യുവതി മുസ്ലിമാണ്, യുവാവ് ഹിന്ദുവും. നേരെ തിരിച്ചാണെങ്കിൽ ബി ജെ പി മന്ത്രിമാരും വിരമിച്ച ബി ജെ പി അനുഭാവികളായ ഐ എ എസുകാരും ഐ പി എസുകാരും ലവ് ജിഹാദിനെ അപലപിച്ചു പോസ്റ്റുകൾ ഇടും; മുസ്ലിംകളെ സൂക്ഷിക്കണം എന്ന് ഹിന്ദുക്കളെ ഉപദേശിക്കും. ദോഷം മാത്രം പറയരുതല്ലോ; ഇത്തരം കാര്യങ്ങളിൽ മോഡി പോസ്റ്റ് ഇടാറില്ല, മങ്കി ബാത്തിലും പറയാറില്ല. മോഡി ഡീസന്റ് ആണ്. പക്ഷെ കേരള സ്റ്റോറി സിനിമ എല്ലാവരും കാണണം, ബി ജെ പി ജയിച്ചില്ലെങ്കിൽ അതൊക്കെ ഇവിടെയും സംഭവിക്കും എന്ന് അയൽസംസ്ഥാനത്തെ തിരഞ്ഞെടുപ്പ് പ്രചാരണ യോഗത്തിൽ പ്രസംഗിക്കും.

പ്രദീപ് മുഖർജിയാണ് അറസ്റ്റിലായത്. ഇങ്ങനെ ചാരവൃത്തിക്ക് സൈനികരായ ഹിന്ദുക്കൾ അറസ്റ്റിലാവുന്നത് ഒരു മാസത്തിൽ രണ്ടെണ്ണം എന്ന തോതിൽ നടക്കുന്നുണ്ട്. സൈനികർ ചാരവൃത്തി ചെയ്യുന്നത് സാധാരണക്കാർ ചാരവൃത്തി ചെയ്യുന്നതിനേക്കാൾ ഗുരുതരമായ കുറ്റകൃത്യമാണ്. കാരണം സൈനികർക്ക് സർക്കാർ വലിയ ശമ്പളവും ആനുകൂല്യങ്ങളും നല്കുന്നുണ്ട്; അത് രാജ്യത്തെ സംരക്ഷിക്കാനാണ്. എന്ന് വെച്ച് ഹിന്ദുക്കളെ രാജ്യദ്രോഹികൾ എന്ന് വിളിക്കരുത്. സുരേന്ദ്രനോടും, രാജീവനോടും, ശശികലയോടും, ബാബുവിനോടുമാണ്. കാരണം മറ്റുള്ള ഹിന്ദുക്കൾ മര്യാദക്ക് ജീവിക്കുന്നവരാണ്.