ماجد الجارد

تشرّفت بإلقاء قصيدتي امام صاحب السمو الملكي الامير فيصل بن خالد بن سلطان آل سعود أمير منطقة الحدود الشمالية ، حفظه الله حطيت للشعر تاج مذهب وصولجان دام المعاني براسي والقلم في يدي مابين عذب القصيد وبين سحر البيان اكبر فخر يوم اسل الشعر لجل بلدي موصيني ابوي في حب الوطن من زمان وانا بوصي .. على حب البلاد ولدي

تماديت يالحوثي بعد مااعتراك الياس ابعطيك نبذه .. كان تجهل طبايعنا هذا الشعب مايخضع ولايرتخي له راس لاتحسب صواريخ المجوسي تروعنا ترى دون رمـل المملكه .. كلنا حراس ولوترسل ارهابك ماتوقض مضاجعنا من الـمـجد .. خلينا الثريا لنا مجلاس واذا انّا وقفنا للنجم .. من تواضعنا #السعوديه_العظمي_خط_احمر #الحوثي_يستهدف_مقدسات_المسلمين

في يوم التأسيس وامام سمو أمير منطقة الحدود الشمالية وسمو نائبه تشرفت باإلقاء قصيدة الحفل. كان وادي حنيفه بالسباع محفوف كبّر محمد ابن سعود والخوف زاح بعدها نال تركي دانيات القطوف عاد ورث الجدود ونجد لبْست وشاح كل منهم على ذيك المنازل شغوف القدم مااستراحت والفكر مااستراح ويوم عبدالعزيز ابطى عليه الوقوف انتخت نجد واستاذن ديار الصباح

الصمت دايم يجي من دافع القوه اكثر بيوت القصيد تموت في صدري وجهٍ نعرفه جميل .. ووجهٍ مشوه ومابين هذا .. وهذا عارف ٍ قدري من ينسب الطيب والمعروف والخوه بدري يمشي .. علينا خدعته بدري نـدري بخبثه .. ونـدري مابه مروه والمشكله يحسب ان الناس ماتدري ماجد الجارد

وان مرّت العوجا وانا عيني تْشوف حشمت لي ناسٍ بوسط المقابر

كل ماشوف النفوس تذلْ والروس تْهاوى قلت طاحت من ركون المرجله أكبر ركيزه اكتشفت ان الذياب اللي على المرقب تعاوى في سبيل المنفعه والحرص تدفعها الغريزه يمكن ان المال يجبر كسر والجرح يتداوى بس ماظني يداوي كسرة النفس العزيزه ماجد الجارد

اشوفك عيد في كل الليالي ياابتسام العيد على شانك دخلت الحصن الاكبر وانحنى سوره تحديت الظروف القاهره في كلمة التوحيد تبسّم بعدها ورد الصباح وفاحت عْطوره انا لامن شعرت ان الضما يجرح لهاة البيد لمحتك غيم في صدر السما والارض ممطوره معك ينتابني ذاك الشعور اللي يروح بْعيد اشوفه بالقصيد اللي غلاك يترجم شعوره انا لاجلك تمثنيت القصايد ياعنود الغيد ضربت الغصن وتْساقط عنبْه وغنت طيوره نقلت الشعر من تقليدي الفكره الى التجديد ورسمت الحبكه اللي تفرق الصوره عن الصوره ترى لولا جبينك والعيون الناعسه والجيد ماشفت الكون له وجهٍ جميل وللشعر ثوره احب الهدنه بسلم المحبه وارفض التصعيد ترى بعض المكابر يخرِج الرجال عن طوره عسى دربٍ ينوّر بالزعل والصد بالتحديد تهب الريح مع درب الوصال وينطفي نوره ماجد الجارد

لقائي صباح هذا اليوم على القناة السعودية الاولى وقصيدة في أمي حفظها الله

قصيدة وطنية موجهه لكل حاقد على المملكة العربية السعودية