مّ

مشيتك سكةٍ ما هاب قلبي دربها و احتار ولا جاك متردد في وصوله ، واصلك راهي سعيت اقطف ثمر غصنك وله ، واهتزت الاشجار وانا ما شد روحي غير فرعك و اصلك الزاهي عطيتك كل ما املك من شعور بـ تضحيه واصرار واخذت الجرح منك بـ ابتسامة وجهك الباهي انا ما اخترتك من الناس ، لاني ما نويت اختار و جابك حظي اللي يوم جابك ، جيت متباهي تخيّرت احفظك مثل الوداعه واحفظ الاسرار و لكنّك تخيرت الوداع و خاطرك ساهي لو اني ما تساهلت الامانه في يد البوار ما عودت و حسايف كلمتي تشره على فاهي تغيب و لو تغيب مْن العدم عن ساير الانظار تردك للتفاصيل القديمه ، نظرة اللاهي توقعتك معي لو الزمان يدور ، لكن دار وشفتك تختلق من كل زله موقفٍ واهي حصل ما تطلبه و اللي بغيته ياحبيبي صار حبيبي ! كلمةٍ ما احبها لو مرت شفاهي عساني كل ما زل الكلام و ضاعت الاشوار ما اقول الكلمه اللي ما تكبّر قدري و جاهي لو تجوب البسيطه وتعبر ما بين دار و دار ما تلقى مثل قلبي ، لو تشوف عيونك اشباهي

تجاوزت باقي مجرياتك ( ضْنون - وحبّ ) ولٰكنّ وجهك الاولي ماتجاوزته ! عسى مبسمٍ كان المطر من وراه يصبّ ما يقتاده الا ظًلّي العذب وشْجرته عسيب العيون اليا تمادى النسيم وهبّ تمنيت .. ماهبّ النسيم وتذكّرته انا ويش اسوي تحت حكم الحنين الصبّ مع اني ، لو اختار المشاعر تخيّرته !

إن رحت يا كثرهم وان جيت ياكثري ضاقت بيّ عيونهم لو كنت وحداني تعبت و أزريت ما ملّيت من صبري ليت الذي راح مني كثر ما جاني أحيان ودي أطيح من التعب وأزري وتشيلني عزّتي .. وسلوم جدّاني -سعد الحريص

الله لايكشف لك خفا بعض القلوب يا قلبي .. اللي كل شي جارحه مزعلني إن الكون في سعيٍ دؤوب وأنا موقّفني الحزن في البارحه

سلامي عليّ تسليمة ترضي الأذواق يا كم حاجة صديت منها وأنا أبيها تعلّمت من طبع الشجر قيمة الأخلاق يدور الزمان وعزّته ما يخليها يهبّ الهوى وتطيح من غصنه الأوراق وعلى كثر مايحتاجها ما يناديها

اشوفك وطن وتشوفني رحلة أستجمام واشوفك عمر وسنين ماهيّب منعاده ...

____

يامعذبة قلبً حلف مايخونك تكّي عليه بخصرك اللي متكّي عزالله اني كنت عايش بدونك ثم قل اماني معك وزداد شكّي دايم وانا تبكي عيوني عيونك بعدك معاناتي وقربك محكّي ماهوب بس اللي تبكّي طعونك حتى جمالك والله انّه يبكّي :)

مو مهم تزيد وصلك واتصالك انت غالي حاضر ولا غبت غالي (:

يا معذبك وانت تهب حتى معا الانسام ويا مقساك وانت تغرّب الشخص بـ بلاده

لازال القديم من الليالي معاك جداد الى شفت ظنّك شك فـ محبتي قلّه تمر السنين وكل حاجه على المعتاد هذا دربك ادلّه .. .. و ذا بيتك ادلّه ولا زال صدرك عن حنين الغريب بلاد تبعّدني ظروف العمر ..وارجع لـ ظلّه .

جيتك وأنا ودي من الفرحة أطير وأعانق نجومك وأعانق سحابك متخوف وعايش على الحلم الأخير بموت لو ما قلت لي مرحبابك ورحَّبت بي جعل فداك الغنادير اللي ما تسوى في عيوني سرابك وتنشد عن أحوالي عسى أحوالي بخير كل الأمور بخير لولا غيابك ...

على الرغم من نزف المشاعر عجزت اجفاك على قمة الاحزان ياطول .. مقعادي حلالاه يا وقت مضى ياغصين الراك قبل تذبل زهور الغلا جوري ، وكادي تسافر بي الذكرى على اللي مضى وياك وعلى عودك المتهادي وصوتك الهادي امانه معك سو اي حاجه عشان انساك لو انك تخون الملح والزاد يا زادي انا الحاير اللي حيرته معك ماتخفاك وانا الغادي اللي يدري انه معك غادي فوادي يبي وصلك ، وعقلي يبي فرقاك وعقلي عنيد ولا هو اعند من فوادي

عشيرٍ ليا جيته هو ايّاه وانا ايّاي نصون الغلا ونقدّر الملح والعشره

من جفاف الروح مدري من جمال الذكرى والله اني مستحي لا اشغل المساحه !

- يموت الأمل لكن ظنون الغلا تحييه -

غلبت الهوى فتره لكن - الهوى غلاب -

يا مراسيل أريش العين قولي له أسعد المولى — لياليه و ايّامه ثم قولي ، والله إن قدر ولفي له " ولف سبّابة بنانيه لـ إبهامه " — بن جدلان

افا يا حفيدة من يعز القنا .. و الطاس فـ قلبك بديت أشك .. في كبر منزلتي لو إنك تشوفيني بحبك عديم إحساس اشوفك على استنزاف .. قلبي تطاولتي انا اليوم مشكلتي من مواصلك الإفلاس اخاف الوفا في تالي الوقت .. مشكلتي بعد مابديت احس ماني معك حساس تخيلت صدك فوق مانتي تخيلتي لاطال الزعل ولا قصر عادي ولا باس من يقول طولتي ؟ لاوالله ماطولتي متى طلتك تفصل مابين الأمل و الياس وافصّل لك ابياتي .. على ماتفضلتي جمالك يرجعني على الحبر و القرطاس ويقلل إجاباتي .. لو يكثّر اسئلتي تهادي مع القمرا و ميلي مع النسناس على كل ميله بيت بيتين وش قلتي ؟ من الياس اعلق حلمي بعودك المياس على شان احس بـ قيمته .. لا تمايلتي لو إني اشوفك دون شامه و عقد الماس اقول الله العالم من الغيم !.. حولتي ماعمر الدلال بـ عمرك المفترض ينقاس كبرتي !.. وإلى منك كبرتي تدلّلتي تقولين قربي نشوته .. نشوة النوماس على كثر ماقلتي !.. معي قلتي وطلتي عليّ من كلامك وش عليّ من كلام الناس ماكنتي " اهم الناس " كنتي ولا زلتي ! - عتيم

اقسى من الدمع صوتٍ تقتله ونّه والونّه اللي تجي من شوق غلابه لـ إنسان من كـثر ماتغليه وتحنّه تختار فرقاه وانت تضيع فـ غيابه - سعود مبارك