارفين يردو عليها أصلًا و من كتر ما الجمله كانت بالنسبالهم غير متوقعه حكو حاجه أثبتت الجمله دي دا يا مساء الغباء و الضحك و الله

"كان بيغش دي يتعملها جلسة تانية مينفعش ان احنا نيجي هنا في الجلسة بتاعت التعليم ونقول كان بيغش ونعترف بهذه الكارثة" لو معترفناش بيها دلوقتي هنعترف بيها امتى؟ أنا مضحكتش كده من زمان بسبب ردة فعلهم😂 المشكله إنه الوزير ذكر حاجه حصلت معاهم أثبتت كلام أحمد طارق😂😂😂😂 الحاجه و عكسها

نفسي أفهم دماغ الرجاله بابا مكانش شايف مشكله إنه يطلع للضيوف فاكهه في الطباق العاديه قولتله بس يصبر أصب العصير فعلق عن إنه ليه بصب العصير في الكاسات دي و كان هيطلع طبق الفاكهه في ايده عادي يا صبر أيوب و الله و أنا بقنعه يسيب اللي في إيده و يطلع و أنا هنادي عليه

ال for U اللي ظاهرلي في التيك توك دلوقتي يا خطوبه قراية فاتحه كتب كتاب فرح تخرج هو فيه إييييييه؟!😭 طب و الله معندناش هنفضل نقول و نعيد يا راجل

بحكي لأختي موضوع حصل معايا و طول ما بتكلم مبتردش و متفاجأه و بعد ما خلصت قالتلي مكذبتش لما قولتلك انك بتجذبي الناس التوكسيك زي المغناطيس و كل مره بتفاجئينا إنه لسه فيه ناس أسوأ اقعدي ادعي من دلوقتي انه الوضع دا ميستمرش معاكي لما تيجي تتخطبي😭 يا رب أنا غلبانه و مش حمل بهدله😭

فيه ناس كتيره بتنزل محتوى مفيد على التيك توك فكل ما أفتكر حد منهم هنزلهم هنا فيه أكونت اسمه iamrahall عارفين الأفكار اللي بتجيلنا كتساؤلات في دماغنا هو بجد بيتناقش فيها حاليًا بيستضيف ناس بتعمل محتوى على التيك توك و بيتكلم معاهم كسؤال و جواب كإنها deep conversation بين اتنين صحاب